लायन्स क्लब अफ निसीखोलाको आयोजनामा शनिबार वडा नम्बर ४ मा कर शिक्षा कार्यक्रम सम्पन्न भएको छ ।

ग्रामिण क्षेत्रमा साना व्यवसाय गर्दे आएका व्यवसायीलाई करको विषयमा जानकारी गराउने र व्यवसायलाई विस्तार, आर्थिक व्यवस्थापन, लगाएतका विषयमा जानकारी गराउने उदेश्य स्वरुप कर शिक्षा कार्यक्रम संचालन गरीएको संस्थाका अध्यक्ष अशोक कार्कीले बताउनु भयो ।

निसीखोला गाउँपालिका अन्र्तगत रहेका व्यवसायी, जनप्रतिनिधी सहितको सहभागिता रहेको कार्यक्रममा कार्यक्रममा सहभागीहरूलाई आन्तरीक राजश्व कार्यालय बागलुङका राजन मणी शर्माद्धारा कर सम्बन्धी जानकारीमूलक सचेना तथा प्रशिक्षण दिनुभएको हो कार्यक्रम भुमिराज आर्चायको संचालनमा सम्पन्न भएको हो ।

निसीखोला व्यवसायी संघ द्धारा आयोजीत संस्थाको प्रथम साधारण सभाको अवसरमा क्लबले कर शिक्षा कार्यक्रम गरेको जनाइएको छ ।

कार्तिक १५ गते बुर्तिबाङ
बागलुङको निसीखोला गाउँपालिकामा स्थापना भएको निसीखोला व्यापार व्यवसायी संघको प्रथम साधारण सभा तथा कर सचेतना कार्यक्रम शनिबार वडा नम्ब ४ मा सम्पन्न भएको छ ।

संघका अध्यक्ष चेतराम पौडेलको अध्यक्षतामा सम्पन्न उक्त कार्यक्रममा निसीखोला गाउँपालिकाका अध्यक्ष सूर्यबहादुर घर्ती प्रमुख अतिथिको रूपमा रहनु भएको थियो । गत बर्ष स्थापना भएको संस्थाले निसीखोला गाउँपालिका अन्र्तगतका व्यवसायीको हकहित, सरसफाई, बजार व्यवस्थापन, स्थानीय सरकार संग समोन्य गर्दे विभिन्न कार्यक्रम गाडी बढाउँदै आएको छ ।
कार्यक्रमलाई सम्बोधन गर्दै प्रमुख अतिथि गाउँपालिका अध्यक्ष घर्तीले निसीखोलाका व्यापारी तथा व्यवसायीहरूले संस्था स्थापना गरेर व्यवसायीको हक अधिार सुनिश्चत गर्दे, व्यवसाय बृद्धि गराउन र स्थानीय आर्थिक समृद्धिमा महत्वपूर्ण योगदान पु¥याउँदै आएको बताउनुभयो ।
उहाँले कर प्रणालीप्रतिको सचेतना र व्यवसायीबीचको सहकार्यले स्थानीय विकासलाई अझ प्रभावकारी बनाउन सहयोग पुग्ने विश्वास व्यक्त गर्नुभयो ।
कार्यक्रममा वडा अध्यक्षहरू चन्द्रसिंह रामजाली, कुविर विश्वकर्मा, टिकानिधि पौडेल, सुर्यमान घर्ती, उद्योग वाणिज्य संघ ढोरपाटनका अध्यक्ष ढालेन्द्र छन्त्याल, लायन्स क्लब अफ बुर्तिबाङकी अध्यक्ष शान्ति पौडेल, लायन्स क्लब अफ निसीखोलाका अध्यक्ष अशोक कार्की, निसीखोला निमित्त प्रमुख प्रशासकिय अधिकृत दिलिप चन्द लगायत स्थानीय निकायका प्रतिनिधि, उद्योगी व्यवसायी तथा विभिन्न संघ–संस्थाका पदाधिकारीहरूको उपस्थिती रहेको थियो ।

