माघ १६ गते
तमानखोला गाउँपालिकाले पालिकाभर रहेका १०३ जना जेष्ठ नागरिकलाई सम्मान कार्यक्रम सुरु गरेको छ ।
जेष्ठ नागरिकहरु समाज र राष्ट्रका गहना भएको बताउँदै उनिहरुलाई संधै सम्मान र माया गर्नुपर्ने गाउँपालिका उपाध्यक्ष हिरा कुमारी छन्त्यालले बताउनु भयो ।
छन्त्यालले भन्नुभयो जेष्ठ नागरिक भनेका समाजका अगुवा हुन उनिहरुको योगदानले समाज रुपान्तरणमा मुख्य भुमिका निर्वाह भएको बताउँदै उहाँहरुले गरेको अनुभव, सिप र क्षमतालाई नयां पिँडिले लिन सकेमा समाज र राष्ट्रलाई वदल्न थप टेवा पुग्ने बताउनु भयो ।
गाउँपालिकाले लिएको कार्यक्रम अन्र्तगत आफुहरुले सम्मान गरिएको बताउनु भयो । गाउँपालिकाका ६ वटै वडामा गरि ८५ बर्ष पार गरिसक्नु भएका १०३ जना जेष्ठ नागरिकलाई दोसल्ला ओढाएर सम्मान थालिएको छ । कार्यक्रम अन्र्तगत वडा नं. ३ र ४ का ३१ जनालाई सम्मान गरिसकिएको हो ।
वडा नं. ३ मा १५ जना र वडा नं. ४ मा १६ जनालाई सम्मान गरिएको र बाँकी वडामा कार्यक्रम क्रमश सुरु हुने गाउँपालिका उपाध्यक्ष छन्त्यालको भनाई छ । आयोजित कार्यक्रममा तमानखोला गाउँपालिका वडा नं. ३ का अध्यक्ष झक बहादुर बुढा, वडा नं. ४ का अध्यक्ष छ प्रसाद श्रीपाली वडा नं. २ का अध्यक्ष नारायण सुनारलगाएतको उपश्थिती रहेको थियो ।
तमानखोला गाउँपालिकाद्धारा जेष्ठ नागरिक सम्मान
