बुर्तिबाङ मंसिर २७ गते
सिवाईसी बचत तथा ऋण सहकारी संस्थाको १६ औँ बार्षिक साधारण सभा बुर्तिबाङ सेवा केन्द्रमा शनिबार सम्पन्न भएको छ ।
सेवाकेन्द्र व्यवस्थापन समिती संयोजक अविन महतको अध्यक्षतामा आयोजीत कार्यक्रमका अवसरमा संस्थाका सेयर सदस्य केशवलाल पुनले दिप प्रज्वलन गर्दे कार्यक्रमको सुभारम्भ गर्नुभएको हो ।
२०६६ सालमा स्थापना भएको सहकारी संस्थाले बागलुङ सहित म्याग्दी र पर्वत गरी २५ सेवा केन्द्र मार्फत सत्ताइस हजार सेयर सदस्य संग कारोबार गर्दे आइरहेको छ । गत मंसिर १८ गतेदेखि विभिन्न सेवा केन्द्रमा साधारण सभा सम्पन्न गरेको सहकारी बुर्तिबाङ सेवा केन्द्रमा समेत सम्पन्न गरेको हो ।
“घर घर र विद्यालयमा उद्यम फैलाऔँ गरीवीलाई शुन्य बनाऔँ ”भन्ने नारासहित अगाडी बढेको सहकारीले आर्थिक बर्ष २०८१÷०८२ को असार मशान्त सम्म कुल १ अर्ब ८७ करोड २० लाख ३९ हजार ८ सय २८ रुपैयाँ बराबरको आर्थिक कारोबार गर्न सफल भएको हो ।
कार्यक्रममा विशिष्ठ अतिथीको रुपमा केन्द्रीय उपाध्यक्ष सिता शर्माले बोल्दै सिवाइसी सहकारी हुने खाने र हुँदा खाने वर्ग विचको दुरीलाई नजिक बनाएर आर्थिक रुपमा समृद्ध बनाउनका निम्ती स्थापना भएको बताउँदै सेयर सदस्यको मर्म र भावना अनुसार अगाडी बढ्दै आइरहेको बताउनु भयो ।
कार्यक्रममा केन्द्रिय सह सचिव सुवास आर्चाय, निवर्तमान केन्द्रिय समिती सदस्य मेशलाल शर्मा, पत्रकार छविलाल पाण्डे, समाजसेवी लोक बहादुर कुवँरको शुभकामना मन्तव्य रहेको थियो ।
संस्थाले उत्कृष्ट बचत कर्ता, नियमित ऋण भुक्तानी गर्ने ऋणी र बाल बचत कर्तालाई सम्मान गरेको छ । कार्यक्रममा संस्थाका सचिव चन्द्र कुमार गौतमद्धारा संस्थाको प्रगती प्रतिवेदन, कोषाध्यक्ष केशकुमारी बुढा द्धारा आर्थिक प्रगती प्रतिवेदन प्रस्तुत गर्नुभएको हो ।
बुर्तिबाङ सेवा केन्द्रमा १ हजार ३ सय ५० सेयरु सदस्य र आर्थिक बर्ष २०८२ को असार मशान्त सम्म एक बर्षमा १ करोड ७८ लाख ९८ हजार १२० रुपैयाँको आय र १ करोड २४ लाख ४४ हजार ७१६ रुपैयाँ खर्च भई ५४ लाख ८६ हजार ४०४ रुपैयाँ मुनाफा गर्न सफल भएको जनाइएको छ ।
कार्यक्रम सेवाकेन्द्र सचिव चन्द्र कुमार गौतमको सञ्चालनमा सम्पन्न भएको थियो ।
