पर्यटकीय एवम् धार्मिक स्थल निसीखोला गाउँपालिका २ अर्नाकोट देउरालीमा सञ्चालन भएको तिज विशेष मेला सम्पन्न भएको छ । कोभिड १९ प्रभावका कारण केहि बर्ष सम्म रोकिएको ऐतिहासिक तिज मेला यसबर्ष विभिन्न खेलकुद तथा सांस्कृतिक कार्यक्रमका साथमा सम्पन्न भएको हो ।

गत भाद्र १० गतेदेखि सुरु भएको साविक वडा स्तरीय पुरुष भलिबल, छेलो, रेकर्ड डान्स, लगायत सांस्कृतिक प्रस्तुती सहित आयोजित कार्यक्रम अन्र्तगत साविक वडा स्तरीय पुरुष भलिबलमा विभिन्न २४ समुहलाई पछि पार्दे साविक देविस्थान गाविसको वडा नम्बर ७ धारा टोल समुह प्रथम भएको छ । त्यस्तै साविक बोहोरागाउँ गाविस वडा नम्बर ३ धाराखर्क समुह दिर्तिय भएको आयोजकले जनाएको हो ।

प्रथम दिर्तिय हुने समुहले क्रमश पैतिस हजार र दिर्तिय हुने समुहले बाइस हजार नगद, मेडल र प्रमाणपत्र हात पारेका छन । पुरुष छेलो प्रतियोगिता तर्फ ढोरपाटन ९ का रेशम विश्वकर्मा प्रथम, ढोरपाटन ५ का गोपाल विश्वकर्मा दिर्तिय हुनुभएको हो । त्यस्तै महिला छेलो तर्फ निसीखोला २ का राधिका घर्ती प्रथम, ढोरपाटन २ का विना कुवँर दिर्तिय हुनुभएको छ ।

रेकर्ड डान्स तर्फ अर्नाकोट मध्यमिक विद्यालय अर्नाकोट प्रथम, आयोजक समुह दिर्तिय भएको छ । कार्यक्रमलाई गत भाद्र १० गते निसीखोला गाउँपालिका अध्यक्ष सूर्य बहादुर घर्तिले प्रमुख अतिथिको रुपमा उद्‌घाटन गर्नुभएको थियो ।

कार्यक्रम अर्नाकोट तिज विशेष कार्यक्रम उपभोक्ता समिति अध्यक्ष टेक बहादुर वि.क. को अध्यक्षता, मिना कुमारी वि.क. र वेग बहादुर कुवँरको सञ्चालनमा सम्पन्न भएको हुम बहादुर वि.क. ( दिपक) ले जानकारी दिनुभयो ।

यसपटकको मेला अर्नाकोट तिज विशेष कार्यक्रम उपभोक्ता समिती अर्नाकोट र बराह यूवा क्लबको साझेदारीमा सञ्चालन गरिएको हो ।

बागलुङ जिल्लाको निसिखोला गाउँपालिका–४ कानावगर स्थित बृहस्पति युवा क्लबले आयोजना गरेको तिज विशेष मेला तथा क्लबको १२ औँ वार्षिकोत्सव कार्यक्रम सुरु भएको छ ।

हिन्दु महिलाको महान् पर्व हरितालिका तिजलाई लक्षित गरी आयोजना गरिएको कार्यक्रमको मङ्गलबार गण्डकी प्रदेश सभा सदस्य दोर्ण कुमार कुवँरले नवनिर्मित क्लब भवनको शिल्यान्स संगै औपचारिक कार्यक्रमको प्रमुख अतिथिको रुपमा उद्‌घाटन गर्नुभएको हो ।

स्थानीय कला संस्कृति, खेलकुदको जर्गेना संगै तिज पर्वको जर्गेना गर्ने उद्देश्य सहित सञ्चालित मेलाका अवसरमा स्थानीय जनप्रतिनिधि, महिला अगुवा, समाजसेवी राजनैतिक दलका प्रतिनिधि लगाएतको आतिथ्यता रहेको थियो । कार्यक्रममा बोल्दै प्रमुख अतिथि सांसद कुवँरले कला संस्कृर्ति र खेलकुदको संरक्षणमा बृहस्पति यूवा क्लबले महत्वपूर्ण भुमिका निर्वाह गरेको बताउनु भयो ।

क्लबको माग र आवश्यक अनुसार यसवर्ष भवन निर्माणका निम्ति शिल्यान्स गरिएको बताउँदै आगामी बर्ष सुविधा सम्पन्न भवन र खेलकुद मैदान निर्माण गरिने बताउनु भयो । यस वर्षको बजेटमा पहिलो नियन्त्रण, जग्गा सम्याउने कार्यका निम्ती बजेट व्यवस्था गरिएको बताउँदै आफुले बोलेका बाचा र प्रतिबद्धता पुरा गर्दे आएको बताउँदै बाँकी रहेका अधुरा कामलाई पुरा गरेरै छाड्ने बताउनु भयो ।

तिन तहको सरकार विच समन्वय नहुँदा जनताको समस्या सम्बोधन गर्न कठिन भइरहेको बताउँदै विकास र समृद्धिका निम्ती सङ्घका माननीयले आफूसँग प्रतिस्पर्धा गर्न चुनौती समेत दिनुभयो ।

