ढोरपाटन कार्तिक ३० गते बागलुङको ढोरपाटन नगरपालिका ७ देखि ९ नम्बर वडाका यूवा र महिलालाई लक्षित गर्दे आइतबार देखि १५ दिने होटल कुक तालिम बोबाङमा सुरु भएको छ ।

यूवालाई रोजगारी र उद्यम संग जोड्ने उद्देश्य सहित पर्यटकीय क्षेत्र ढोरपाटन आसपासका युवालाई लक्षित गर्दे कुक तालिम सुरु भएको वडा नम्बर ९ का अध्यक्ष खिम बहादुर घर्तीले बताउनु भयो । ढोरपाटन नगरपालिका, नेपाल पर्यटन बोर्ड र संयुक्त राष्ट्रसङ्घ विकास परियोजनाको संयूक्त साझेदारीमा सुरु भएको तालिममा स्थानीय ३ वटा वडाका गरी ४८ जनाको सक्रिय सहभागिता रहेको हो ।

आज आयोजित उद्‌घाटन सत्रको कार्यक्रमलाई सम्बोधन गर्दे ढोरपाटन नगरपालिका कार्यवाहक मेयर धन बहादुर कायत ले १५ दिने होटल तथा होम स्टे व्यवस्थापन सम्बन्धी कुक तालिमले युवाहरूलाई रोजगारीमा जोड्न र पर्यटकिय क्षेत्र ढोरपाटन आउने पाहुनालाई राम्रो, स्वादिष्ट खानाका परिकार बनाएर स्वागत संगै स्वदेशमा सिप आर्जन गरेर आत्मनिर्भर बन्न सकिने बताउँदै सिकेका सिप ज्ञानलाई व्यवहारमा उर्तान समेत आग्रह गर्नुभयो ।

ढोरपाटन नगरपालिका ८ का अध्यक्ष भद्रमणी सुनारको अध्यक्षतामा आयोजित कार्यक्रममा वडा नम्बर ९ का अध्यक्ष खिम बहादुर घर्तिले बोल्दै यूवालाई रोजगारी र पर्यटन संग जोड्नका निम्ती यस्ता महत्वपूर्ण सिप विकास तालिमको आयोजना गरीएको बताउनु भयो ।

्तालिम वडा नब्बर ८ को सेराबाङ मा सुरु भएको हो । कार्यक्रम वडा नम्बर ९ का सचिब थम प्रकाश घर्तिको सञ्चालनमा सम्पन्न भएको हो ।

 कार्तिक २८ गते

बागलुङको पश्चिम क्षेत्रका नागरिकको स्वास्थ्य सेवालाई लक्षित गर्दे गत वर्ष पौष महिनामा ५० शैया सहित सेवा प्रवाह गर्ने उद्देश्य सहित स्थापना भएको बुर्तिबाङ अस्पताल पछिल्लो समय सेवा प्रवाह , आन्तरिक व्यवस्थापन संगै अगाडि बढ्न थालेको छ ।

गण्डकी प्रदेश सरकार मातहत रहने गरी बुर्तिबाङ स्वास्थ्य चौकीबाट अस्पतालको रुपमा स्तरोन्नति भएको अस्पतालमा प्रदेश सरकारले कर्मचारी व्यवस्थापन, औषधि व्यवस्थापन र आवश्यक मेसिनरी सामाग्रीको व्यवस्थापन गर्न थालेसँगै अस्पतालको सेवा सुविधा क्रमिक रुपमा सुधार भइरहेको अस्पतालका प्रमुख डा. अविनाश पोख्रेलले बताउनु भयो ।

आवश्यक पूर्वाधार व्यवस्थापन र जनशक्ति व्यवस्थापन हुन थालेसँगै अस्पतालबाट १ जना हर्निया भएका बिरामी र दुई वटा अप्रेसन द्धारा प्रसूति गराइएको छ । अस्पतालमा कर्मचारी व्यवस्थापन भइरहेको छ ।

