बागलुङ । बागलुङको निसेलढोर जोड्न सडक स्तरोन्नति गरिने भएको छ ।

जिल्लाको सबैभन्दा विकट मानिने निसेलढोर पाँच वर्ष अगाडि मोटरबाटोले जोडिए पनि साँघुरो र अप्ठ्यारो हुँदा बाह्रै महिना संचालन हुन सकेको थिएन । चालु आर्थिक वर्षमा गण्डकी प्रदेश सरकारले विनियोजन गरेको रु ७२ लाख लगानीमा उक्त सडक स्तरोन्नति गर्न थालिएको हो ।

आर्थिक वर्ष २०७६/०७७ सालमा ढोरपाटनदेखि निसेलढोर जोडिएको थियो । ढोरपाटन नगरपालिका–९ को नवी, भुजी हुँदै मसखोलासम्म सडक राम्रो भए पनि त्यसभन्दा माथि सडक भासिने, हिलो हुने हुँदा गाडीनै गुड्न नसक्ने हुँदा यस वर्ष स्तरोन्नति गर्न थालिएको निसीखोला गाउँपालिकाका सूचना अधिकारी डिलाराम बाँठा मगरले जानका दिए । सडक स्तरोन्नतिका लागि बोलपत्र आह्वान गरि निर्माण कम्पनीसँग सम्झौता भइसकेको उनको भनाइ छ ।

करिब पाँच किलोमिटर सडक निर्माणका लागि एम.एस टीएएस इन्जिनियरिङ एण्ड कन्स्ट्रक्सले जिम्मा पाएको भन्दै अब केही दिनमै काम सुरु गर्ने सूचना अधिकारी बाँठा बताउनुहुन्छ । गत कात्तिक १२ गते निर्माण कम्पनीसँग सम्झौता भइसकेको उनको भनाइ छ । अगामी वैशाख मसन्तसम्म काम गरि सक्नु पर्ने बाँठाले बताए । यसपाली सडक फराकिलो, नाली निर्माण र केही ठाउँमा ग्राभेलिङ गरिने उनको भनाइ छ ।

सूचना अधिकारी बाँठाले भने – “यहाँको सडक धेरै साँघुरो र अप्ठ्यारो हुँदा यात्रा गर्न कठिन छ, यसलाई स्तरोन्नति गर्नका लागि ठेक्का लगाई सकेका छौँ, अबको केही दिनमै काम सुरु हुनेछ, सडक बाह्रै महिना नचल्दा निसेलढोरका सयौँ नागरिकले सास्ती खेप्नु परेको छ, यो सडक स्तरोन्नतिपछि केही सहज पक्कै हुनेछ ।”

निसीखोला गाउँपालिका–५ मा पर्ने निसेलढोर पर्यटकीय हिसाबले निकै संभावन बोकेको भए पनि अप्ठ्यारो सडकका कारण पर्यटक फाट्टफुट्ट मात्रै पुग्ने गरेका छन् । बर्खामा यातायात संचालन नहुँदा हिउँदै खाद्यान्न जोहो गरेर राख्नु पर्ने अवस्था रहेको स्थानीय पदमबहादुर घर्तीले बताए । एक दशक अगाडिसम्म यहाँ बर्खाको समयमा मात्रै निसीबाट वस्तुभाउ लिएर बस्ने स्थानीय अहिले बाह्रै महिना निसेलढोरमा बस्न थालेको उनको भनाइ छ । अहिले बर्खामा अहिले बर्खामा ३०० र हिउँदमा झण्डै १५० घर परिवार निसेलढोरमा बसोबास गर्ने घर्तीले सुनाए ।

“बाटोको अवस्था निकै खराब छ, पानी प¥यो कि गाडी चल्न सक्दैनन्, हिलोले वस्तुभाउ यातायता हिडाउन र मान्छेलाई पैदल यात्रा गर्न पनि गाह्रो हुन्छ,” घर्तीले भने – “बाह्रै महिना गाडी चले त यात्रा गर्न र सामान ढुवानी गर्न सजिलो हुन्थ्यो, नेताहरुले यसपाली बनाउँ छौँ त भन्थे बनाउलान् भन्ने आशा छ, बने त धेरै राम्रो हुन्थ्यो ।”

निसेलढोरमा आलु, स्याउ र सिमी लगायतका कृषिजन्य उत्पादन राम्रो हुने तर सडकको दुरावस्थाका कारण बजारीकरणका लागि समस्या हुने गरेको स्थानीय देवीराम पुनले बताए । गाउँमा सडक आएपछि हिउँदमा मान्छेले र घोडाले बोकेरै सामान ढुवानी गर्नु पर्ने बाध्याता कम भएको भन्दै चार किलोमिटर सडक व्यवस्थित बनाउन सके बाह्रै महिना निसेलढोरमा गाडी चल्न सक्ने उनी बताउँछन् । असारदेखि कात्तिकसम्म सडक नचल्दा यहाँ उत्पादन भएको वस्तुसमेत कुहिने जोखिम रहेको पुनको भनाइ छ ।

२०८२ मंसिर ७ बडिगाड ,

बागलुङको बडिगाड गाउँपालिका–५, दाँगमा आगलागीका कारण एक जना घाईते भएका छन भने लाखौंको क्षति भएको छ ।

गाउँपालिका–५, दाँग डाँडखर्क निवासी चन्दन घर्तिको घरमा आगलागी हुँदा एक जना घाईते भएका हुन । बडिगाड गाउँपालिका ५ दाँगमा आइतबार बिहान आगलागी हुँदा एउटा घरमा क्षति पुगेको छ । आगो निभाउने क्रममा एक जना घाइते भएका छन् ।

दाँग डाँडखर्क देबिराम घिमिरेको घरमा अदिया गरी बस्ने बडिगाड–७ टुनिबोटका चन्दन घर्तीको दुई तले गोठमा बिहान अन्दाजी ४ः३० बजेको समयमा पानि तताउने क्रममा एक्कासी आगलागी भएको जनाएको छ ।

आगो निभाउने क्रममा घरधनी चन्दन घर्ती घाइते भएका छन् । घाइतलाई उपचारका लागि गलकोट नगर अस्पतालमा पठाईएको छ । आगलागीबाट ५ वटा बोका ४ वटा बाख्रा आगोमा परी जलेका छन भने २ वटा भैंसी घाईते भएका छन । आगलागीका कारण ६ लाख ५० हजार रुपैयाँ बराबरको क्षति भएको जनाएको छ ।

घटनाको थप अनुसन्धानका लागी खार प्रहरी चौकीलाई खबर गरिएको छ । अदिया गरी बस्ने निम्म बर्गिए घर्ती परिवारमा आगोलागीका कारण झनै बज्रपात परेको छ ।