आगामी फागुन २१ गते हुने प्रतिनिधी सभा निर्वाचनमा नेपाली कम्युनिष्ट पार्टी र राष्ट्रिय जनमोर्चाका साझा उमेद्वार ज्ञामनाथ गैरेलाई जिताउनका निम्ती ढोरपाटन नगरपालिका स्तरीय १००५ सदस्य निर्वाचन परिचालन समिती गठन गरीएको छ ।
बिहीबार बुर्तिबाङ भएको बैठकले नेकपा नेता भिम गौतम संयोजक रहेको १००५ सदस्य ढोरपाटन नगर स्तरीय निर्वाचन परिचालन समितीको गठन गरेको छ । समितीको सहसंयोजकमा तम बहादुर घर्ति रहनु भएको हो ।
त्यस्तै उजिर अर्गेजा संयोजक र हेम बहादुर खत्री सह संयोजक रहेको १५१ सदस्य यूवा परिचालन समिती गठन गरीएको छ । वेगमती संयोजक र कमला पाण्डे सह संयोजक रहेको ७५ सदस्य महिला परिचालन समितीको गठन गरीएको छ । नेकपा ढोरपाटन नगर अध्यक्ष हेमेन्द्र घर्ति को अध्यक्षतामा आयोजीत कार्यक्रममा नेकपा केन्द्रिय सदस्य तथा निर्वाचन परिचालन समिती संयोजक फमलाल न्यूरेको प्रमुख आतिथ्यता रहेको थियो ।
कार्यक्रममा न्यूरेले बोल्दै आफुहरुको जीत सुनिश्चत रहेको र भारी मतका साथ उमेद्वारलाई जीताउन सबै नेता कार्यक्रता सक्रिय पूर्वक लाग्नुपर्ने बताउनु भयो । कार्यक्रममा नेकपा राष्ट्रिय जनमोर्चाका नेता कार्यक्रताको सहभागिता रहेको थियो ।
कार्यक्रम नेकपा जिल्ला सदस्य बालसम कुवँरको स्वागत , कुल बहादुर छन्त्यालको सञ्चालनमा सम्पन्न भएको हो ।
