बुर्तिबाङ साउन ८ गते
बागलुङ समाज हङकङले विभिन्न रोगबाट पीडित व्यक्तिलाई आर्थिक सहयोग उपलब्ध गराएको छ ।
बागलुङ जिल्लाबाट रोजगारीको सिलसिलामा हङकङमा रहेका नेपालीहरूको संस्था बागलुङ समाज हङकङले बागलुङको निसीखोला गाउँपालिका र तमानखोला गाउँपालिकामा विभिन्न रोगका कारण उपचाररत रई आर्थिक अवस्था कमजोर भएका व्याक्तिका निम्ती आर्थिक सहयोग गरिएको हो ।
समाजले पठाएको कुल १ लाख ८० हजार ७ सय ५ रुपैयाँ पीडित परिवारलाई उपलब्ध गराइएको हो । ढोरपाटन नगरपालिका कार्यपालिका सदस्य कुल बहादुर छन्त्यालको उपश्थितीमा तमानखोला गाउँपालिका १ स्थित केश बहादुर अर्गेजाको ९ महिने छोरी हिमानी अर्गेजा कलेजोको गम्भिर समस्याबाट पिडित भई भारतमा उपचाररत रहेको अवस्थामा संस्थाको तर्फदेखि ६० हजार २ सय ३५ रुपैयाँ उपलब्ध गराइएको हो ।
वडा अध्यक्ष थम बहादुर रोकाको रहोभरमा पीडित परिवारलाई रकम उपलब्ध गराइएको कुल बहादुर छन्त्यालले बताउनु भयो । त्यस्तै निसीखोला गाउँपालिका १ कुलमान भण्डारीको दाया आँखामा क्यान्सर भई हाल विपी मेमोरियल क्यान्सर अस्पताल चितवनमा उपचाररत रहेको र आर्थिक अवस्था नाजुक रहेका कारण वडा सदस्य तेज बहादुर मल्लको रोबरमा ६० हजार २ सय ३५ रुपैयाँ पीडित कुलमान भण्डारीलाई हस्तान्तरण गरिएको छ
त्यस्तै निसीखोला गाउँपालिका २ स्थित मृगौला पीडित पुनीकला घर्तिलाई ६० हजार २ सय ३५ रुपैयाँ उपलब्ध गराइएको हो । वडा अध्यक्ष कविर विश्वकर्मा रोबरमा बिरामी घर्तिका दाजु चिना घर्तिलाई रकम उपलब्ध गराइएको कुल बहादुर छन्त्यालको भनाई छ ।
विगत २७ बर्ष अगाडि स्थापना भएको बागलुङ समाज हङकङले विभिन्न पीडामा परेका, दैवी प्रकोपमा परेका र विदेशमा समस्यामा रहेका नेपालीका निम्ती राहत र उद्धार गर्दे आइरहेको छ ।
संस्थाका अध्यक्ष अमृता राना , सचिव सक्तमान बुढाथोकी लगायतको पहलमा यस क्षेत्रका नागरिकका निम्ती राहत रकम पठाइएको थियो । उक्त राहत रकम तीनवटै स्थानमा पुगेर ढोरपाटन नगरपालिका कार्यपालिका सदस्य कुल बहादुर छन्त्यालले हस्तान्तरण गर्नुभएको हो ।
