रिठाखोला लघु जलविधुत सहकारी संस्था ढोरपाटन नगरपालिका ३ को पाचौँ वार्षिक साधारण सभा सोमबार सम्पन्न भएको छ ।
संस्थाका अध्यक्ष गौरीश्वर पाण्डेको अध्यक्षतामा आयोजीत कार्यक्रममा जेष्ठ शेयर सदस्य लोक बहादुर थापाको प्रमुख आतिथ्यता रहेको थियो ।
२०७६ सालमा स्थापना भएको सहकारी संस्थाले बचत र ऋणको कारोबार संगै २९८ जना सेयर सदस्यबाट बार्षिक ८० लाख रुपैयाँ बराबरको कारोबार गर्दे आइरहेको हो । कार्यक्रमका अवसरमा उत्कृष्ट बचत कर्ता,अशल ऋणी , जेष्ठ नागरिक र कर्मचारी सम्मान गरीएको छ ।
संस्थाका अध्यक्ष द्धारा संस्थागत प्रगति प्रतिवेदन र भावी लक्ष्य सहितको प्रतिवेदन, सचिब संगा घर्तिद्धारा संस्थाको प्रगति प्रतिवेदन कोषाध्यक्ष खिमलाल भुसाल द्धारा आर्थिक प्रतिवेदन प्रस्तुत गर्नुभएको हो ।
कार्यक्रममा अतिथि लेखा संयोजक काजीमान वि.क., लेखा समिती सचिव खुम बहादुर छन्त्याल, उपाध्यक्ष नर बहादुर सुनार लगायतको शुभकामना मन्तव्य रहेको कार्यक्रम संस्थाका प्रबन्धक नारायण घर्तिको स्वागत सचिव गंगा घर्तिको सञ्चालनमा कार्यक्रम सम्पन्न भएको हो ।
