असोज ८ गते
जिल्ला प्रशासन बागलुङको आयोजनामा केन्द्रिकृत नागरिकता सूचना व्यवस्थापन प्रणालीको अनुशिक्षण तथा प्राविधिक तालिम जिल्लाको तीनवटा पालिकामा मङ्गलबार सम्पन्न भएको छ । सहायक प्रमुख जिल्ला अधिकारी चित्राङ्गत बरालको प्रमुख आतिथ्यतामा भएको कार्यक्रममा जनप्रतिनिधि वडाका सचिब, सहायक कर्मचारी लगायतको उपस्थिति रहेको थियो । कार्यक्रममा बोल्दै बरालले प्रविधि मैत्री सेवा, सक्षमता,कामलाई सरल र छिटो तवरबाट अगाडी बढाउने गरी यस्तो कार्यक्रमको आयोजना गरिएको बताउँदै सहभागिले सिकेका कुरा व्यवहारमा लागू गर्न आग्रह गर्दे स्थानीय सरकारले यसलाई सहयोग गर्नुपर्नेमा जोड दिनुभयो ।

कार्यालयलाई सहि तरीकाले व्यवस्थापन गर्न सकेमा मात्रै काम प्रभावकारी हुने बताउँदै कम्युटरमा भएको डाटाबाट केन्द्रिकृत नागरिकता सुचना व्यवस्थापन प्रणालीलाई अगाडी बढाउन सकिने बताउँदै यस्ले छिटो र डाटालाई व्वस्थित राख्न सहयोग पुग्ने बताउनु भयो ।
जिल्लाको ढोरपाटन नगरपालिका, निसीखोला गाउँपाकिला र तमानखोला गाउँपालिकामा कार्यक्रम सम्पन्न भएको हो अन्य पालिकामा समेत कार्यक्रम भइसकेको छ । आयोजित कार्यक्रममा कप्युटर इन्जिनीयर बिवस कार्कीले प्रशिक्षण दिनुभएको हो ।
ढोरपाटन नगरपालिकामा वडा अध्यक्ष भेक बहादुर खत्रीको अध्यक्षता, इलाका प्रशासन कार्यालय बुर्तिबाङका प्रमुख लोक बहादुर कुवँर, वडा अध्यक्ष खिम बहादुर विक लगाएतको आतिथ्यता रहेको थियो । कार्यक्रम वडा सचिव देवेन्द्र वस्यालको सञ्चालनमा सम्पन्न भएको हो ।
तमानखोला गाउँपालिकामा आयोजित कार्यक्रममा सहायक प्रमुख जिल्ला अधिकारी चित्राङगत बरालको अध्यक्षता, तमानखोला गाउँपालिका अध्यक्ष जोकलाल बुढाको प्रमुख आतिथ्तया, उपाध्यक्ष हिरा कुमारी छन्त्यालका स्वागत, प्रमुख प्रशासकिय अधिकृत इश्वरलाल शाक्य, जनप्रतिनिधी, कर्मचारी लगाएतको उपश्थिती रहेको थियो । कार्यक्रम कर्मचारी मिना विश्वकर्माको सञ्चालनमा सम्पन्न भएको हो ।

 असोज ८ गते

जिल्लाको बडिगाड गाउँपालिका ५ खौलार बजार नजिकै मङ्गलबार बिहान फेला परेको युवतीको शव पहिचान भएको छ । मृतक ढोरपाटन नगरपालिका ३ घर भई हाल ढोरपाटन नगरपालिका १ छरछरे बस्दै आएकी १६ बर्षिय झरना भन्ने पवित्रा गिरी रहेको प्रहरीले जनाएको छ ।

मङ्गलबार बिहान करिब ८ बजेतिर स्थानीयले बडिगाड खोलामा ढुँगाको विच भागमा अडकिएको अवस्थामा शव फेला पारेका थिए । कक्षा १० को एसइई परीक्षाको ग्रेड बृद्धि दिएर बसेकी गिरी गएराति देखि घरबाट सम्पर्क बिहिन रहेको स्थानीयले बताएका छन ।

