भदौ १७ बुर्तिबाङ
राष्ट्रिय जनमोर्चाको विशेष सङ्गठनात्मक अभियान बागलुङको ढोरपाटन पालिका ६ मा सोमबार सम्पन्न भएको छ ।
गत भाद्र १२ गतेदेखि सुरु भएको अभियान अन्र्तगत ढोरपाटन नगरपालिकाको वडा नम्बर १ देखि ६ सम्मको कार्यक्रम सम्पन्न भइसकेको राष्ट्रिय जनमोर्चा जिल्ला कोषाध्यक्ष तथा ढोरपाटन नगर अध्यक्ष दीपक थापाले बताउनु भयो ।
पार्टीको केन्द्रिय र जिल्ला तहको निर्णय बमोजिम बागलुङका सबै पालिका र वडा तहमा विशेष सङ्गठनात्मक अभियान र स्थानीय सरकारलाई ज्ञापन पत्र बुझाउने कार्यक्रम भइरहेको हो । आगामी २५ गतेसम्म चल्ने अभियानमा वडा स्तरका कार्यक्रम भइरहेको जनाइएको छ । निसीखोला गाउँपालिकाको पालिका र ७ वटै वडामा कार्यक्रम सकिएको छ ।
तमानखोला गाउँपालिकामा कार्यक्रम सञ्चालन गर्ने तयारी अगाडि बढाईको जनाइको हो । सोमबार ढोरपाटन नगरपालिका ६ मा आयोजित कार्यक्रममा पार्टीका वडा अध्यक्ष सब बहादुर छन्त्यालको अध्यक्षता, जिल्ला सचिव भिमलाल पोख्रेलको प्रमुख आतिथ्यता रहेको थियो ।
प्रमुख अतिथी पोख्रेलले बोल्दै राष्ट्रिय जनमोर्चाले लिएको विशेष सङ्गठनात्मक अभियान वडा प्रशिक्षण सँगै देशमा मौलाएको बेतिथी, भ्रष्टाचार, सँगै गणतन्त्र र राष्ट्रियताको रक्षा गरौँ सङ्घीयताको खारेज गरौँ भन्ने मुल मन्त्रका साथ कार्यक्रम अगाडि बढिरहेको बताउनु भयो ।
देशमा ठुला दलहरूबाटै राष्ट्रियताको सवाल, संविधानको रक्षामाथि निरन्तर प्रश्न उठ्दै गइरहेको र अनियमितता, द्धन्द, शोषण दमन बदेकै कारण त्यसको खबरदारी गर्नका निम्ती राजमोले विशेष कार्यक्रम अगाडि बढाएको बताउनु भयो ।
कार्यक्रममा राजमो जिल्ला कोषाध्यक्ष दीपक थापा, सदस्य निम कुमारी भण्डारी, दुर्गा बहादुर भण्डारी, ज्ञान बहादुर भण्डारी लगायतको आतिथ्यता एवम् मन्तव्य रहेको थियो ।
कार्यक्रम खुम बहादुर अदैको स्वागत रुप प्रसाद भण्डारीको सञ्चालनमा सम्पन्न भएको जनाइएको छ ।