त्यस्तै, कार्यक्रमका अन्य वक्ताहरूले बोल्दै व्यापार व्यवसायीहरूबीच एकता र पारदर्शी कारोवार नै दिगो आर्थिक विकासको आधार हुने बताएका थिए । संघले आगामी दिनमा व्यवसायीहरूको हकहित संरक्षण र स्थानीयस्तरमा व्यवसायिक वातावरण सुदृढ गर्न निरन्तर प्रयास गर्ने जनाएको छ ।

कार्यक्रममा अध्यक्ष पौडेल द्धारा संघको बार्षिक प्रगति प्रतिवेदन प्रतुत गरिएको थियो । त्यस्तै महासचिव र कोषाध्यक्ष  द्धारा संस्थाको प्रगती र आर्थिक प्रतिवेदन प्रस्तुत गरिएको हो । 

कार्यक्रममा सहभागीहरूलाई आन्तरीक राजश्व कार्यालय बागलुङका राजन मणी शर्माद्धारा कर सम्बन्धी जानकारीमूलक सचेना तथा प्रशिक्षण दिनुभएको हो कार्यक्रम भुमिराज आर्चायको संचालनमा सम्पन्न भएको हो । 

 कार्तिक १६ गते बुर्तिबाङ

लायन्स क्लब अफ ढोरपाटनको आयोजनामा बुर्तिबाङमा शुक्रबार देखि सुरु भएको दुई दिने निःशुल्क आँखाको चेकजाँच तथा मोतियाबिन्दुको ( अप्रेशन ) शिविर सम्पन्न भएको छ ।

शिविरमा कुल एक हजार ७ जना नागरिकले सेवा लिएका छन । सेवा लिएका मध्ये ८५ जनाको मोतियाबिन्दुको शल्यक्रिया अप्रेसन गरिएको हो । त्यस्तै दुई जनाको परेला आँखा भित्र पसेका नागरिकको उपचार गरिएको छ ।

दुर्गम भुगोल , आर्थिक समस्या र चेतनाको अभावका कारण आँखाको समस्या पालेर बसेका नागरिकलाई शिविरले राहत दिएको छ । शिविरमा चार सय ९५ जनालाई आवश्यकताको आधारमा चस्मा वितरण, ३२४ जनालाई औषधि उपचार गरिनुका अन्य नागरिकको आँखा चेकजाँच संगै आवश्यक परामर्श दिइएको हो ।

जलविन्दु भएका नागरिकको समेत उपचार गरीएको हो । आँखा सहित अन्य जटिल समस्या भएका  १३ जनालाई थप उपचारका निम्ती अन्य अस्पतालमा रेफर गरिएको हो । लायन्स क्लब अफ ढोरपाटनको आयोजना, लायन्स क्लब अफ बुर्तिबाङ र लायन्स क्लब अफ निसीखोला को सह आयोजनामा शिविर सम्पन्न गरिएको थियो ।

शिविरलाई सफल पार्न हिमालय आँखा अस्पताल पोखरा, आइ केयर , धौलागिरी आँखा अस्पताल बागलुङको प्राविधिक सहयोग रहेको छ ।

आयोजित समापन सत्रको कार्यक्रम लायन्स क्लब अफ ढोरपाटनका अध्यक्ष तेजिन्द्र खत्रीको अध्यक्षता, लायन्स डिस्ट्रीक ३२५ के का चियर पर्शन छविलाल पाण्डेको प्रमुख आतिथ्यता, नेत्र ज्वती संघ गण्डकी प्रदेशका उपसभापति धुव्र के.सी., नेपाल नेत्र ज्वती संघ बागलुङका सभापती विन्दु सागरराज भण्डारी, लायन्स क्लब अफ बुर्तिबाङका अध्यक्ष शान्ती पौडेल, इलाका प्रहरी कार्यालय बुर्तिबाङका प्रमुख तिलक मानन्धर, बुर्तिबाङ अस्पत्तालका प्रमुख डा. अविनाश पोख्रेल, जलविन्दु विशेषज्ञ अनिल पराजुली, रेडक्रस सोसाइटी उपशाखा बुर्तिबाङका सभपती पुरन पाण्डे, बुर्तिबाङ राइजिङ यूवा क्लबका अध्यक्ष सुरज विश्वकर्मा लगायत स्वास्थ्यकर्मी, लायन्स क्लबका पदाधिकारीको उपस्थिति रहेको थियो ।

