बैशाख ३१ गते
ढोरपाटन उद्योग वाणिज्य सङ्घको आफ्नै भवन निर्माणका निम्ती बिहीबार शिलान्यास गरिएको छ ।
गतबर्ष ढोरपाटन नगरपालिका २ बगरमा करिब ११ आना जग्गा खरिद गरेको सङ्घले यस बर्ष देखि भवन निर्माणमा जुट्ने लक्ष्यका साथ एक कार्यक्रमका विच शिलान्यास गरिएको छ ।
चालु आर्थिक बर्षमा ४० लाख लागतमा भवनको संरचना सुरु गर्ने गरी अगाडि बढाएको र ३ तले पक्की भवन निर्माण गरिने ढोरपाटन उद्योग वाणिज्य सङ्घका अध्यक्ष दीपक कुमार अदै ले बताउनु भयो । विशेष पूजाआजा सहित शिलान्यास गरिएको भवनको ढोरपाटन नगरपालिका नगर प्रमुख धन बहादुर कायत र संस्थाका अध्यक्ष दीपक कुमार अदै ले पूजाआजा गर्नुभएको थियो ।
संस्थालाई केन्द्रसम्म जोड्न र आफ्नै भवनबाट सेवा प्रवाह गराउने उद्देश्य सहित उद्योग वाणिज्य संघ ढोरपाटनमा आवद्ध सदस्यबाट आर्थिक सङ्कलन गरेर जग्गा खरिद गरिएको निवर्तमान अध्यक्ष एवम् प्रदेश सदस्य ढालेन्द्र छन्त्यालको भनाई छ ।
आयोजित शिलान्यास कार्यक्रममा उद्योग वाणिज्य सङ्घका पदाधिकारी, सदस्य लगायतको सहभागिता रहेको थियो ।
