बुर्तिबाङ माघ १३ गते
बुर्तिबाङमा सवारी दुर्घटना न्यूनिकरण गर्नका लागि इलाका प्रहरी कार्यालय बुर्तिबाङ र अस्थाई ट्राफिक प्रहरी पोष्ट बुर्तिबाङको आयोजनामा विभिन्न सवारी साधन चलाउने चालक र सहचालकको स्वास्थ्य परिक्षण गरिएको छ ।
बुर्तिबाङ अस्पतालको सहकार्यमा सञ्चालन भएको निःशुल्क शिविरमा ४८ जना चालक र सह चालकको स्वास्थ्य परिक्षण गरिएको छ
अस्थाई ट्राफिक प्रहरी पोष्ट बुर्तिबाङका प्रमुख प्रहरी निरीक्षक शान्त राज कुवँरका अनुसार चालक र सहचालकको स्वास्थ्य परिक्षण मार्फत स्वास्थ्य अवस्था पत्ता लगाउने र सवारी दुर्घटना न्यूनिकरण गर्नका निम्ती यस्तो प्रकारको कार्यक्रम गरिएको बताउनु भयो ।
शिविरमा सहभागीहरूको प्राथमिक स्वास्थ्य परीक्षण कार्यक्रममा चालक तथा सहचालकको मानसिक अवस्था ठिक रहेको वा नरहेको, तनाबमा रहेको वा नरहेको तथा उनीहरूको आँखाको दृष्टि अवस्था, ज्वरो, रक्तचाप, मधुमेहलगायत अन्य शारीरिक अवस्था ठिक भए–नभएको लगायत सुगर , प्रेसर , विएम आई र आँखा जाँच गरिएको प्रहरी निरीक्षक कुवँरको भनाई छ ।
