कात्तिक २१ बुर्तिबाङ
रुकुमबाट काठमाडौं जाँदै गरेको बस बागलुङको निसीखोला ६ जाउले पानीमा दुर्घटना हुँदा २६ जना यात्रु घाइते भएका छन । रुकुमबाट काठमाडौं जाँदै गरेको ना ८ ख ८४१४ नम्बरको बस दुर्घटना भएको हो ।
दुर्घटनामा परि पाँच जना गम्भिर र २१ जना सामान्य घाइते भएका प्रहरीले जानकारी दिएको छ । बसमा ६६ जना यात्रु रहेको अनुमान गरिएपनी ४४ जनाले मात्र टिकट लिएको एक यात्रुले बताए ।
निसीखोला र रुकुमको सिमानामा पर्ने जाउने पानी भन्ने स्थानमा माथिदेखि झर्दे गरेको बस अनाचन हुँयकिन थालेपछि यात्रुहरु त्रसित भएका थिए । करिब एक सय मिटर तल घुम्टीमा आई पुग्दा बस अनियन्त्रीत भएर पल्टिएको अवस्थामा छ । सडक छेउँमा लगाइएको पर्खालका कारण थप मानविय क्षेतिहुनबाट रोकिएको स्थानीयले बताएका छन ।
इलाका प्रहरी कार्यालय बुर्तिबाङ, निसी प्रहरी चौकी, झिवाखोला प्रहरी चौकी ,स्थानीय जनप्रतिनिधी, स्थानीय बासी लगाएतको सक्रियतामा घाइतेको उद्धार गरि बुर्तिबाङ स्वास्थ्य केन्द्रमा उपचारको लागी ल्याइएको छ । घाइते मध्ये सिस्ने गाउँपालिका पुवी रुकुमका ४९ बर्षिय पदम बुढा, जाजरकोट नलगाड नगरपालिका ३१ बर्षिय अमृता बिसी, काठमान्डौ बस्ने २४ बर्षिय सुमन खड्का, निसा बुढा र विनोद शाहीलाई थप उपचारका लागी पोखरा रेफर गरिएको हो ।
अन्य घाइतेको अवस्था सामान्य रहेका कारण बुर्तिबाङ स्वास्थ्य केन्द्रमा उपचार भइरहेको हो ।
ब्रेकफेल भएर बस दुर्घटना भएको प्रारम्भिक अनुमान प्रहरीको रहेको छ ।
घटनाको थप विवरण भने आउन बाँकी रहेको प्रहरीले बताएको छ । केही महिना अगाडी सोही ठाउँ नजिकै बस दुर्घटना भएको थियो ।