परीक्षामा अनुर्तिण भएका कारण यस्तो घटना भएको हुन सक्ने भनिएपनि थप अनुसन्धान भइरहेको जनाइएको छ । घटनाको विषयमा थप अनुसन्धान भइरहेको इलाका प्रहरी कार्यालय बुर्तिबाङका प्रमुख आनन्द बस्नेतले बताउनु भयो ।

ढोरपाटन ३ पुर्कोट घर भएपनि ठुलाबुबा महलाल गिरीको घरमा पवित्रा बस्दै आएकी थिइन ।  

असोज ८ गते 

बागलुङको बुर्तिबाङ बजारमा इलाका प्रशासन , मालपोत र नापी कार्यालयको जग्गा खरिदका निम्ती आर्थिक सङ्कलन अभियानलाई निरन्तरता दिएको समितिले थप सक्रिय पूर्वक अगाडि बढ्ने निर्णय गरेको छ ।

मङ्गलबार बसेको समितिको बैठकले हालसम्म करिब एक करोड रकम सङ्कलन भइसकेको बताउँदै बुर्तिबाङ बजारमै हाल भाडामा सञ्चालन हुँदै आइरहेका मालपोत कार्यालय, इलाका प्रशासन र नापी कार्यालयको जग्गा व्यवस्थापनका निम्ती गत बर्ष २०८० असार महिनादेखि जग्गा छनौटको अभियान थालेर पछिल्लो समय चाँडै जग्गा खरिद गर्नका निम्ती आर्थिक सङ्कलन अभियानमा जुटेको हो ।

गुञ्ज बहादुर भण्डारी संयोजक रहेको आर्थिक सङ्कलन अभियान समितिको गठन गरिएको छ । समितिको मङ्गलबार बसेको बैठकले बजारमा करिब एक करोड संलकन भइसकेको बताउँदै दुई स्थानमा जग्गा व्यवस्थापन गर्नका निम्ती कुल तिन करोड सङ्कलन गर्ने लक्ष्य लिइएको समितिका संयोजक गुञ्ज बहादुर भण्डारीले बताउनु भयो ।

बुर्तिबाङ कभर्डहल भएको स्थानमा १ रोपनी ७ आना र हाल ढोरपाटन नगरपालिका कार्यालय रहेको घरको आडमा करिब १२ आना जग्गा खरिदका निम्ती समितिले आर्थिक संकलनलाई तिव्रता दिइरहेको छ । यसै सन्दर्भमा गत असोज ६ गते इलाका प्रशासन कार्यालय बुर्तिबाङबाट प्रकाशन भएको एक सूचना अनुसार जग्गा खरिद आर्थिक समितिले नागरिकबाट रकम उठाएको र त्यसलाई रोक्ने भन्ने भ्रम सृजना भएको भन्दै त्यस्तो हल्लाको पछाडी नलाग्न समितिले बैठक मार्फत अपिल समेत गरेको छ ।

यो हल्ला फैलिएको छ तर यस विषयमा नभएको भन्दै अभियानमा सक्रिय पूर्वक लाग्नुपर्ने र यसमा नागरिक संग हातेमालो गरेर अगाडि बढ्ने समितिका सदस्य धन बहादुर कुवँरको भनाई छ । उता इलाका प्रशासन कार्यालय बुर्तिबाङले समेत मङ्गलबार पुनह अर्का सूचना प्रकाशन गरि मालपोत कार्यालयले नापी कार्यालयको नाममा रकम उठाउने गरेको र उपरान्त रकम नउठाउन भनी सूचना जारी गरिएको भन्ने सन्दर्भमा सूचना प्रकाशन गर्दे अन्य भ्रममा नपर्न अनुरोध समेत गरेको हो ।

सूचना अनुसार अख्तियार दुरुपयोग अनुसन्धान आयोग टङ्गाल काठमाडौँको चलानी नम्बर १२३०७ को गत भाद्र २४ गतेको पत्रमाथि उल्लेखित विवरण सहितको पत्र पठाएको तर सरकारी जग्गा खरिदको विषयमा उक्त पत्रको आशय नरहेको इलाका प्रशासन कार्यालय बुर्तिबाङका प्रमुख लोक बहादुर कुवँरको भनाई छ ।

