बागलुङको ढोरपाटन नगरपालिका ५ स्थित अस्तु भन्ने स्थानमा शुक्रबार साँझ भएको पिकअप जिप दुर्घटनामा मृत्यु हुनेको सँख्या ४ पुगेको छ ।
मृत्यु हुनेमा ढोरपाटन नगरपालिका २ का ७२ बर्षिय खिम कुमारी बुढा , निसीखोला गाउँपालिका १ देविस्थानका ७३ बर्षिय नर बहादुर कार्की, ढोरपाटन नगरपालिका २ का टिका कुमारी कुवँर र निसीखोला १ देविस्थानका ७५ बर्षिय मन कुमारी कार्कीको उपचारको क्रममा मृत्यु भएको जिल्ला प्रहरी कार्यालय बागलुङले जनाएको छ । खिम कुमारी बुढा र नर बहादुर कार्कीको घटना स्थलमै ज्यान गएको थियो ।
टिका कुमारी कुवँरको उपचारका निम्ती पोखरा लैजाने क्रममा शुक्रबार साँझ र मन कुमारी कार्कीको शनिबार बिहान पोखरा मणिपाल अस्पत्तालमा उपचारको क्रममा मृत्यु भएको जनाईको हो ।
बुर्तिबाङ बजारदेखि ढोरपाटन नगरपालिका २ खल्बाङ अर्नाकोटका लागी छुटेको लुम्विनी प्रदेश ०१ ००१ च १७७५ नम्बरको पिकअप दुर्घटनामा परेको हो । पिकअप सालझण्डी ढोरपाटन सडक खण्डको अस्तु भन्ने स्थानमा सडक देखि करिब १०० मिटर तल खसेको थियो ।
दुर्घटनामा घाइते ढोरपाटन नगरपालिका २ का निरमाया खत्री शुक्रबार साँझ बुर्तिबाङ अस्पत्तालमा उपचार पछि डिस्चार्ज हुनुभएको थियो ।
अन्य घाइतेहरुको बुर्तिबाङ अस्पत्तालमा उपचार पछि थप उपचारका निम्ती मणिपाल अस्पताल पोखरा र पाल्पा प्रबासमा रेफर पछि उपचार भइरहेको हो ।
दुर्घटनामा घाइते हुनेहरुमा ढोरपाटन २ का लुम्बीनी महत, सोही ठाउँका हितदेवी परियार, ढोरपाटन २ का दुर्गी दर्जी, ढोरपाटन ५ का डल्लि विक, ढोरपाटन २ का अन्जु परियार, ढोरपाटन २ का बिहान बुढा, ढोरपाटन १ का शिशिर कार्की, ढोरपाटन २ का विनय बुढा, ढोरपाटन २ का गाडी चालक गोबिन्द थापा, ढोरपाटन ५ का तनमाया कुवँर, ढोरपाटन २ की मनकुमारी कार्की र ढोरपाटन २ का इन्द्र कुवँर गम्भिर घाइते हुनुभएको हो ।