कार्यक्रमलाई सम्बोधन गर्दे प्रमुख अतिथी छविलाल पाण्डेले लायन्स क्लबले विगत ६ बर्षदेखि नियमित रुपमा पश्चिम क्षेत्रका नागरिकलाई लक्षित गर्दे आँखा शिविर सञ्चालन गरिरहेको बताउँदै क्लबको आग्रहलाई स्वीकार गरेर हिमालय आँखा अस्पत्ताल र नेत्र ज्वती संघ, धौलागिरी आँखा अस्पत्ताल ,नेत्र ज्वती संघ गण्डकी प्रदेश सहित सहयोगी सबै संघ संस्थालाई आभार व्यक्त गर्नुभएको हो ।

लायन्स क्लबको माध्यमबाट शिक्षा, स्वास्थ्य, विपद, वातावरण जस्ता महत्वपूर्ण क्षेत्रमा आफूहरूले काम गर्दे आएको बताउनु भयो । संस्थाका दिर्तिय उपाध्यक्ष हेमेन्द्र घर्तिको स्वागत रहेको कार्यक्रम संस्थाका अध्यक्ष तेजीन्द्र खत्रीको सञ्चालनमा सम्पन्न भएको हो ।

समापन मन्तव्यमा बोल्दै अध्यक्ष खत्रीले लायन्स क्लब ढोरपाटनको अगुवाई भएमो आँखा शिविरमा सहयोग गर्ने सबै प्रति धन्यबाद ज्ञापन गर्दे आगामी दिनमा समेत नागरिकको हित वमोजीम कार्यक्रम लिएर जाने बताउनु भयो । कार्यक्रम सचिव यूवराज कँडेलको सञ्चालनमा सम्पन्न भएको हो ।

कार्तिक १३ गते बुर्तिबाङ
रोटरी क्लबको आयोजनामा सञ्चालन गरिएको निःशुल्क महिला स्वास्थ्य शिविर विहीबार सम्पन्न भएको छ ।
कार्तिक १० गतेदेखि सुरु भएको चारदिने शिविरमा कुल ८२६ महिलाले स्वास्थ्य सेवा प्राप्त गरेका छन् ।

जसमध्ये ३८४ जनाको भिआइए परिक्षण गरिएको छ । जसमा पाठ्यघरको समस्या देखिएका १४ जनाको शल्यक्रिया गरिएको हो । २० जनाको भिआइए पोजेटिभ देखिएको पाइएको छ । त्यस्तै २३ जनालाई थप उपचारका निम्ती निःशुल्क उपचार र एक जना कुरुवा सहित आवतजावत खर्च व्यवस्थापन गरेर पोखरा रिफर गरिएको आयोजकले जनाएको छ ।

महिला स्वास्थ्य सम्बन्धी समस्या पाठेघर खसेको, पाठेघरको मुखको समस्या तथा स्तन सम्बन्धी समस्या भएका विरामीको चेकजाँच तथा उपचार गरिएको थियो । शिविरमा बागलुङको ढोरपाटन नगरपालिका, वडिगाड गाउँपालिका, निसीखोला गाउँपालिका, तमानखोला गाउँपालिका सहित छिमेकी जिल्ला गूल्मी, रुकुम बाट सम्बन्धित विरामीले सेवा लिएका छन ।
आज भएको समापन सत्रको कार्यक्रम रोटरी क्लब अफ बुर्तिबाङका अध्यक्ष धुर्व सुवेदीको अध्यक्षता , ढोरपाटन नगर कार्यवाहक मेयर धन बहादुर कायतको प्रमुख आतिथ्यता रहेको थियो ।

