ढोरपाटन नगरपालिकाको आयोजनामा महिलाहरूका लागि अचार बनाउने तालिम र चुरापोते बनाउने तालिम सम्पन्न भएको छ ।
नगरपालिकाको महिला उद्यमशीलता कार्यक्रम अन्तरगत २६ जना नगरपालिका भित्रका महिलाका निम्ती एक हप्ते अचार बनाउने तालिम र १ हप्ते चुरापोते बनाउने तालिम सम्पन्न गरिएको ढोरपाटन नगरपालिका २ का कार्यवाहक अध्यक्ष विमला महतले बताउनु भयो ।
महिलाहरूलाई साना उद्यम मार्फत आर्थिक उर्पाजन मा जोड्नका निम्ती यस्तो प्रकारको तालिम आयोजना गरिएको र सीप विकासले गर्दा महिला दिदीबहिनी खुसी भएको महतले बताउनु भयो ।
एक हप्ता सम्म निःशुल्क तालिम लिएसँगै विभिन्न प्रकारका अचार बनाएर आफै आत्मनिर्भर बन्न सकिने भएको प्रशिक्षार्थी मिना खत्रीले बताउनु भयो ।
चुरापोते बनाउने तालिम उषा कुमारी खत्री भुसाल र अचार बनाउने चन्द्रकला राना मगरले दिनुभएको हो । महिला लक्षित कार्यक्रमले उहाँहरूको नेतृत्व विकास र सीप विकासमा महत्वपूर्ण सहयोग पुर्याउने लक्ष्य लिइएको ढोरपाटन नगरपालिका प्रमुख प्रशासकीय अधिकृत चिरञ्जीवी घिमिरेले बताउनु भयो ।
