बैसाख २१ गते
ढोरपाटनमा शुक्रबार हुन लागिरहेको बृहत परियोजना घोषणा कार्यक्रमको निसीखोला गाउँपालिकाले असन्तुष्टी जनाएको छ ।
बैसाख पुर्णिमाको अवसरमा भोली शुक्रबार ढोरपाटन उपत्यकामा घोषणा हुन गइरहेको फेवाताल÷वेगनासताल–ढोरपाटन धौलागिरी–कालीगण्डकी अध्ययन भ्रमण एवम् ढोरपाटन घोषणापत्रःधौलागिरी –ढोरपाटन क्षेत्र बृहत परियोजना सार्वजनिक कार्यक्रम गाउँपालिका संग सहकार्य सम्मोन्य सरसल्लाह नगरी साझेदारी संस्थाको रुपमा राखिएकोमा आपत्ति जनाउँदै विरोधाभासपूर्ण कार्यक्रममा गाउँपालिकाको सहमती र सर्मथन नरहने गाउँपालिका अध्यक्ष सुर्य बहादुर घर्ति, वडा नं. ५ का अध्यक्ष हर्कमान घर्ति, वडा नं. ६ का अध्यक्ष हेम बहादुर बुढामगरद्धारा हस्ताक्षरित विज्ञप्तीमा भनिएको छ ।
स्थानीय समुदाय बस्दै आएको र पुर्खाेँदेखि बसोबार तथा पशुपालन गर्दे आइरहेको क्षेत्रमा स्थानियलाई पस्नै नमिल्ने गरि ढोरपाटन सिकार आरक्षमा नेपाली सेना राखेर तथा स्थानीय बासिन्दाको उठिबास हुने गरि परापुर्व कालदेखि वस्दै आएका आदिवासी जनजातीको अधिकारलाई समेत कुण्ठित पार्ने गरि राज्यले दमन गरिरहेको र काुननी रुपमा समेत सोही व्यहोरा रहेका कारण अहिले सञ्चालन गरिने भनिएको कार्यक्रम समेत सो लाई अनुमोदन हुने गरी कार्यान्यन गर्ने भित्री आसयका साथ घोषणा पत्र आएको भन्दै गाउँपालिकाले विरोध गर्नुपरेको विज्ञप्तीमा जनाइएको छ ।
उक्त विषयमा गाउँपालिका उपाध्यक्ष प्रेम बहादुर घर्तिले चित्त नवुझेको विषयमा दुई पक्षविच छलफल गरेर अगाडी बढ्नुपर्नेमा जोड दिनुभयो ।
ढोरपाटनमा समृद्ध नेपालका अभियान्ता÷सगरमाथा आरोही कृष्ण के.सी. लगाएत आयोजक सहआयोजक र व्यवस्थापक, साझेदारी आरोही तथा गैर–सरकारी संघसंस्थाबाट कार्यक्रम हुन लागिरहेको जनाइएको छ ।
