बागलुङको निसीखोला गाउँपालिका–३ स्थित प्रभा माध्यमिक विद्यालयलाई कम्प्युटर सामग्री हस्तान्तरण गरिएको छ । रोटरी क्लब अफ भादगाउँ काठमाडौंको सहयोगमा विद्यालयलाई ८ थान कम्प्युटर सेट हस्तान्तरण गरिएको हो ।
रोटरी क्लबका सदस्य तथा नेपाली कांग्रेसका नेता टेकराज पौडेलको पहलमा उक्त कम्प्युटर विद्यालयलाई उपलब्ध गराइएको हो । विद्यालयमा रहेको कम्प्युटर ल्याबलाई थप व्यवस्थित बनाउने उद्देश्यले आफूले अध्ययन गरेको विद्यालयलाई सहयोग गरिएको पौडेलले बताउनुभयो ।
यस्तै, दुवर्ड ग्रुपका अध्यक्ष मतिलाल दुवर्डमार्फत उपलब्ध गराइएको विभिन्न जातका फलदिने विरुवासमेत विद्यालयलाई हस्तान्तरण गरिएको छ । जिल्लाका आवश्यकता भएका अधिकांश विद्यालयमा मागअनुसार फलफूलजन्य विरुवा उपलब्ध गराउने कार्यक्रम रहेको पौडेलले जानकारी दिनुभयो ।
कार्यक्रमका अवसरमा विद्यालयले सहयोग तथा समन्वय गरेको भन्दै नेता पौडेललाई सम्मान समेत गरेको थियो । कम्प्युटर तथा विरुवा सहयोगले विद्यालयको शैक्षिक वातावरण सुधारमा सहयोग पुग्ने विद्यालयले जनाएको छ