दुर्गम क्षेत्र भएका कारण विज्ञापन खोल्दा समेत कर्मचारी नआएको बताउँदै कोटा अनुसार कर्मचारी व्यवस्थापन बाँकी रहेपनि धेरै सुधार भइसकेको बताउँदै प्रकृया गत रुपमा अस्पताल अगडाी बढिरहेको बताउनु भयो । अस्पताल व्यवस्थापन गर्न केही समय लाग्दै गर्दा अनावश्यक टिकाटिप्पणी बाहिर आइरहँदा त्यसले राम्रो सन्देश नदिने बताउँदै सुरुवाती चरणमा रहँदै गर्दा सबैको साथ सहयोग आवश्यक रहेको बताउँदै प्रकृया गत रुपमा औषधि व्यवस्थापनको काम समेत भइसकेका कारण अब दुई हप्ता सम्म औषधिको व्यवस्थापन समेत पर्याप्त हुने डा. अविनाश पोख्रेलको भनाई छ ।

अस्पतालको कर्मचारी, औषधि व्यवस्थापनका काम अगाडि बढिरहँदा व्यवस्थापन समिति बिहिन रहेको अवस्थामा चाँडै समिति गठनको तयारी भइरहेको गण्डकी प्रदेश सभा सदस्य दोर्ण कुमार कुवँरले बताउनु भयो ।

गण्डकी प्रदेशले लिएको नयाँ नियमावली अनुसार समिति गठन गरेर अगाडि बढाउने तयारी अनुसार मङ्सिरको पहिलो साता नै समिति गठन प्रकृया अगाडि बढ्ने सांसद कुवँरले बताउनु भयो । 

अस्पाल व्यवस्थापन समितीको अध्यक्षमा स्थानीय तहको प्रमुख रहने व्यवस्था अनुसार विगत तिन महिनाका निम्ती ढोरपाटन नगरपालिका कार्यवाहक मेयर धन बहादुर कायत अध्यक्ष रहेको समितीले काम गरेको थियो ।

दुई पटक सम्म बैठक राखे्र समितीले कर्मचारी नियूक्ति, औषधि खरिद प्रकृया लगाएतका काम अगाडी बढाएको जनाइएको छ । केहि महिना पहिले प्रदेश सरकारले नयाँ नियमावली लिएसंगै पुरानो समिती स्वत खारेज भएको हो ।