आर्थिक सङ्कलन अभियान समितिका सदस्य गङ्गा बहादुर सेरबुजाका अनुसार बजारमा फैलाइएको भ्रम जग्गा खरिद अभियान सँग नजोडिएको बताउँदै बजारका नागरिक र आसपासका नागरिकको हितका निम्ती थालिएको अभियानमा आफूहरूको समेत कुनै स्वार्थ नभएका कारण अभियानलाई निरन्तरता दिइने बताउनु भयो ।

आर्थिक सङ्कलन अभियान सुरु भइरहँदा कतिपय नागरिकले यसको विरोध समेत गरेका छन । राज्यले गर्नुपर्ने काम नागरिक माथि थुपार्ने काम भइरहेको भन्दै विरोध भइरहेको हो । तर समितिले राज्यले बजारको चलन चल्ति अनुसारको दररेटमा जग्गा खरिदमा लागत बेहोर्न नसक्ने भएपछि नागरिकको दायित्य अन्र्तगत राखेर अगाडि बढिएको समितिको ठहर छ । गत दुई बर्षदेखि इलाका प्रशासन, मालपोत र नापी कार्यालयको भवन निर्माणका निम्ती राज्य पक्षबाट जग्गा व्यवस्थापन गर्न ताकेता आइरहेको थियो ।

स्थानीयले जग्गा व्यवस्थापन गरेसंगै सरकारले भौतिक संरचना निर्माण गर्ने समितिका सदस्य ज्ञान प्रसाद कँडेलले बताउनु भयो ।

समिती एक्लै हिँडेको छैन गतबर्ष असार महिनामा बैठक राखेर १५० बढि नागरिकको हस्ताक्षर सहित अभियानको सुरुवात गरिएको बताउँदै यसलाई टुँगोमा पुर्याउने गरि काम भइरहेको बताउनु भयो ।

 असोज ६ गते

बागलुङको तमानखोला गाउँपालिका १ कि २० बर्षिय सुनिला सिर्पालीलाई  सुत्केरी ब्यथा संगै स्वास्थ्यमा समस्या देखिएपछि हेलि मार्फत थप उपचारका निम्ती आइतबार बिहान काठमान्डौ लगिएको छ ।

४० हप्ता कटिसकेको गर्भवति सुनिला लाई शनिबार राती बुर्तिबाङ स्वास्थ्य केन्द्रमा प्रसुतीको लागी भर्ना गरिएको थियो । राती ३ः३० बजे उच्च रक्तचाप संगै एक्लेम्पसियाको समस्या देखिएपछि आमा र गर्भमा रहेको बच्चाको स्वास्थ्यमा थप समस्या देखिन थालेपछी आर्मीको हेली मार्फत थप उपचारका निम्ती काठमान्डौ स्थित प्रसुती गृह पठाइएको बुर्तिबाङ स्वास्थ्य केन्द्रका प्रमुख डा. नविन्द्र ढकालले बताउनु भयो ।

उपचार हुँदै गर्दापनि अचानक रक्तश्राव हुने, शरिर काप्ने, बेहोस हुने समस्या देखिएपछि आमा र बच्चा दुबैको ज्यान जोखिममा पर्ने सम्भावना देखेर समयमै थप उपचारका लागी हेलिकप्टर रिफर गरेर काठमान्डौ पठाइएको डा. ढकालको भनाई छ ।

आमा र बच्चा दुवैको मुटुको धड्कन कम हुन थालेपछी प्रारम्भिक उपचार पछि गण्डकी प्रदेश स्वास्थ्य मन्त्रालय, जिल्ला प्रशासन, ढोरपाटन नगरपालिका, गृह मन्त्रालय, महिला बालबालिका तथा जेष्ठ नागरिक मन्त्रालय, गण्डकी प्रदेशका माननीय लगायतको पहल र सम्मोन्यमा उद्धार गरि थप उपचारका निम्ती काठमान्डौ पठाइएको डा. नविन्द्र ढकालले बताउनु भयो ।

