मंसिर २३ बुर्तिबाङ
बागलुङ जिल्लाको विभिन्न क्षेत्रमा पछिल्लो समय चोरीका घटनामा बृद्धि भएको छ ।
जिल्लाको काठेखोला गाउँपालिका, गल्कोट नगरपालिका र वडिगाड गाउँपालिकाको विभिन्न स्थानमा चोरीको घटना भएको प्रह्रीले जनाएको छ ।
काठेखोला गाउँपालिकाको बिहुँ क्षेत्रमा गत मंसिर दोश्रो हप्ता विभिन्न घर तथा पसलमा चोरी भएसंगै मंसिर १७ गते राती गल्कोट नगरपालिकाको हरिचौर क्षेत्रमा चोरी भयो । लगत्तै मंसिर १९ गते राती वडिगाड गाउँपालिका ५ को ग्वालीचौर खौलारमा ८ घरमा चोरी भएको इलाका प्रह्री कार्यालय बुर्तिबाङका प्रमुख प्रहरी निरीक्षक राजकुमार वि.क ले बताउनु भयो ।
उहाँका अनुसार १९ गते रातीको समयमा वडिगाड गाउँपालिका ५ बाट ८ घरमा चोरी हुँदा सुन र नगद प्रसाद चोरी भएको छ । घर पसलमा लगाइएको ताला फोडेर एकै रातमा हंगामा मच्चाएको चोरले ३ तोला सुन र १ लाख ८० हजार बढि नगद पैसा उठाएको प्रहरीले जनाएको छ ।
सिसिटिभिमा देखिएको फुटेज अनुसार अर्धबैँसे एक पुरुषले मुखमा मुकुन्दो लगाएर चोरिमा संलग्न भएको देखिन्छ ।
विभिन्न ३ स्थानमा एकै प्रकृर्तिको चोरी भएका कारण सुरक्षा व्यवस्थालाई थप कडाई गरिएको र नागरिक समेत सचेत बन्न आवस्यक रहेको प्रहरी निरीक्षक राजकुमार वि.क ले बताउनु भयो ।
चोरी गर्नेको अनुसन्धान भइरहेको बताउँदै नयां व्याक्ति गाउँ प्रवेश गर्दा अथवा संकास्पद भएमा प्रहरीले १०० वा नजिकको प्रहरीको मोवाईल नम्वरमा जानकारी गराउन आग्रह गरेको छ ।

बुर्तिबाङ मंसिर २२
उत्तरगंगा माध्यमिक विद्यालयमा नेकपा माओबादी निकट विद्यार्थी संगठन अनेरास्ववियू (क्रान्तीकारी )ले शुक्रबार विद्यालय परिसरमा सरसफाई कार्यक्रम सम्पन्न गरेको छ ।
विद्यालयमा अध्ययनतर संगठनमा आवद्ध अनेरास्ववियू (क्रान्तीकारीले ) विद्यालय क्षेत्रमा रहेको फोहोर सरसफाई गर्दे व्यवस्थापन गरिएको जनाइएको छ । अनेरास्ववियू –क्रान्तीकारी केन्द्रिय सचिवालय सदस्य महेन्द्र चन्द र गण्डकी प्रदेश कार्यालय सदस्य प्रेम बुढाको विशेष उपश्थितीमा कार्यक्रम सम्पन्न गरिएको हो

उत्तरगंगा माध्यमिक विद्यालय इकाई अध्यक्ष कमला पौडेलको नेतृत्वमा रहेको संगठनले लामो समय देखि व्यवस्थापन हुन नसकेको फोहोर व्यवस्थापन तथा सरसफाई कार्यक्रममा सरिक जनाएको जनाइएको छ ।
त्यस्तै निसीभुजी जनता क्याम्पसमा सिता सापकोटा अध्यक्ष रहेको अनेरास्ववियू  (क्रान्तीकारी ) गठन गरिएको छ । उत्तरगंगा माध्यमिक विद्यालयमा कमला पौडेल अध्यक्ष रहेको ६१ सदस्य अनेरास्ववियू –क्रान्तीकारी गठन गरिएको थियो ।

