पौष १८
बागलुङको निसीखोला गाउँपालिका ६ मा श्रीमतिलाई कुटपिट गरि हत्या भएको छ । निसीखोला गाउँपालिका–६ रोबाङका धनबहादुर घर्तीले आफनै श्रीमती ३० वर्षीया मिना घर्तीलाई कुटपिट गरेर हत्या गरि फरार भएका हुन ।
शनिबार राती घर्तीले श्रीमती मिनालाई कुटपिट गरेको स्थानीयको भनाई छ । श्रीमतीको मृत्यु भएपछि घर्ती फरार भएको जिल्ला प्रहरी कार्यालय बागलुङका सूचना अधिकारी गंगाबहादुर थापाले जानकारी दिनुभयो । मिनाको हत्या भएको १३ घण्टापछि मात्रै प्रहरीले खबर पाएको थापाले बताउनुभयो ।
फरार घर्तीको खोजतलास भइरहेको उहाँको भनाई छ । दुई जना बीच पटक–पटक विवाद हुँदै आएको बुझिएको छ ।
