गत जेठ ३० गते साँझ ढोरपाटन नगरपालिका ५ अस्तुमा भएको पिकअप जिप दुर्घटनामा घाइते भएकाहरूको आर्थिक अभावका कारण उपचारमा समस्या पर्न थालेको छ ।
दुर्घटनामा १६ जना सवार रहँदा दुई जनाको घटना स्थलमै र दुई जनाको उपचारको क्रममा ज्यान गएको थियो । घाइते मध्ये ५ जनाको सामान्य उपचार पछि घर फर्किएका छन । चालक प्रहरी नियन्त्रणमा रहेका छन । अन्य ६ जना घाइतेलाई विभिन्न अस्पतालमा उपचार भइरहेको छ ।
घाइते मध्ये ढोरपाटन नगरपालिका २ खल्बाङ का लुम्बिनी महतको पोखरा मणिपाल अस्पतालमा उपचार पछि थप उपचारका निम्ती काठमान्डौ स्थित नर्भिक अस्पतालमा उपचार भइरहेको छ । महतको छाँती र मेरुदण्डमा समस्या रहेको जनाइएको छ ।
उपचारका क्रममा दैनिक एक लाख खर्च भइरहेको निजका बाबा धन बहादुर महतले बताउनु भयो । त्यस्तै उपचारको क्रममा रहेका ढोरपाटन नगरपालिका ५ मस्ती गैराका इन्द्रा पौडेल कुवँरको पोखरा मणिपाल अस्पतालमा उपचार भइरहेको छ । ,ढोरपाटन २ खल्वाङ का दुर्गी दर्जी, निजकी छोरी अञ्जु दर्जीको पाल्पामा उपचार भइरहेको छ । बुर्तिबाङ घर भएका ११ बर्षिय शिशिर कार्कीको चिवतन मा उपचार भइरहेको हो । ढोरपाटन नगरपालिका ५ का तनमाया कुवँरको समेत उपचार भइरहेको छ ।
घाइते सबैको अवस्था जटिल रहेको परिवारले जनाएका छन । शरिरका विभिन्न भाग र भित्री भागमा समेत गम्भिर चोट रहेको कारण नियमित उपचार गराउँदा आर्थिक समस्या उत्पन्न भएको र उपचारका निम्ती सहयोग गरिदिन परिवारका सदस्यले बताएका हुन ।
दैनिक एकलाल खर्च आउने भएपछि बिरामीको उपचारमा समस्या सृजना भएको धन बहादुर महतले बताउनु भयो । बिरामीको अवस्थालाई मध्यनजर राख्दै विभिन्न दाताहरूले आर्थिक सङ्कलन अभियान समेत सुरु गरेका छन । सामाजिक अभियन्ता भरत कुवँर सहितको टोलीले आर्थिक सङ्कलन अभियान सुरु गरेको हो । पीडितलाई थोरै भएपनि पीडामा मल्हम लगाउन आर्थिक सङ्कलन अभियान सुरु गरिएको कुवँरले बताउनु भयो ।
सहयोग गर्न चाहनेले सिधै घाइतेका परिवारलाई सम्पर्क गरेर वा आर्थिक सङ्कलन अभियन्ता सँग सहकार्य गरेर सहयोग गर्न सकिने परिवारले जनाएका छन । गत जेठ ३० गते बुर्तिबाङ देखि अर्नाकोट तर्फ जान लागेको लुम्बिनी प्रदेश ०१–००१ च १७७५ नम्बरको पिकअप जिप दुर्घटना भएको थियो ।
-उल्लेखित बैँक खातामा रकम जम्मा गरी सहयोग गरिदिन आग्रह गरीएको हो । सहयोगी दाताबाट संकलन भएको राहात रकम सार्वजनिक गरिने जनाईएको छ ।