मंसिर २१ गते
सालझण्डी ढोरपाटन सडक खण्ड अन्र्तगत पर्ने बुर्तिबाङ –ढोरपाटन खण्डको काम पछिल्लो समय निर्माण कम्पनीले विभिन्न ३ ठाउँबाट अगाडी बढाए संगै सडक निर्माणको कामले गति लिने देखिएको छ ।
बुर्तिबाङ लक्ष्मीकुण्ड मोटरबल पुल देखि ढोरपाटन क्षेत्रतर्फ २२ किलोमिटर सडक स्टान्डर्ड ग्राभेलिङको जिम्मा पाएको स्वच्छन्द ओम बुद्ध जेभी कम्पनीले ढोरपाटन नगरपालिका वडा नं. २ अन्र्तगत पर्ने बुर्तिबाङ बजार नजिकै चुरेलाबासमा रक कटिङकोे काम गरिरहेको छ । सडक नै बन्द गरेर बैकल्पिक मार्गबाट सवारीका साधन सञ्चालन गरि सडक निर्माणको काम थालिएको हो ।त्यस्तै ढोरपाटन ५ अन्र्तगत पर्ने बतासे डाँडा क्षेत्रमा सडकको बेस बनाउने काम भइरहेको र र ढोरपाटन ९ मा सुप्राङ क्षेत्रमा समेत रक कटिङको काम भइरहेको निर्माण कम्पनीले जनाएको छ । आगमी २०८१ बैसाख ४ गते निर्माण सम्पन्न गर्ने गरि जिम्मा पाएको कम्पनीले हालसम्म २५ प्रतिशत मात्र भौतिक प्रगती गरेको छ । अब निरन्तर काम गर्ने र जिम्मेवारी पुरा गर्ने निर्माण कम्पनीका प्रतिनिधी दिपेश लामाले बताए ।

कुल २५ करोड ६१ लाख लागतमा ३० महिनामा ग्राभेलिङ सक्ने गरि २०७८ कात्तिक ५ गते निर्माणको जिम्मा पाएको थियो । निर्माण क्षेत्रको अवलोकन गर्दे गण्डकी प्रदेश सभा सांसद दोर्ण कुमार कुवंर र दिलमाया पौवीले सडक निर्माण क्षेत्रको अवलोकन गर्दे निरन्तर काम अगाडी बढाउन र समस्या परेको खण्डमा स्थानीय सरकार र आफुहरुले समोन्य गर्ने बताउनु भयो । नागरिकलाई सहज हुने गरि बैकल्पीक मार्गको प्रयोग गर्न आग्रह गर्दे सुरक्षा निकायलाई निर्माण क्षेत्रमा सहजिकरण गरिदिन समेत अपिल गर्नुभयो ।

