जेठ ८ गते ढोरपाटन
आगामी वर्षको विकासका सन्दर्भमा सांसद कुवँरको निसीखोला गाउँपालिकाका नागरिक सँग संवाद गर्नुभएको छ ।
आर्थिक बर्ष २०८२÷०८३ मा गण्डकी प्रदेशबाट समावेश गर्नुपर्ने योजना, जनताको अपेक्षा र समस्याको विषयमा निसीखोला गाउँपालिका स्थित जनप्रतिनिधि, राजनैतिक दलका प्रतिनिधि, सामाजिक अगुवा र स्थानीय नागरिकको बिचमा अन्तरक्रिया गरिएको हो ।
आफ्नो निर्वाचन क्षेत्र अन्र्तगत पर्ने निसीखोला गाउँपालिका, ढोरपाटन नगरपालिका र तमानखोला गाउँपालिका अन्र्तगत २२ वटै वडाका नागरिकको अपनत्व हुने गरी महत्वपूर्ण विकास आवश्यकताले स्थान पाओस भन्ने उद्देश्य सहित सबै स्थानीय तहमा छलफल कार्यक्रमको आयोजना गरिएको सांसद कुवँरले बताउनु भयो।
निसीखोला गाउँपालिकामा बुधबार आयोजित कार्यक्रममा सहभागि ले सडक, खानेपानी, मोटरपुल पुल, झोलुङ्गे पुल, पर्यटन लगायतका विकास निर्माणमा महत्वपूर्ण आवश्यकता रहेको बताएका हुन ।
सांसद कुवँरले जनअपेक्षा बमोजिम आफूले काम गर्ने बताउँदै अति महत्वपूर्ण आवश्यकतालाई पहिलो प्राथमिकता दिएर आगामी वर्षको बजेटमा योजनालाई प्राथमिकता दिने बताउनु भयो । बिहिबार दिँउसो १ बजे ढोरपाटन नगरपालिका अन्र्तगतका नागरिक, जनप्रतिनिधी र राजनैतिक दलका प्रतिनधिी संग कार्यक्रम राखिएको जनाइएको छ ।
