ढोरपाटन नगरपालिका द्धारा बुर्तिबाङ बजारका तिन दर्जन बढि पलसको अनुगमन गरिएको छ ।
नगरपालिकाको बहुक्षेत्रीय पोषण कार्यक्रम अन्र्तगत कृषि विकास शाखाको आयोजना तथा खाध्य प्रविधी तथा गुण नियन्त्रण डिभिजन कार्यालय बागलुङको प्राविधिक सहयोगमा बजार अनुगमन सुरु गरिएको हो ।
तिन दिन सम्म नियमित गरिने अनुगमनका क्रममा म्याद गुज्रिएका सामान, अखाध्य सामान, सरसफाई तथा मूल्य सुचि र व्यवसाय दर्ता नविकरण भए नभएको विषयमा अनुगमन गरिएको कृषि विकास शाखा प्रमुख सुरेन्द्र यादवले बताउनु भयो ।
अनुगमनका क्रममा ९ वडा खाध्यान्ह पसलमा मसला जन्य बस्तु म्याद गुज्रिएको अवस्थामा पनी विक्रीका लागि राखिएको, सरसफाई कम देखिएको पाइएको छ ।
३ वटा रेष्टुरेन्ट, चटपट पसलमा अखाध्य कलर प्रयोग गरेर विक्री गर्ने गरेको र ३ वटा पसल व्यवसाय दर्ता नै नगरी सञ्चालन गरेको पाइएको हो । अनुगमनका क्रममा म्याद गुज्रिएका सामान विक्रीका लागि राख्ने, सरसफाई कम देखिएका र व्यवसाय दर्ता नगरेका व्यवसायीलाई सचेत गराउँदै १० दिन भित्र सुधार गर्ने सुझाब दिइएको हो ।
अनुगमनमा ढोरपाटन नगरपालिका प्रमुख प्रशासकिय अधिकृत चिरञ्जिवी घिमिरे, उद्योग वाणिज्य संघ ढोरपाटनका अध्यक्ष दिपक कुमार अदै इलाका प्रशासन कार्यालय बुर्तिबाङका प्रमुख, इलाका प्रहरी बुर्तिबाङ, नगरपालिका कृषि शाखा , भेटेनरी शाखा, व्यवसाय दर्ता शाखा ,पत्रकार, नगर प्रहरी, बजार व्यवस्थापक लगाएतको सहभागितामा रहेको थियो ।