बुर्तिबाङ मंसिर २१
ढोरपाटन सिकार आरक्षलाई मध्यवर्ती क्षेत्र घोषणा गर्ने विषयमा जनताको राय नलिइकन आफुहरुले कुनै निर्णय नलिने जनप्रतिनिधीहरुले जनाएका छन ।
बिहिबार ढोरपाटन सिकार आरक्षलाई मध्यवर्ती क्षेत्र घोषणा गर्ने प्रकृया अगाडी बढाउने विषयमा ढोरपाटन सिकार आरक्ष कार्यालय र देवीबक्स गुल्म ढोरपाटनको संयूक्त आयोजनामा बुर्तिबाङमा बृहत छलफल कार्यक्रममा बोल्ने जनप्रतिनिधीले जनताको राय सुझाव र धारणा नबुझे सम्म जनप्रतिनिधीले मात्रै मध्यवर्ती क्षेत्र घोषणा कार्यक्रममा जिम्मेवारी नलिने बताउँदै बृहत रुपमा यस विषयमा सिकार आरक्ष कार्यालय, जनप्रतिनिधी र स्थानीयबासी विच छलफल गरेर नागरिकको रायका आधारमा अगाडी बढ्न सकिने बताएका हुन । सिकार आरक्षले नियमावी बनाएर अगाडी बढ्नुपर्ने बताउँदै मध्यवर्ती घोषणाले नागरिकका हक अधिकारमा नकारात्मक असर खासै नपार्ने जनाइएपनी जनतालाई प्रस्ट पार्न नसक्दा सम्म आफुहरु मात्रै जिम्मेवार बनेर अगाडी बढ्न नसकिने अवस्था रहेको बताएका हुन ।
उनिहरुले ढोरपाटन सिकार आरक्षले हाल कायम रहेका ब्लकलाई बृद्धि गर्नुपर्ने, स्थानीय तहसंग समोन्य गर्नुपर्ने, सिकार आरक्षभित्र रोकिएका सडकलाई पूर्णता दिन सहजिकरण गरिदिनुपर्ने, स्थानीयलाई रोजागरीमा जोड्न सहजिकरण गर्नुपर्ने बताउँदै आफनो धारणा राखेका छन ।
ढोरपाटन सिकार आरक्ष क्षेत्र संग जोडिएका बागलुङ, म्याग्दी र रुकुम पुर्वका पाँच पालिकाका जनप्रतिनिधी र गण्डकी प्रदेश सभाका माननिय विचमा अन्र्तकृया कार्यक्रम सम्पन्न भएको हो ।
ढोरपाटन सिकार आरक्ष कार्यालयका प्रमुख विरेन्द्र कंडेलले मध्यवर्ती क्षेत्र घोषणाको सन्दर्भमा बोल्दै मध्यवर्ती क्षेत्रको अवस्था, कानुनी अवस्था,मध्यवर्ती क्षेत्रको महत्व, आधारहरु लगाएतका विषयमा प्रकाश पार्नुभयो
कंडेलले थप बोल्दै “मध्यवर्ती क्षेत्र घोषणा भएमा स्थानीय विकासको निम्ती ३० देखि ५० प्रतिशत राजश्व खर्च गर्न सकिने बताउँदै स्थानीय नागरिकले उपभोक्ता समिती गठन गरेर घाँस दाउराको प्रयोग गर्न पाउने, राजश्व परिचालन तथा जिवीको उर्पाजनमा टेवा पुग्ने लगाएतका बिषयमा प्रस्ट पार्नुभएको थियो ” ।
कार्यक्रममा विभिन्न सातवटा बुँढामा छलफल गरिएको थियो जसमा नेपाल र ढोरपाटन सिकार आरक्षले संरक्षणमा चालेका रणनिती तथा बिधी, गतिविधीका विषयमा जानकारी, वन्य जन्तु तथा वनस्पतिको चोरी शिकार, निकासी,अबैध ब्यापार तथा ओसारपसार नियन्त्रण, अतिक्रमण तथा भुमी व्यवस्थापन, सिकार व्यवस्थापन, अन्तर जिल्ला तथा ब्लक सिमाना बिवाद, मध्यवती क्षेत्र घोषणा र नियमावलीका विषयमा छलफल गरिएको हो ।
कार्यक्रमका प्रमुख अतिथी दोर्णकुमार कुवंरले बोल्दै सदियौँ देखि भोगादिकार गर्दे आएका मुलबासीलाई सिकार आरक्ष कार्यालयले सतहमा पुगेर मध्यवर्तीको अवस्थाका विषयमा बुझाउन नसक्दा पनी सिकार आरक्ष र स्थानीय नागरिक विचको दुरी टाढा भएको बताउँदै नागरिक संगको अन्र्तकृया, छलफल बाट मात्रै निकास सम्भवन भएको बताउनु भयो ।
यहाँका नागरिकको हक अधिकार हनन हुन नदिने यहाँको जल,जमिन, खनिजको समेत स्थानीय नागरिकले लाभ प्राप्त गर्न पाउने गरि राज्यले काम गर्नुपर्ने बताउँदै पुर्खाेँ देखि बस्दै आएका नागरिकको अधिकार सुनिश्चत गर्दे अगाडी बढ्नुपर्ने बताउनु भयो । सिकार आरक्षको नियमावली वनाएर अगाडी बढ्न आवस्यक रहेको बताउँदै संघिय सरकार मार्फत कानुनी परिवर्तन गर्नुपर्ने भएका कारण केहि समस्या रहेको भएपनी यहाँका नागरिक र सिकार आरक्ष सम्मोन्य गरेर अगाडी बढ्नुपर्ने बताउनु भयो ।
ढोरपाटन सिकार आरक्षले विभिन्न विकास निर्माणमा जनता संग सम्मोन्य गर्दे आइरहेको बताउँदै सिकार आरक्ष क्षेत्रमा कानुनी झन्जटका कारण रोकिएका सडक मार्गलाई जोड्न र यहाँका प्रर्यटन प्रर्वधन, पदमार्ग जोगाउन सबैले साथ दिनुपर्ने बताउनु भयो । कार्यक्रमका अवसरमा गण्डकी प्रदेश सभा सदस्य दिलमाया पौवीले बोल्दै सिकार आरक्षले जनता संग सम्मोन्य गर्न सकेमा मात्र सहज हुने बताउँदै जनताको समस्यालाई राज्यले सम्वोधन गर्ने गरि अगाडी बढनुपर्ने बताउनु भयो । उहाँले कानुनी पाटो संगै कतिपय व्यवहारीक तवरले पनी स्थानीय नागरिक संग सम्मोन्य गर्दे उनिहरुको हक अधिकारलाई पनी ध्यान दिनुपर्नेमा जोड दिनुभयो ।
कार्यक्रममा तमानखोला गाउँपालिका अध्यक्ष जोकलाल बुढा, निसीखोला गाउँपालिका उपाध्यक्ष प्रेम घर्तिमगर, पुथा उत्तरगंगा गाउँपालिका अध्यक्ष पुनीराज घर्ति, म्याग्दीको धवलागिरी गाउँपालिका जनप्रतिनिधी, वडा अध्यक्षहरु लगाएतको मन्तव्य रहेको थियो ।
कार्यक्रममा ढोरपाटन नगरपालिका कार्यवाहक मेयर तथा कार्यक्रमका अध्यक्ष धन बहादुर कायतले बोल्दै आफुहरु जनताको पक्षमा बोल्नुपर्ने र जनताकै पक्षमा उभिनुपर्ने अवस्था रहेको बताउँदै ढोरपाटनलाइ मध्यवर्ती घोषणा गर्नका निम्ती जनताको रायनै अन्तिम हुने बताउनु भयो ।
मध्यपर्ती घोषणा गरेर मात्रै यहाँको विकास हुने भन्ने भावना राख्नु भन्दा ६ बर्षमा ९ करोड मात्र राजश्व उठाउन सफल भएको सिकार आरक्षले यहाँका नागरिक संग सम्मोन्य गरि अगाडी बद्ने र प्रर्यटन मार्फत अगाडी बढ्न सकेमात्रै पनी बार्षिक रुपमा करोडौँ रकम राजश्व संकलन गर्न सकिने बताउनु भयो ।
आरक्षलाई मात्र दोष दिएर नहुने बताउँदै संघिय कानुन परिमार्जन नगर्दा सम्म जनताको समस्या सम्वोधन नहुने बताउँदै यहाँबाट निर्वाचित संघिय सांसदले पनी निती संसोधन गर्ने विषयमा ध्यान दिन आग्रह गर्नुभयो ।
कार्यक्रमबाट जनताको विचमा पुगेर मध्यवर्ती घोषणा गर्नका निम्ती जनतालाई बुझाउने र उनिहरुको राय लिने, सिकार आरक्ष क्षेत्र अन्र्तगत पर्ने विभिन्न अवरुद्ध सडकलाई पूर्णता दिन जनप्रतिनिधी, स्थानीय र सिकार आरक्ष कार्यालय विच सम्मोन्य गरेर अगाडी बढ्ने निर्णय गरिएको छ ।

