बुर्तिबाङ बजारमा खुलेयाम रुपमा जुवातास खेल्ने र खेलाउनेको सँख्या बढेसँगै ढोरपाटन नगरपालिका र ढोरपाटन उद्योग वाणिज्य सङ्घको सक्रियतामा जुवातास जन्य गतिविधि नियन्त्रण गर्न आग्रह गरिएको छ ।
विभिन्न टोल विकास संस्था मार्फत नगरपालिकालाई ध्यानाकर्षण गराएसँगै नगरपालिकाले आगामी दिनमा यस्ता गतिविधि रोक्न आग्रह गरेको हो ।
बजारमा घर भाडा नै लिएर खुलम खुल्ला जुवा खेलाउने र खेल्नेमा बढि मात्रामा राजनैतिक दलका नेताहरू, जनप्रतिनिधि, व्यवसायनै सक्रिय देखिएपछि ढोरपाटन नगरपालिकाले सञ्चालन गर्ने सार्वजनिक सुनवाई कार्यक्रममा समेत पटक पटक ध्यानाकर्षण गराइएको थियो ।
बजारका चोक चोकमा घर भाडा नै लिएर जुवातास खेलाउने र खेल्ने दुवैलाई सम्बन्धित निकायले कारवाहीको दायरामा ल्याउनुपर्ने नागरिकले बताउने गरेका छन ।
