बुर्तिबाङ जेठ ११ गते
इमेज बचत तथा क्रण सहकारी संस्थाका अध्यक्ष तथा ढोरपाटन नगरपालिकाका मेयर देवकुमार नेपाली सहकारी बन्द गराएर एकाएक सम्पर्क विहिन बनेको ६ दिन वितिसकेको छ ।
सहकारी सञ्चालक र पदादिकारीनै एकाएक सम्पर्क बिहिन बन्दै गर्दा सहकारीका बचत कर्ता भने आन्दोलित भएका छन । ढोरपाटन नगरपालिकाको बुर्तिबाङ बजार, गल्कोट बजार, बागलुङ र पोखरामा साखा रहेको उक्त शहकारीको शाखा कार्यालय पछिल्लो समय बन्द गरिएको छ ।
सयौँ बचतकर्ता निराश अवस्थामा आफनो बचतको न्यायोचित रुपमा फिर्ता हुने आशामा राज्य संग माग गर्दे आएका छन । विभिन्न शाखामा वचतकर्ता र सेयर धनिको रकम तथ्यांक निकाल्ने काम समेत सुरु भएको हो । बुर्तिबाङ बजारमा मात्रै विहिबार निकालीएको तथ्यांक अनुसार १२ करोड बढि रकम वचत कर्ताले सहकारीमा जम्मा गरेको पाइएको छ ।
सहकारीको सिस्टममा ७ करोड ५७ लाख, ५४ हजार ४ सय २२ रुपैयाँ र सिस्टम भन्दा बाहिर रहेको ४ करोड ४४ लाख २५ हजार रुपैयाँ देखिएको शहकारी रजिस्टारको कार्यालय गण्डकी प्रदेशका चोलाकान्त वाग्लेको भनाई छ । अझै पनी सिस्टम भन्दा बाहिर कति छ भन्ने विषयमा अध्ययन भइरहेको बताइएको हो । कर्मचारी र बचतकर्ताको सहयोगमा उक्त तथ्यांक निकालिएको थियो
वाग्ले सहितको टोलिले बुर्तिबाङमा रहेको शाखामा आएर तथ्यांक संकलन गरेको थियो । त्यस्तै अन्य शाखाको पनी तथ्यांक संकलन गर्ने काम भइरहेको हुँदा बचत कर्ता र सेयर धनिले दिइएको उजुरीको आधारमा कानुनी प्रकया अगाडी बढ्ने वाग्लेको भनाई छ ।
त्यस्तै मेयर नेपालीले आफनो र श्रीमतीको नाममा रहेको बुर्तिबाङ बजारका घर तथा जग्गा बैसाख २३ देखि २९ गतेसम्म विभिन्न कित्ता आफन्तीको नाममा नामसारी गरेको बताइएको छ । बुर्तिबाङ मालपोत कार्यालयबाट मेयर नेपालीले बैँक वित्तिय संस्थामा रहेका घर बाहेक अन्य घर घडेरी नामसारी गरेको खुल्न आएको हो । यहाँका बचतकर्ताले समितीनै गठन गरेर कानुनी प्रकृयामा जाने तयारि गरिरहेको बताएका छन ।