बुर्तिबाङ मंसिर २०
एमाले अध्यक्ष केपी सर्मा ओलीले सहकारी क्षेत्रमा आउनै नहुनेहरु आएर जनताको रकम डुवाएको आरोप लगाएका छन् । बुर्तिबाङमा आयोजित कार्यक्रमलाई सम्वोधन गर्दे उनले साना किसानहरुको आफ्नै सहकारी बनाएर चलाएमात्र सम्पत्तिको रक्षा हुने बताए ।
ढोरपाटन नगरपालिकाका प्रमुख तथा इमेज बचत तथा ऋण सहकारी संस्थाका अध्यक्ष देवकुमार नेपालीले डेढ अर्ब हिनामिना गरेर फरार भएपछि बागलुङका सयौं बचतकर्ता अलपत्र छन् । स्थानीय स्तर सम्म आर्थिक अबस्था ठप्प छ ।

‘कोही ठग निस्क्यो भन्दैमा पद्दतीलाई बदनाम नगरौं’ ओलीले भने, ‘माछा पालन गर्ने देखि बाख्रा पालन गर्ने किसानको सहकारी बनाएमा कहिले पनि डुब्दैन ।’ राज्यको साधन श्रोत पाउनकालागि पनि सहकारी भने चाहिएको बताए । सहकारी डुवाउने र जनताको पैसा हिनामिना गर्नेलाई कारवाहीको दायरामा ल्याउनुपर्ने ओलीले बताए ।
समृद्धिको यात्रा अन्र्तगत सुरु भएको अभियानमा बैतडीको झुलाघाट देखि ताप्लेजुङको चिवा भञ्ज्याङ सम्मको समृद्दि यात्रा गरेको समेत दावी गरेका छन् । यात्राकै क्रममा ओली सहित एमालेका १ सय ५० बढी केन्द्रीय नेताहरु बुधवार बागलुङको बुर्तिवाङ आएका छन् ।