जनतालाई झुठो आश्वासन दिएर र चुनावको माहोलमा गाउँ फर्किएर मात्रै जनताको सपना पुरा नहुने भन्दै सपना पुरा गर्न कर्म गर्नुपर्ने बताउनु भयो ।

सांसद कुवँरले थप बोल्दै “आफूले प्रतिबद्धता गरेको ढोरपाटन सालझण्डी सडक निर्माण, तमानखोला सडक कालोपत्रे, निशेलढोर सम्म केन्द्रिय विधुतको पहुँच विस्तार लगायत थुप्रै योजनाहरूमा नियमित रुपमा ध्यानाकर्षण र बजेट व्यवस्थापन गर्ने कार्य गरिएका कारण जसरी पनी अधुरा योजना पुरा गरेर छोड्ने बाचा गर्नुभएको हो । ” कार्यक्रममा निसीखोला गाउँपालिका उपाध्यक्ष प्रेम बहादुर घर्तीले बोल्दै निसीखोलाको विकासमा पालिकाले सक्रिय रुपमा काम गरिरहेको र विभिन्न सुचकमा समेत अगाडी आएको बताउँदै प्रदेश र संघ सरकारबाट साथ नभएसम्म पालिकाको विकास सम्भव नभएको बताउँदै माननीय दोर्ण कुवँरबाट धैरै अपेक्षा गरिएको बताउनु भयो ।

कार्यक्रममा निसीखोला गाउँपालिका ४ का अध्यक्ष टिकानिधी पौडेल, कार्यपालिका सदस्य लगायतको शुभकामना मन्तव्य रहेको थियो ।

कार्यक्रममा राष्ट्रिय कलाकार जीवन शर्मा, स्थानीय कलाकारको कलाकारको प्रस्तुति संगै दिदिबहिनी विच एक आपसमा मिलेर तिजका गित संगै नृत्य गरेका हुन । उद्‌घाटन सत्रको कार्यक्रम क्लब अध्यक्ष लोकिश्वर भुषालको अध्यक्षता, ढालेन्द्र हमालको स्वागत, भुमिराज आर्चायको सञ्चालनमा उद्‌घाटन सत्रको कार्यक्रम सम्पन्न भएको हो ।

क्लवले वडाका ८४ बर्ष देखि माथि उमेर समुहको जेष्ठ नागरीक, कक्षा १२ मा उत्कृष्ट अंक ल्याउने विद्यार्थी सम्मान, जेहेन्दार विद्यार्थी पुरस्कृत लगाएतका कार्यक्रम गरीएको हो । भालीदेखि भलीवल प्रतियोगीता, तिजगित नृत्य प्रतियोगिता लगाएतका कार्यक्रम हुने आयोजकले जनाएको छ ।

आज हरितालिका तीज पर्व मनाइँदैछ । नेपाली महिलाहरूले धुमधामका साथ तीज मनाउँदैछन् । भाद्र शुक्ल तृतीयामा व्रत बसी शिवको पूजा, उपासना गरेमा पारिवारिक सुख, शान्ति र कल्याण प्राप्त हुने धार्मिक विश्वास छ । हिजो दर खाएपछि औपचारिक रूपमा शुरू भएको तीज पर्व पर्सि ऋषि पञ्चमीसम्म मनाइन्छ ।

तीजको अवसरमा देशभरका शिवमन्दिरमा आज बिहानैदेखि भक्तजनको घुइँचो लागेको छ । दर खाएपछि आज तीजको व्रत बस्ने गरिन्छ । तीजको व्रत बस्दा आफ्नो स्वास्थ्यको ख्याल गर्न डाक्टरको सुझाव छ । स्वास्थ्य मानिस र शरीरले थेग्ने भएमात्रै निराहार व्रत बस्न नभए व्रत बस्दा प्रशस्त पानी, फलफूल र जुस खान उनीहरूको सुझाव छ ।

निराहार व्रत बस्दा शरीरमा पानीको कमी भई बेहोशसमेत हुन सक्ने भएकाले आफ्नो स्वास्थ्यको ख्याल गर्न डाक्टरको सुझाव छ । सक्नेले निराहार, नसक्नेले जलाहार र त्यो पनि नसक्नेले फलाहार व्रत बस्न सकिने सकिने धर्मशास्त्रमा पनि उल्लेख छ ।

स्वास्थ्य ठीक नहुनेले गहुँको रोटी, मकैको रोटी, स्याउ, सुन्तला, केराजस्ता फलाहार गरेर पनि व्रत बस्न सकिने धार्मिक मान्यता छ ।