कार्तिक २८ गते ढोरपाटन
ढोरपाटन नगरपालिकाको आयोजनामा शुक्रबार सार्वजनिक सुनुवाई कार्यक्रम सम्पन्न भएको छ । आर्थिक बर्ष २०८२÷०८३ को प्रथम चौमासिक वापतको सार्वजनिक सुनुवाई कार्यक्रम पालिकाको हलमा सम्पन्न भएको हो । कार्यवाहक मेयर धन बहादुर कायतको अध्यक्षतामा आयोजीत कार्यक्रममा नगर भित्रका नागरिकको उल्लेखिय सहभागिता संगै सक्रिय प्रश्न, विज्ञासा, गुनासो र सुझाव व्यक्त गरीएको हो ।
सहभागि नागरिकले बुर्तिबाङ बजारमा खानेपानी व्यवस्थापन, बजार क्षेत्रमा ढल व्यवस्थापन, पालिकाको फोहोर व्यवस्थापन , बुर्तिबाङ अस्पत्तालबाट भइरहेको सेवा प्रवाहलाई व्यवस्थापन गर्नुपर्ने विषय, कृषि, शिक्षा लगाएतका महत्वपूर्ण विषयमा ध्यानाकर्षण सहित प्र्रश्न विज्ञासा र गुनासो व्यक्त गरेका हुन ।
सहभागिले बसर्पाक निर्माणमा ढिलाई भइरहेको, बजारमा खानेपानी व्यवस्थापन समिती बन्न नसकेको, ट्राफिक व्यवस्थापन र बजार व्यवस्थापनमा स्थानीय सरकार र सम्बन्धित निकायको ध्यान जान नसकेको विषयलाई गम्भिर रुपमा उठान गरेका हुन ।
त्यस्तै सालझण्डी ढोरपाटन सडक निर्माणलाई ध्यानाकर्षण गराउनु पर्ने, ग्रामिण सडक स्तरोन्नती , भुगोल र माटो अनुसार कृषिको विकास संगै अनुदानमा ध्यान दिनुपर्ने, शैक्षिक गुणस्तर संगै खेलकुदको विकासका निम्ती खेलकुद मैदान हुनुपर्ने विषय प्राथमिकतामा राखिएको हो ।
सहभागिले उठाएका प्रश्न विज्ञासा र सुझावको विषयमा ढोरपाटन नगरपालिका कार्यवाहक मेयर धन बहादुर कायत, प्रमुख प्रशासकिय अधिकृत चिरञ्जिवी घिमिरे, वडा नम्बर १ का अध्यक्ष वान बहादुर छन्त्याल, वडा नम्बर ५ का अध्यक्ष दिपेन्द्र पून, बुर्तिबाङ अस्पत्ताल प्रमुख डा. अविनाश पोख्रेल, इलाका प्रहरी बुर्तिबाङ प्रमुख तिलक मानन्धर लगाएतले जवाफ दिनुभएको थियो ।
सहभागिबाट आएका प्रश्न र जिज्ञासा अन्न्र्तगत तत्काल बुर्तिबाङ खानेपानी उपभोक्ता समिती गठन गर्ने, फोहोर व्यवस्थापन स्थल व्यवस्थापन गर्ने, बजारमा खानेपानी व्यवस्थापनमा ध्यान दिइने, खेलमैदान व्यवस्थापनमा ध्यान दिइने, नयाँ शहर आयोजनाले गरीरहेका कामलाई छिटो पारदर्शी र व्यवस्थित बनाउन समोन्य गरेर अगाडी बढ्ने प्रतिबद्धता समेत जनाइएको छ ।
त्यस्तै नगरपालिकाबाट भइरहेका प्रगतीको विषयमा कार्यपालिका बैठक मार्फत सामाजिक सञ्जालबाट जनतालाई जानकारी गराउने, नागरिकबाट आएका गुनासो र समस्यालाई यथोचित सम्भव भएसम्मको अवस्थामा समाधान गर्दे जाने प्रतिबद्धता पालिकाको तर्फदेखि गरिएको हो ।
नगरपालिकाको चालु आर्थिक बर्षमा ६१ करोड २८ लाख १९ हजार बजेट मध्ये ९ करोड ७ लाख २२ हजार ३२४ रुपैयाँ बराबरको खर्च गर्न सफल भएको र उपभोक्ता समिती मार्फत हुने योजना अगाडी बढाउन समिती गठन प्रकृया अगाडी बढाइएको, ठुला योजनाको काम अगाडी बढाउन टेण्डर प्रकृया मार्फत अगाडी बढाउने लगाएतका काम भइरहेको प्रमुख प्रशासकिय अधिकृत चिरञ्जिवी घिमिरेद्धारा प्रस्तुत प्रतिवेदनमा उल्लेख गरीएको हो ।
कार्यक्रममा सहभागिको तर्फदेखि योगेन्द्र परियार, भुमिराज महत, विमल विश्वकर्मा, समसेर वि.क., यादव राज भण्डारी, रेशम सापकोटा, मदन भण्डारी, मिन बहादुर वि.क., दल बहादुर भण्डारीले धारणा राख्नु भएको थियो ।त्यस्तै भिम बहादुर गिरी, जिवन विश्वकर्मा, यूवराज कुवँर, सुमित्रा सुनार, कमल भुसाल, विमल पाण्डे, सोम बहादुर पौवी लगाएतले महत्वपूर्ण विषयमा प्रश्न, जिज्ञासा र सुझाव व्यक्त गर्नुभएको हो । कार्यक्रम ढोरपाटन नगरपालिका वडा नम्बर २ का कार्यवाहक अध्यक्ष तम बहादुर घर्तिको स्वागत , पत्रकार थम्मन थापाको नागरीक अभिमत र वर्हिगमन अभिमत तथा कार्यक्रमको टिप्पणी माथी प्रकाश पार्नुभएको थियो । पत्रकार छविलाल पाण्डेको सहजिकरणमा कार्यक्रम सम्पन्न भएको हो ।