ढोरपाटन मंसिर २०
नेकपा एमाले अध्यक्ष केपी शर्मा ओलीले मध्यपहाडका जनताको आबाज लगेर सरकारको ध्यानाकर्षण गराउने बताएका छन् । एमालेले आयोजना गरेको समृद्दिकालागि संकल्प यात्राको क्रममा बागलुङको बुर्तिवाङ र बोहोरागाउँमा आयोजित कार्यक्रममा ओलीले समृद्दिको यात्राकालागि मध्यपहाडमा बिकास चाहिएको बताए ।

ओलीले आम कार्यकर्तालाई राजनीतिबाट माथी उठेर बिकास निर्माणमा लाग्न आब्हान गरेका छन् । उनले उत्पादन मूलक काममा सबै लाग्न सकेमा देशको आर्थिक समृद्दी संभव हुने समेत बताएका छन् । राष्ट्रको बिकास गर्न अन्य दलका कार्यकर्तापनि बिकासमा लाग्नुपर्ने आवस्यकता औल्याए ।

मध्य पहाडमा उत्पादन बढाएर युवा रोजगार सिर्जना गर्न उनले राज्यका सबै निकायमा पहल गर्ने समेत बताए । समृद्दिको यात्राकैलागि एमालेले बैतडीको झुलाघाट देखि ताप्लेजुङको चिवा भञ्ज्याङ सम्मको समृद्दि यात्रा गरेको समेत दावी गरेका छन् । यात्राकै क्रममा ओली सहित एमालेका १ सय ५० बढी केन्द्रीय नेताहरु बुधवार बागलुङको बुर्तिवाङ आएका छन् ।
ओलीले कृषिबाटै देशको समृद्धि ल्याउन मध्यपहाडका हरेक उत्पादनको बजारीकरण गर्न आबस्यक भएको बताए । एमालेले आयोजना गरेको समृद्दि यात्राको क्रममा बुधवार ओली बागलुङ र रुकुमको सिमानामा पर्ने पातीहाल्ने हुदै मध्यपहाडी लोकमार्गको बाटो बुर्तिवाङ आएका हुन् । ‘जुम्लाको स्याउ बिकेन रे भन्ने हल्ला आजकल हटेको छ’ उनले भने, ‘अब नबिकेको स्याउ वाइन बनाएर बेच्नुपर्छ ।’ उनले हरेक बस्तुको तत्कालको बजार व्यवस्थापन नभएमा बैकल्पिक बजारमा लैजान सकेमा किसानहरु उत्साही हुने बताए ।

ओलीले ढोरपाटनको समग्र बिकासमा पहल गर्ने समेत बताए । उनले ढोरपाटनको कृषि, सडक, पर्यटन र जलविद्युत जस्ता आयोजनामा स्थानीयको मागलाई सम्बोधन हुने काम गर्ने बताए । ‘प्रतिपक्ष भएपनि सरकारको कामलाई खवरदारी गर्ने र संभािवत योजनाहरु समावेश गर्ने हो’ उनले भने, ‘समृद्धिको यात्रा सकिएर काठमाण्डौ पुगेपछि केही परिणाम देखाएर छाड्छौं ।’ उनले आम कार्यकर्तालाई राजनीतिमा मात्र नभुल्न आग्रह गरे ।

‘अब राजनीतिमा मात्र भुल्ने होइन, उत्पादन र बिकासमा लागौं ।’ ओलीले भने । उनलाई स्वागत गर्न एमाले गण्डकी प्रदेशका इन्चार्ज गोकर्ण बिष्ट, पूर्व मुख्यमन्त्रीहरु पृथ्वीसुब्बा गुरुङ र खगराज गौतम, एमाले गण्डकीका अध्यक्ष नवराज शर्मा तथा बागलुङका अध्यक्ष हिराबहादुर केसी सहित सयौं कार्यकर्ता पातीहाल्ने पुगेका थिए । ३ हजार २ सय मीटरको उचाइको चिसो मौषममा ओलीले केही बेर बसेर त्यहाँको बिकास निर्माण बारे कार्यकर्ता र स्थानीय पालिकाका पदाधिकारीसग छलफल पनि गरे ।