जिल्लाको जेठो स्थानीय तहको रुपमा रहेको बागलुङ नगरपालिका स्थानीय शासन कार्यसम्पादन मूल्यांकन प्रणालीमा जिल्लामै प्रथम बनेको छ ।
१० स्थानीय तह रहेको बागलुङमा ८७.२५ अंक प्राप्त गरेर जिल्लामै प्रथम भएको छ । कार्यसम्पादन महाशाखा प्रमुख रेमलाल कँडेलका अनुसार आर्थिक वर्ष २०८०÷०८१ को मूल्यांकनमा नगरपालिका अब्बल तथा उत्कृष्ट बनेको हो । यसअघि स्थानीय तहको समग्र पक्षको मूल्यांकन प्रणाली (लिजा), स्थानीय तहको वित्तीय सुशासन संरचना गर्ने प्रणाली (एफआरए) र स्थाीय आर्थिक विकासको प्रर्वद्दनमा सहयोग गर्ने प्रणाली (एलइडी) को मूल्यांकनमा नगरपालिका अब्बल बनेको हो ।
नगरप्रमुख बसन्त कुमार श्रेष्ठले नगरपालिकाले गरेको कार्यसम्पदानका आधारमा जिल्लाकै उत्कृष्ट पालिका घोषणा भएको बताउनुभयो । नगरपालिकाले वार्षिक रुपमा सम्पादन मुल्याङ्कन बढाउदै लगेको छ । आर्थिक वर्ष २०७८÷७९ मा ७७.५ अंक, आर्थिक वर्ष २०७९÷८० मा ८३.७५ अंक र आर्थिक वर्ष २०८०÷८१ मा ८७.२५ अंक प्राप्त गरेको हो ।
संघीय मामिला तथा स्थानीय विकास मन्त्रालयले शुक्रबार सार्वजनिक गरेको देशभरको नतिजा अनुसार बागलुङ नगरपालिका जिल्लाका १० स्थानीय तहमा प्रथम भएको छ भने ८६ अंक प्राप्त गरेर निसीखोला गाउँपालिका दोस्रो भएको छ । यस्तै गलकोट नगरपालिकाले ८१ अंक प्राप्त गरेर तेस्रो भएको छ ।
यस्तै जैमिनी नगरपालिकाले ८०.७५ अंक प्राप्त गरेको छ भने ढोरपाटन नगरपालिकाले ८० अंक प्राप्त गरेको छ । यस्तै तमानखोला गाउँपालिकाले ७९.७५ अंक, बरेङ गाउँपालिकाले ७७.५०, बडिगाड गाउँपालिकाले ७७.२५, ताराखोला गाउँपालिकाले ७६. ६० र काठेखोला गाउँपालिका ७५.५० प्राप्त गरेको छ ।
तीनवटा प्रणालीलाई मन्त्रालयले चालु वर्षदेखि भने स्थानीय शासन कार्यान्वयन मूल्यांकन प्रणाली (एलजी÷पास) नामाकरण गरेको छ । उक्त प्रणालीले तीनवटै क्षेत्रलाई एकरुपतामा हेर्ने गर्छ । जस अनुसार ५ शिर्षकमा २ दर्जनबढी उपशिर्षकमा अध्ययन गरेर कार्यसम्पादन मूल्यांकन गर्न थालेको हो । सुशासन तथा संस्थागत विकास, सामाजिक विकास, आर्थिक विकास, पूर्वाधार विकास र वन वातावरण तथा बिपत व्यवस्थापनको क्षेत्रमा पालिकाले काम गर्ने भएकोले ती विषयगत क्षेत्रका उपशिर्षकमा मूल्यांकन गर्न शुरु भएको छ ।
तोकेको समयमा तोकेका काम पुरा गरेर प्रविष्टी नगरेसम्म पालिकाले नम्बर पाउँदैनन् । त्यसका लागि सबै शाखा जिम्मेवार बन्ने, आइटी शाखाले तोकेको दिनमा तोकेका सामाग्री अपलोड गर्नुपर्ने काम गर्नुपर्दछ ।
गण्डकी प्रदेशमा स्याङ्जाको अर्जुनचौपारी गाउँपालिका गण्डकी प्रदेशकै पहिलो भएको छ । आर्थिक वर्ष २०८०÷०८१ को मूल्याङ्कनमा अर्जुनचौपारीले उत्कृष्ट अंक सहित प्रदेशमा पहिलो स्थान पाएको हो । अर्जुनचौपारीले ८८.७५ अंक पाएको छ ।
स्याङ्जाकै भीरकोट नगरपालिकाले ८८.२५ अकं सहित गण्डकीमा दोस्रो स्थान पाएको छ भने पर्वतको जलजला गाउँपालिकाले ८८ अंक सहित तेस्रो भएको छ । प्रदेशभित्रका ३ पालिकाले ८८ अंक पार गर्दा २२ पालिकाले ८५ अंक पार गरेका छन् । यस्तै, ४१ पालिकाले ८० अंक कटाएका छन् । गण्डकीको एकमात्रै महानगर पोखराले ८३.५ अकं ल्याएको छ । नगरपालिकातर्फ गोरखाको पालुङटार ८७.७५ अंक सहित दोस्रो हुँदा गाउँपालिकातर्फ गोरखाकै भीमसेन थापा गाउँपालिका समान ८७.७५ अंक सहित तेस्रो भएको छ । समग्र पालिकाहरुमा पालुङटार प्रदेशमा चौथो र भीमसेनथापा पाँचौ भएको छ ।

साभार ःआदर्श संचार