बुर्तिबाङ असोज ५ गते
शुक्रबार साँझ ८ बजेतिर परेको चट्याङका कारण बागलुङको निसीखोला गाउँपालिका ३ मा एक जनाको ज्यान गएको छ । चट्याङका कारण निसीखोला गाउँपालिका ३ किटेनी स्थित सुजन बुढाको श्रीमती २४ बर्षिय रजना बुढाको ज्यान गएको हो ।
आफनै घरभित्र बसिरहेको अवस्थामा परेको चट्याङका कारण घटना स्थलमै रजना बुढाको मृत्य भएको जिल्ला प्रहरी कार्यालय बागलुङले जनाएको छ ।
घरको मिटर बक्स लगाएत विधुतीय सामाग्रि पूर्ण रुपमा जलेर नस्ट भएको छ । मृतकका १ छोरी र सासु घरमै रहेपनी उहाँहरु सकुशल रहेको निसीखोला गाउँपालिका ३ का अध्यक्ष रमेश विक्रम शाहीले बताउनु भयो । चट्याङका कारण स्थानीय छापाखानी गाउँमा विधुत आयोजना अवरुद्ध भएको छ ।

असोज २ गते बुर्तिबाङ
राष्ट्रिय शिक्षा दिवशका अवसरमा ढोरपाटन नगरपालिका द्धारा विभिन्न कार्यक्रम सम्पन्न भएको छ । दिवशका अवसरमा साविक गाविस स्तरीय र श्रोत केन्द्र स्तरीय प्रतियोगिता आयोजना गरिएको हो ।

जसअन्र्तगत कक्षा ९ देखि १२ सम्मको बक्तित्वकला प्रतियोगिता, कक्षा ६ देखि ८ सम्मको हाजिरी जवाफ , कक्षा १ देखि ५ सम्मको चित्रकला प्रतियोगिता राखिएको हो । साविक बुर्तिबाङ गाविस स्तरीय कार्यक्रममा विभिन्न सामुदायिक र निजी विद्यालयको सहभागिता रहेको थियो । जसअन्र्तगत बक्तित्वकला प्रतियोगिता तर्फ सरस्वती मावि ढोरपाटन ९ का अन्जु पुनमगर प्रथम, दिर्तिय उत्तर गंगा माध्यमिक व्द्यिालयका पूर्ण बहाुदर घर्ति मगर, र तिर्तिय शिवालय माविका नमुना घर्ति मगर रहनु भएको छ । कक्षा १ देखि ५ सम्मको चित्रकला प्रतियोगिता तर्फ न्यू मोर्डन ऐकेडेमी प्रथम, दिर्तिय जनता सेकेन्डरी इङलिस बोर्डिङ र तेश्रो रिभरहेड बोर्डिङका विद्यार्थी भएका छन ।
कक्षा ६ देखि ८ सम्म हाजिरीजवाफ तर्फ प्रथम रिभरहेड, दिर्तिय जनता सेकेन्डरी, तिर्तिय न्यू मोर्डन ऐकेडेरी भएका हुन ।
४ वटा विभिन्न श्रोत केन्द्र अन्र्तगत साविका गाविस स्तरीय खुँगा गाविसको छोरेगाउँ माध्यमिक विद्यालय, अधिकारीचौर गाविसको शिवालय माध्यमिक विद्यालय र बोबाङ गाविसको सरस्वती माध्यमिक विद्यालयमा कार्यक्रम भएको हो ।

बुर्तिबाङ बजारमा र्याली सहित बजार परिक्रमा गरेर जनता बोर्डिङ रुकुलमा सुरु भएको कार्यक्रम विद्यालयका प्रध्यानाध्यापक युवराज महतको अध्यक्षता, ढोरपाटन नगरपालिका प्रमुख प्रशासकिय अधिकृत चिरन्जिवी घिमिरेको प्रमुख आतिथ्यता, इलाका प्रहरी कार्यालय बुर्तिबाङका प्रमुख आनन्द बस्नेत, वडा अध्यक्ष भेक बहादुर खत्री, खिम बहादुर बिक, उमेर बुढा मगर लगाएतको आतिथ्यता रहेको कार्यक्रम शिक्षा शाखा प्रमुख गणेश बहादुर रावलको स्वागत, ढोरपाटन नगरपालिका प्रमुख प्रशासकिय अधिकृत चिरन्जिवी घिमिरे इलाका प्रहरी कार्यालय बुर्तिबाङका प्रमुख आनन्द बस्नेत, वडा अध्यक्ष उमेश बुढाको मन्तव्य रहेको थियो । कार्यक्रममा उत्कृष्ट हुने विद्यार्थीलाई पुरस्कृत गरिएको हो । कार्यक्रम ज्ञानेन्द्र सापकोटाको सञ्चालनमा सम्पन्न भएको हो ।