ओलीलाई निसीखोला र ढोरपाटन बाट यहाँको विकास र समृद्धिको निम्ती पार्टीको तर्फदेखि ज्ञापन पत्र समेत बुझाइएको छ । ढोरपाटनको विकास, सडक, कृषि, प्रर्यटन, उत्तरगंगा जलविधत परियोजना लगाएतका दर्जनौँ महत्वपूर्ण आयोजनाको विकासका निम्ती ध्यानाकर्षण सहित ज्ञापन पत्र बुझाइएको हो ।

सिवाईसी बचत तथा ऋण सहकारी संस्थाको अध्यक्षमा पुनः चण्डिप्रसाद शर्मा सर्वसम्मत चयन हुनु भएको छ । शनिबार बागलुङ बजारमा भएको सहकारीको १४ औं वार्षिक साधारण सभाबाट १५ सदस्यीय संचालक समिति निर्वाचित भएको हो ।

समितिको उपाध्यक्षमा सिता देवी सापकोटा कँडेल, सचिवमा ज्ञानेन्द्रराज पन्त, सहसचिवमा सुवास आचार्य, कोषाध्यक्षमा मोहन प्रसाद उपाध्याय निवार्चित हुनुभएको छ । सदस्यहरुमा मोतिराम गौतम, कृष्णप्रसाद रिजाल, पुतली थापा, चुडामणी कँडेल, राम बहादुर खत्री, इन्दिरा पान्डे पन्त, भोलानाथ आचार्य, गोपाल कुमार शर्मा, सिर्जना अधिकारी पौडेल र अनिता सापकोटा निर्वाचित हुनुभएको छ ।

सहकारीको लेखा समितिको संयोजकमा पदमपाणी शर्मा, सदस्यमा केशवप्रसाद वझा र सितादेवी सापकोटा कँडेल निर्वाचित हुनु भएको छ । सिवाईसी सहकारीको मंसिर ६ गतेदेखि सुरु भएको १४ औं साधारण सभा शनिबार सम्पन्न भएको हो ।

सहकारीको सेयर सदस्य संख्या २५ हजार ३ सय, बालबचतकर्ता ४ हजार ७ सय ५० सेयर पुँजी ३९ करोड ४४ लाख ४४ हजार, लगानी १ अर्व ४५ करोड ९३ लाख ७९ हजार १ सय १९, बचत १ अर्व ३८ करोढ ४५ लाख ०१ हजार ५ सय ८६ रुपैयाँ रहेको छ । अहिले सहकारीमा असार मसान्तसम्म ४७ करोड ५४ हजार ३ सय २३ रुपैयाँ गरी बैंक तथा नगद मौजाद रहेको छ । जुन कुल बचतको ३३.९५ रहेको सहकारीका कार्यकारी प्रमुख नवराज शर्माले नयाँ विश्वलाई बताउनु भयो ।

विसं २०६६ चैत्र २६ स्थापना भएको सिवाईसी बचत तथा ऋण सहकारीले २०६७ असोज २२ गते घटस्थापनाको दिन कारोबार सुरु गरेको थियो ।

२८ जना सेयर सदस्यहरुको पहलमा चण्डी प्रसाद शर्माको नेतृत्वमा सहकारी सञ्चालनमा आएको थियो । बागलुङ नगरपालिका-२ हल्लन चोकमा प्रमुख कार्यालय रहको यस सहकारीको २५ स्थानमा सेवाकेन्द्र रहेको छ । यस सहकारीले १ सय १६ जना युवालाई रोजगारी दिएको छ ।

