बागलुङको बुर्तिबाङ स्थित जनता बोर्डिङ बोर्डिङ स्कुलबाट एसइइ परीक्षामा २ जना छात्रले उत्कृष्ट ४ जिपिए लिएका छन । बोर्डिङमा उदय पौडेल र सम्सेर घतानले उत्कृष्ट अँक ल्याउन सफल भएका छन ।
त्यस्तै ४ जिपिए ल्याउनेमा बुर्तिबाङकै संस्थागत विद्यालय न्यू मोर्डन एकेडेमी बाट रितिजा भुसालले ४ जिपिए लिनुभएको हो । सामुदायिक विद्यालयमा ढोरपाटन नगरपालिका ६ को विद्याविकास माध्यमिक विद्यालयले सबैभन्दा बढि प्रतिशत विद्यार्थी उर्तिण गराउन सफल भएको हो । विद्यालयमा अध्ययनरत २९ विद्यार्थी मध्ये २८ जना अर्थात ९६.५५ प्रतिशत उर्तिण हुन सफल भएका छन ।
संस्थागत विद्यालयमा सबैभन्दा कम विद्यार्थी उर्तिण गराउनेमा ज्यवती विकास माध्यमिक विद्यालय रहेको छ । जहाँ ११ विद्यार्थी मध्ये १ जनामा उर्तिण हुन सफल भएको पाइएको छ । नगरपालिकाको १४ विद्यालयमा कुल ७७.९५ प्रतिशत विद्यार्थी नियमित रुपमा उर्तिण हुन सफल भएका छन ।