असोज २ गते
बुर्तिबाङको उत्तर गंगा नमूना माध्यामिक विद्यालयमा बुधबार देखि तिन दिने प्रार्थना व्यवस्थापन र असल विद्यार्थी तथा अभिभावकत्व व्यवस्थापन उत्प्रेरणा कार्यक्रम सुरु भएको छ ।
बुधबार देखि शुक्रबार सम्म सञ्चालन हुने कार्यक्रमको बुटवल रुद्रावती कालीका माध्यमिक विद्यालयका प्रशिक्षक हरिश ओलीले प्रशिक्षण दिनुहुने छ ।
कार्यक्रममा प्रार्थना व्यवस्थापन तथा अनुशासन सम्बन्धी उत्प्रेरणा ,बिहीबार कलाको संरक्षण ,शिक्षक र व्यवस्थापन समितिहरूलाई शैक्षिक उत्प्रेरणा  र शुक्रबार अभिभावकत्व उत्प्रेरणा तथा जागरण सम्बन्धी  प्रशिक्षण  दिने कार्यक्रम तय भएको जनाइएको छ । ढोरपाटन नगरपालिका १ र २ का विभिन्न सामुदायिक विद्यालयका विद्यार्थीको कार्यक्रममा सहभागिता रहेको छ ।
उत्तरगंगा माध्यमिक विद्यालयको आयोजनामा आयोजित कार्यक्रममा विद्यालय व्यवस्थापन समितिका पदाधिकारी, शिक्षक, अभिभावक, समाजसेवी बुद्धिजीवी लगायतको आतिथ्यता रहेको थियो ।
कार्यक्रम विद्यालय व्यवस्थापन समिति अध्यक्ष वान बहादुर छन्त्यालको अध्यक्षता,  विद्यालयका प्रधानाध्यपक ईश्वरी प्रसाद पौडेल ,शिक्षक लोकेन्द्र सुनारको मन्तव्य , विद्यालय व्यवस्थापन समितिका सदस्य गोपाल महतको स्वागत मन्तव्य, विद्यालयका सह प्रधानाध्यापक हरिचन पाण्डेले कार्यक्रम सञ्चालन गर्नुभएको थियो ।

 असोज २ गते बुर्तिबाङ

पश्चिम बागलुङको बुर्तिबाङ बजारमा परापूर्वकालदेखि लाग्दै आएको ऐतिहासिक कोजाग्रत पूर्णिमा मेला आगामी कात्तिक १ देखि ७ गतेसम्म हुने भएको छ ।

क्लबको २२ औँ वार्षिकोत्सवका अवसरमा कोजाग्रत पूर्णिमा मेला तथा पालिका कप सञ्चालन गर्न लागिएको क्लब अध्यक्ष मिथुन विश्वकर्माले बताउनु भयो ।

क्लबले विभिन्न खेलकुद प्रतियोगिता सञ्चालन गर्ने गरी पुरस्कार राशि समेत तय गरेको छ । खुल्ला पुरुष भलिबल प्रतियोगिता तर्फ प्रथम पुरस्कार दुई लाख २ हजार २२२ दिर्तिय १ लाख १ हजार १११ रहेको हो । त्यस्तै खुल्ला सामूहिक नृत्य तर्फ क्रमश ५१,१११ र २५,१११ प्रथम र दिर्तिय पुरस्कार राशि तोकिएको छ ।

खुल्ला एकल नृत्य, पुरुष महिला रस्साकस्सी, पुरुष महिला छेलो, खुल्ला आईटीएफ तेक्वान्डो, ४० बर्ष माथिको भेट्रान्स, कृषि प्रर्दशनी जस्ता कार्यक्रम सञ्चालन गर्ने तयारी गरिएको क्लब अध्यक्ष मिथुन विश्वकर्माले बताउनु भयो ।

क्लबले विभिन्न कार्यक्रमको पुरस्कार तर्फ ६ लाख ६ हजार बराबरको खर्च गर्ने भएको हो ।