सरकारले सुनचाँदीका गरगहनामा लगाएको करको विरोधमा बुर्तिबाङका सुनचाँदी व्यवसायीले शुक्रबारदेखि लागुहुनेगरि अनिश्चतकालीन व्यवसाय बन्द गरेका छन ।
बुर्तिबाङ सुन चाँदी व्यवसायी संघको सक्रियतामा बुर्तिबाङका सबै सुनचाँदी पसल व्यवसाय ठप्प पारेर आन्दोलन अगाडी बढाएका हुन । नेपाल सुनचाँदी व्यवसायी महासङ्घको निर्देशन अनुसार आन्दोलनलाई अगाडि बढाइएको र सरकारले आफूहरूको माग पुरा नगर्दा सम्म आन्दोलन जारी रहने सुनचाँदी व्यवसायी कृष्ण घतानले बताउनु भयो ।
असार १३ गतेदेखि लागु हुने गरी अनिश्चतकालीन व्यवसाय बन्द गरिएको बुर्तिबाङका सुनचाँदी व्यवसायी समितिका महासचिव सोम बहादुर पौवी (यामु) ले बताउनु भयो ।
सरकारले सुनमा लगाएको २ प्रतिशत विलासिता कर र बहुमूल्य हिराका पत्थरहरू मा लगाइएको १३ प्रतिशत कर खारेज गरिनुपर्ने, सुनको भन्सारमा ६ प्रतिशत कर कायम गर्नुपर्ने, सुनचाँदीको कारोबारको लागी प्रस्ट निती नियमावली बनाइनुपर्ने व्यवसायीको माग रहँदै आएको छ ।
आजदेखि बुर्तिबाङ सहित देशभरका सुनचाँदी व्यवसायी आन्दोलित बनेका हुन ।
