बागलुङको ढोरपाटन नगरपालिका ५ लामडाँडामा बुधबार बिहान ट्याक्टर दुर्घटना हुँदा १६ बर्षिय एक किसोरको ज्यान गएको छ ।
लामडाँडा देखि बुर्तिबाङ तर्फ आउँदै गरेको ट्याक्टर दुर्घटना हुँदा ढोरपाटन नगरपालिका ५ का १६बर्षिय शुसिल कुमार विकको ज्यान गएको इलाका प्रहरी कार्यालय बुर्तिबाङले जनाएको छ ।
ध १ त ५७७ नम्बरको ट्याक्टर अनियन्त्रित भई सडकबाट करिब ११ फिट तल चुणामणी बिकको ढुङ्गा–माटोले बनेको एकतले कच्ची गोठमाथि खसेर थियो ।
दुर्घटनामा घाइते भएका बिकलाई उपचारका लागि बुर्तिबाङ अस्पताल लगिएकोमा चिकित्सकले मृत घोषणा गरेको जिल्ला प्रहरी कार्यालय बागलुङका प्रहरी प्रमुख तिलक भारतीले जानकारी दिनुभयो ।
दुर्घटनापछि इलाका प्रहरी कार्यालय बुर्तिबाङमा पुगेपछि प्रहरी निरीक्षक तिलक मानन्धरको कमाण्डमा सात जनाको टोली घटनास्थल पुगेको थियो । चाललक घटना लगत्तै फरार रहेको र घटनाको विषयमा थप अनुसन्धान भइरहेको प्रहर्रीले जनाएको छ ।