मंसिर १९ गते बुर्तिबाङ
समृद्धिका लागि सङ्कल्प यात्राको बागलुङमा आवस्यक तयारी पुरा गरिएको नेकपा एमालेले जनाएको छ । भोली बागलुङ जिल्लाको निसीखोला, ढोरपाटन, वडिगाड हुँदै गल्कोट पुग्ने यात्रा र आवस्यक कार्यक्रमको तयारी पुरा भएको नेकपा एमाले केन्द्रिय सदस्य डा. सुर्य पाठकले बताउनु भयो ।
मध्यपहाडी लोकमार्ग अन्र्तगत पर्ने “झुलाघाट–चिवाभन्ज्याङ समृद्धिका लागि सङ्कल्प यात्रा” नाम दिइएको अभियानमा नेकपा एमाले अध्यक्ष एवंम पुर्व प्रधानमन्त्री केपी सर्मा ओली सहित १५० जना केन्द्रिय तहका नेता सहभागि रहेका छन ।
भोली हुने कार्यक्रम पुर्वी रुकुम हुँदै निसीखोला गाउँपालिकाको पातिहाल्नेमा स्वागत कार्यक्रम रहेको र बिहान ९ बजे निसीखोलाको झिवाखोला बजारमा कार्यक्रम विहान १० बजेदेखि बुर्तिबाङ बजारमा कार्यक्रम सहित टोली वडिगाड गाउँपालिका हुँदै गुल्मीको वामीमा पुग्ने कार्यक्रम तय गरिएको जनाइएको छ ।
कार्यक्रमको आवस्यक तयारी पुरा भइसकेको बताउँदै पुर्व प्रधानमन्त्री आउने कार्यक्रममा स्वागतका लागी सहभागि हुन अन्य दलहरुलाई समेत नेकपा एमालेले आब्हन गरेको छ । बुर्तिबाङमा मंगलबार सर्वदलीय सर्वपक्षिय बैठक मार्फत भोलीको कार्यक्रममा सरिक हुन र यहाँका समस्या, विकास निर्माणका विषयमा सामुहीक रुपमा ज्ञापन पत्र बुझाउने कार्यक्रम समेत तय गरिएको बताइएको हो । कार्यक्रममा यहाँस्थित राजनैतिक दलका प्रतिनिधी, पत्रकार, लगाएतको सहभागिता रहेको थियो । भोली हुने कार्यक्रममा यस क्षेत्रको प्रर्यटन, ढोरपाटनको विकास र प्रर्वधन, विधुत सडक लगाएतका योजनाका विषयमा ध्यानाकर्षण गराउने विषयमा छलफल गर्दे सबैले यहाँको समस्यालाई एकमुष्ट ध्यानाकर्षण गराउने सांसद देवी प्रकाश भट्टचनले बताउनु भयो

भोली हुने कार्यक्रमका निम्ती गेट निर्माण, कार्यक्रम स्थलको व्यवस्थापन, स्वयंम सेवक व्यवस्थापन लगाएका तयारी पुरा भएको डा. सुर्य पाठकले बताउनु भयो । मंगलबार बुर्तिबाङ बजारमा सरसफाई कार्यक्रम समेत गरिएको थियो ।
निसीखोला गाउँपालिकाको कार्यक्रमलाई सफल पार्न केन्द्रिय सचिब गोकणर््ा विष्ट सहितको टोली निसीखोला आइपुग्नु भएको छ ।
नेकपा एमालेको संकल्प यात्रा अभियान गत मंसिर १० गतेदेखि सुरु भई पुस ५ गतेसम्म जारी रहने जनाइएको छ ।

वडिगाड मंसिर १८ गते
लैङ्गिक हिंसा विरुद्धको १६ दिने अभियान अन्तरगत वडिगाड गाउँपालिकामा विशेष सचेतना मुलक कार्यक्रम संगै अन्तरक्रियाकार्यक्रम गरेर सोमबार सम्पन्न भएको छ ।
“लैङ्गिक हिंसा अन्त्यको सुनिश्चितता: महिला र बालबालिकामा लगानीको ऐक्यबद्धता ” भन्ने मुल नाराका साथ वडिगाड गाउँपालिका कार्यालयको आयोजनामा महिला जनप्रतिनिधी, कर्मचारी, लगाएतको विचमा अन्तरक्रिया कार्यक्रम सम्पन्न गरिएको हो ।
गाउँपालिका अध्यक्ष गण्डकी थापा अधिकारीको अध्यक्षतामा आयोजित कार्यक्रमका अवसरमा प्रमुख अतिथीको रुपमा रहनु भएका गण्डकी प्रदेश सभा सदस्य माननिय जित बहादुर शेरचनले बोल्दै “सतिप्रथा देखि सुरु भएको हिंसा अझैपनी धर्म, संस्कार, परिवारको रहन सहन देखि सामाजिक क्षेत्रमा हिंसाका घटना ताजै रहेको बताउँदै हिंसा अन्त्यका निम्ती सबैको चेतना मुलक र जागरण मुलक भुमिका महत्वपूर्ण रहने बताउनु भयो ” ।
समाज, घर परिवारबाटै बढि मात्रामा हिंसा हुने भएका कारण त्यसलाइ कम गर्नका निम्ती नेपाल सरकारले मात्र नभई स्थानीय समुदायमा रहेका सक्षम व्याक्तित्वबाट हिंसा रोकथाममा भुमिका खेल्नुपर्ने बताउनु भयो । नेपालमा आधा भन्दा बढि जनसँखया रहेको महिलालाई हरेक क्षेत्रबाट पछि पार्ने परिपाटी रहेको बताउँदै महिलालाई हरेक क्षेत्रबाट अगाडी नसार्दा सम्म देशको विकास नहुने बताउनु भयो ।