प्रमुख अतिथी कायतले रोटरी क्लबले स्वास्थ्य, शिक्षा, सचेतना र सामाजिक सेवामा महत्वपूर्ण योगदान दिँदै आएको उल्लेख गर्दै दुर्गम क्षेत्रमा नागरिकका समस्यालाई प्राथमिकता दिएर शिविर सञ्चालन गरिएको बताउनुभयो ।

उहाँले यस्ता शिविरहरूले ग्रामीण महिलालाई घरमै स्वास्थ्य सेवा प्राप्त गर्न सहज बनाउने विश्वास व्यक्त गर्नुभयो ।
त्यस्तै, विशिष्ट अतिथी डा. केशवराज भुर्तेलले आर्थिक अभावका कारण उपचारबाट वञ्चित महिलाका लागि यस्ता शिविरहरू अत्यन्तै उपयोगी हुने बताउनुभयो ।
उहाँले स्वास्थ्य सेवा राज्यसँगै सामाजिक संस्था र समुदायको सहकार्यमा सहज रूपमा विस्तार गर्न सकिने धारणा राख्नुभयो ।
कार्यक्रम रोटरी क्लब अफ फिस्टल पोखराका अध्यक्ष कमला गिरी, बुर्तिबाङ अस्पत्तालका प्रमुख डा. अविनाश पोख्रेल, डा.शान्तराज शर्मा, डा. केशवराज भुर्तेल लगाएतको शुभकामना मन्तव्य रहेको थियो । कार्यक्रम ज्ञान बहादुर क्षेत्रीको सञ्चालनमा सम्पन्न भएको हो ।

कार्तिक १३ गते बुर्तिबाङ
लायन्स क्लब अफ ढोरपाटनको आयोजनामा कार्तिक १४ र १५ गते बागलुङको बुर्तिबाङ अस्पत्तालमा निःशुल्क स्पमा आँखाको चेकजाँच, उपचार तथा मोतियाविन्दु भएका विरामीको निःशुल्क रुपमा सल्यक्रिया शिविर हुने भएको छ ।

विगत लामो समय देखि प्रत्यक बर्ष शिविर गर्दे आएको क्लबले यसबर्ष पनी बागलुङका ४ पालिका सहित छिमेकी जिल्ला गुल्मिी, रुकुम लगाएतका नागरिकलाई लक्षित गर्दे दुई दिने शिविर सञ्चालन गर्न लागेको क्लबका अध्यक्ष तेजेन्द्र खत्रीले बताउनु भयो ।
शिविरलाई सफल बनाउन लायन्स क्लब अफ बुर्तिबाङ, लायन्स क्लब अफ निसीखोला सह आयोजकका रुपमा रहेका छन ।
धवलागिरी आँखा अस्पत्ताल बागलुङ, हिमालय आँखा अस्पत्ताल पोखरा, आई केयर फाउन्डेशनको प्राविधिक सहयोगमा हुने शिविरका निम्ती ढोरपाटन नगरपालिका, तमानखोला गाउँपालिका, नेपाल रेडक्रस उपशाखा बुर्तिबाङ, कर्म फलाईट्स फाउन्डेशन पोखरा र बुर्तिबाङ राईजिङ यूवा क्लबको समोन्य रहने भएको हो ।

भोली बिहान ७ः३० बजेदेखि सुरु हुने शिविरको आवस्यक तयारी भइसकेको लायन्स डिस्ट्रीक चियर पर्सन छविलाल पाण्डेले बताउनु भयो ।