बागलुङको ढोरपाटन नगरपालिका–३ घोसामा गोरु काटिरहेको अवस्थामा १० जना पक्राउ परेका छन् । वैशाख २८ गते साँझ विशेष सूचनाको आधारमा पुगेको इलाका प्रहरी कार्यालय बुर्तिबाङको प्रहरी टोलीले गोरुको मासु र हतियारसहित उनीहरूलाई नियन्त्रणमा लिएको हो ।
स्थानीय चैते विकसँग बस्ने भत्तबहादुर सुनारले पाल्न लगाएको गोरु काटिरहेको अवस्थामा पक्राउ परेका व्यक्तिहरुमा लालबिर विक, १८ वर्षीय सरोज सुनार, ५५ वर्षीय यमबहादुर बि क, ५३ वर्षीय तिलप्रसाद सुनार, ६० वर्षीय थमबहादुर सुनार, ४६ वर्षीय बिमल बि क, २२ वर्षीय बिनोद सुनार, ३० वर्षीय जालबहादुर कामी, ३७ वर्षीय भक्तबहादुर सुनार र ४० वर्षीय रिखप्रसाद सुनार रहेका छन् ।
उनीहरूलाई इलाका प्रहरी कार्यालय बुर्तिवाङबाट प्रहरी निरीक्षक तिलक मानन्धरको नेतृत्वमा खटिएको टोलीले साँझ पक्राउ गरेको हो । पक्राउ परेकालाई थप अनुसन्धानका लागि जिल्ला प्रहरी कार्यालय बागलुङ पठाइएको छ ।
ढोरपाटन ३ घोसामा गोरु काट्दै गरेको अवस्थामा १० जना पक्राउ ।
प्रतिक्रिया दिनुहोस