  
कार्यक्रमका अध्यक्ष वडिगाड गाउँपालिका अध्यक्ष गण्डकी थापा अधिकारीले बोल्दै महिला आन्दोलनबाट मात्रै महिलाको हक अधिकार सुनिश्चत हुँदै गएको बताउँदै अझैपनी समाजमा प्रर्याप्त मात्रामा महिला हिंसाका घटना घटिरहेको बताउनु भयो । समाजमा चेतनाको अभाव, आर्थिक कारण, पुरानत बादी सोँच, पुरुष प्रधान समाज लगाएतका कारण महिला हिंसा कायम रहेको बताउँदै त्यसको अन्त्यका निम्ती किसोरी शिक्षा, मनोपरामर्स संगै सचेतना मुलक कार्यक्रम आवस्यक रहेको प्रस्ट पार्नुभयो । महिलाहरु ऋार्थिक रुपमा सवल नहुन्जेल सम्म पनी हिंसा सहुनपर्ने बाध्यता रहेको बताउँदै आय आर्जनका काम गरेर आर्थिक रुपमा सक्षम बन्नुपर्ने बताउँदै“वडिगाड गाउँपालिकाले प्रत्यक विद्यालयमा पुगेर किसोरी शिक्षा, समाजमा सचेतना मुलक कार्यक्रम संगै मनोपरामर्सका कार्यक्रम गर्ने बताउनु भयो ” ।

कार्यक्रममा अथितीको रुपमा रहनुभएका मानब अधिकार संगठन बागलुङका अध्यक्ष लक्ष्मी देवी जि.सी.ले बोल्दै नेपालमा पछिल्लो समय हिंसाका घटनामा बृद्धि भइरहेको बताउनु भयो । बागलुङमा समेत किसोर शिक्षामा कमि रहेका कारण बाल अवस्थामा हुने विवाह, समाजमा रहेका कुरिती र कुसंस्कार, धार्मिक संस्कार जस्ता कारणले अझैपनी महिला हिंसा रहेको बताउँदै महिला पुरुष विच शशक्तिकरण नभएसम्म विकास समृद्धि र हिंसाको अन्त्य सम्भव नभएको बताउनु भयो । बालबालीका, महिलामाथी हुने लैङ्गिक हिंसा कानुनी प्रकयाका बिषयमा प्रकाश पार्नुभएको थियो ।

कार्यक्रममा इलाका प्रहरी कार्यालय बुर्तिबाङका प्रमुख प्रहरी निरीक्षक राजकुमार वि.क.ले नेपालमा लैङ्गिक हिंसा र त्यसको अवस्था, लैङ्गिक हिंसा हुने अवस्था लगाएतका विषयमा बोल्दै हिंसा आफन्त, छिमेकी र परिवारबाटै बढि हुने गरेको तथ्य प्रस्ट पार्नुभयो । साथै समाजमा हुने लैङ्गिक हिंसामा कानुनी उपचार, पछिल्लो समय देखिएको साईवर अपराध जस्ता विषयलाई समेत प्रस्ट पार्नुभएको हो ।
कार्यक्रमका अवसरमा गाउँपालिका उपाध्यक्ष भिमशेन वन, वडा अध्यक्ष लगाएतको आतिथ्तया एवं मन्तव्य रहेको थियो । गाउँपालिका प्रमुख प्रशासकिय अधिकृत चेतनारायण भण्डारीद्धारा कार्यक्रमको उदेश्य माथि प्रकाश पार्दे स्वागत मन्तब्य राख्नु भएको थियो आयोजित कार्यक्रम महिला बालबालीका तथा समाजकल्याण शाखा प्रमुख गितादेवी रेग्मी सर्माले गर्नुभएको थियो ।