छविलाल पाण्डे असार २०
बागलुङको तमानखोला गाउँपालिकामा ९० प्रतिशत नागरिक सहज खानेपानीको पहुँचमा पुगेका छन । कुल दुई हजार ६ सय ११ घरधुरी रहेको गाउँपालिकामा दुई हजार ३ सय बढि घरधुरीमा खानेपानी पहुँच सहज रुपमा पुगेको गाउँपालिका अध्यक्ष जोकलाल बुढाले बताउनु भयो ।
नेपाल स्वास्थ्यका लागी पानी (नेवा ) र गाउँपालिकाको आर्थिक व्यवस्थापन तथा स्थानीय उपभोक्ताको सक्रियतामा घरघरमा खानोपनीको पहुँच पुगेको हो ।
यस आर्थिक बर्षमा मात्रै १९२ घरमा खानेपानी व्यवस्थापन सहित घरघरमा धारा निर्माण गरिएको छ । वडा नं. १ को सेन्ना गाउँमा ३३, वडा नं. ५ थास्पुरीमा ८५ र वडा नं. २ तेले गाउँमा ७४ धारा निर्माण सम्पन्न भएसंगै अध्यक्ष जोकलाल बुढा सहित जनप्रतिनिधी, स्थानीय बासि, कर्मचारीको उपश्थितीमा खानोपानी उद्धघाटन गरिएको हो ।
नेवा सँस्थाले विगत लामो समय देखि खानेपानीको क्षेत्रमा तमानखोला गाउँपालिकामा काम गर्दे आइरहेको हो । लाम्मेला सहित अझैपनी केहि वस्तिमा खानेपानीको समस्या छ खानेपानी समस्या रहेको टोल वस्तिमा आर्थिक बर्ष २०८०÷०८१ मा काम सक्ने लक्ष्य राखिएको गाउँपालिका अध्यक्ष जोकलाल बुढाको भनाई छ ।
२०७६ सालदेखि तमानखोला गाउँपालिकामा खानेपानीको क्षेत्रमा काम गर्दे नेवा सँस्थाद्धारा पालिका संगको सम्मोन्यमा विभिन्न योजना सम्पन्न गरेको हो ।
यस अािर्थक बर्षका लागी ३ वटा योजना माग आएको छ अन्य ठाउँमा खानेपानी पहुँच पुगिसकेका कारण माग आएका योजनालाई सर्वे गरेर कार्यक्रम अगाडी बढाउने नेपाल स्वास्थ्यका लागी पानी (नेवा ) का योजना अनुगमन तथा मूल्याँकन अधिकृत विनोद कोइरालाले बताउनु भयो । २०७६ देखि हालसम्म नेवा सँस्थाले मात्रै ५ करोड ५४ लाख १७ हजार १२६ रुपैयाँ लगानी गरिसकेको छ । नेवा र गाउँपालिकाको साझेदारितामा ४ बर्षमा मात्रै १ हजार १ सय ९ घरघुरीका ६ हजार ८ सय ३४ नागरिक र १७ विद्यालयमा खानेपानीको पहुँच पुगेको हो । सो अवधि भन्दा पलिे समेत केही वस्तिमा खानेपानी पहुँच पुगेको थियो ।
यस आर्थिक बर्षमा खुँखानी दोश्रो , भुजेलथर कोदोखेत र थास्बाङ, पातिचौर भिकोस वस्तिमा खानेपानी पु¥याउने लक्ष्य रहेको कोइरालाको भनाई छ । विगतमा घर जोडिएको अवस्थामा दुई घरलाई पुग्ने गरि एक धारा निर्माण गरिएपनी पछिल्ला बर्षमा प्रत्यक घरमा धारा निर्माण गरिएको हो ।
