असार ८ गते बुर्तिबाङ
गत जेठ ३० गते ढोरपाटन नगरपालिका ५ मा भएको जीप दुर्घटनामा घाइते एक महिलाको ज्यान गएको छ । दुर्घटनामा गम्भिर घाइते ढोरपाटन ५ की इन्द्रा पौडेल कुँवरको आइतबार दिउँसो निधन भएको हो ।
पोखरा स्थित मणिपाल अस्पतालमा उपचाररत कुवँर दुर्घटनापछि अचेत अवस्थामा हुनुहुन्थ्यो उहाँको आइतबार निधन भएको जिल्ला प्रहरी कार्यालय बागलुङले जनाएको छ । दुर्घटनामा घाइते मध्ये अझै ३ जनाको अवस्था गम्भिर रहेको छ । उहाँहरूको समेत उपचार भइरहेको हो ।
उपचार भइरहेकामा ढोरपाटन नगरपालिका २ खल्बाङ की १९ लुम्बिनी महत, ढोरपाटन १ का ११ बषिय शिशिर कार्की ढोरपाटन ५ की तन माया कुवँर उपचाररत हुनुहुन्छ । ८ जना घाइते उपचारपछि डिस्चार्ज भइसक्नु भएको छ भने चालक जिल्ला प्रहरी कार्यालय बागलुङको नियन्त्रणमा रहेका छन ।
