गण्डकी पदेश सभा सदस्य माननीय दोर्ण कुमार कुवँरले आफ्नो निर्वाचन क्षेत्रका तीनवटै स्थानीय तहमा पुगेर जनप्रतिनिधि, राजनैतिक दलका प्रतिनिधि, स्थानीय नागरिक सँग आगामी आर्थिक बर्षको योजना, भावी विकास निर्माण र नागरिकको अपेक्षा बुझ्नु भएको छ ।
प्रदेश सरकारबाट गर्न सकिने योजना र आफ्नो पहलमा संगबाट गर्न सकिने योजनालाई महत्वपूर्ण आवश्यकता र सबैको अपनत्व हुने गरी योजनाको छनौट गर्ने उद्देश्य स्वरुप कार्यक्रम गरिएको सांसद कुवँरले बताउनु भयो । बुधबार निसीखोला गाउँपालिका, बिहिबार ढोरपाटन नगरपालिका र शुक्रबार तमानखोला गाउँपालिकामा पुगेर स्थानीय जनप्रतिनिधि, राजनैतिक दलका प्रतिनिधि, स्थानीय बासिन्दा, सामाजिक अगुवाको बिचमा कार्यक्रम गर्नुभएको हो ।
महत्वपूर्ण विकास योजनाको रुपमा सडक स्तरोन्नति, मोटरवेल पुल, झुलुङ्गे पुल, सबै क्षेत्रमा केन्द्रिय विधुतीकरण पुर्याउनु पर्ने, विद्यालय भवन निर्माण, खानेपानी, सिँचाई, जस्ता महत्वपूर्ण योजनाको माग गरिएको हो ।
सांसद कुवँरले साना योजना वडा र पालिकाले गर्न सक्ने बताउँदै बढि परिणाम मुखि योजनाको छनौट गर्न आवश्यक रहेको बताउनु भयो । स्थानीय तहबाट प्राप्त भएका योजनालाई प्राथमिकता दिएर आफूहरूले बजेट विनियोजन गरिने बताउनु भयो ।
