माघ १० गते बुर्तिबाङ
राष्ट्रिय वाणिज्य बैँक लिमिटेड शाखा कार्यालय बुर्तिबाङले बैँकको ६१ औ वार्षिक उत्सव विभिन्न कार्यक्रम सहित मनाएको छ ।
केन्द्रिय कार्यालयमा विशेष समारोह सहित अर्थमन्त्री डाक्टर रामेश्वर खनाल द्वारा उद्घाटन गरिएको हो । त्यस्तै बुर्तिबाङ शाखा द्धारा उत्तरगंगा माध्यमिक विद्यालयमा अध्ययनरत कक्षा १०, ११ र १२ का ६५ जना विद्यार्थीलाई वित्तिय साक्षरता कार्यक्रम गरिएको हो । संस्थाले वार्षिकोत्सवका अवसरमा वित्तिय साक्षरता तथा ग्राहक सम्मान कार्यक्रम सम्पन्न गरिएको शाखा प्रबन्धक दिनेश नाथले जानकारी दिनुभयो ।
नेपाल सरकारको पूर्ण स्वामित्वमा स्थापित राष्ट्रिय वाणिज्य बैङ्कको बुर्तिबाङ बजारमा गत वर्ष शाखा स्थापना गरिएको हो । यस्तो कार्यक्रमले बैँक प्रति सर्वसाधारणको विश्वसनियता अपनत्व प्राप्ति हुने अपेक्षा बैङ्कले राखेको छ ।
बैँक ले निक्षेप सेवा ,विभिन्न कर्जा सेवा डिजिटल बैङ्किङ सेवा प्रवाह हुँदै आएको छ ।
सरकारी कारोबार ,सुन कर्जा लगायतका सम्पूर्ण बैँक सुविधा अनुसार सहज रुपमा सेवा प्रदान गरिरहेको शाखा कार्यालय बुर्तिबाङका शाखा प्रबन्धक दिनेश नाथले जानकारी दिनुभयो ।
