बुर्तिबाङ भाद्र १७ गते
ढोरपाटन नगरपालिका स्वास्थ्य शाखाले आर्थिक बर्ष २०८१÷०८२ मा सम्पादन गरेका काम, कामको मूल्यांकन र चालु आर्थिक बर्षको लक्ष्य सहितको बार्षिक समिक्षा कार्यक्रम सरोकारवाला निकायका विचमा प्रस्तुत गरेको छ ।
स्वास्थ्य र शिक्षा क्षेत्रमा बढि लगानी गरिरहेको ढोरपाटन नगरपालिकाले पछिल्लो समय परिणाम समेत प्राप्त गर्दे गएको ढोरपाटन नगरपालिका कार्यवाहक मेयर धन बहादुर कायतले बताउनु भयो । नागरिकको स्वास्थ्य सेवालाई मध्यनजर राख्दै प्रत्यक वडामा सहज र निःशुल्क सेवा उपलब्ध गराउने उदेश्य सहित स्वास्थ्य सेवा विस्तार भइरहेको र कर्मचारीको सक्रियता नगरपालिकाको व्यवस्थापनमा स्वास्थ्य क्षेत्रमा अपेक्षाकृत सुधार भइरहेको कायतले बताउनु भयो ।
ढोरपाटन नगरपालिका प्रमुख प्रशासकिय अधिकृत चिरञ्विजी घिमिरेको अध्यक्षामा आयोजीत कार्यक्रममा स्वास्थ्य शाखा प्रमुख भुमिश्वर शर्माले बार्षिक स्पमा स्वास्थ शाखाबाट सम्पादन भएका कार्यक्रम र परिणामको सन्दर्भमा प्रतिवेदन प्रस्ततु गर्नुभएको हो ।
स्वास्थ्य क्षेत्रमा पूर्ण खोप पालिका घोषणा भएको, होम डेलिभरीको अवस्था न्यून हुँदै गएको, बालमृत्यु दर र मातृ मूत्यदर घट्दो क्रममा रहेको, स्वास्थ संस्थामा निःशुल्क औषधिको उपलब्धता पर्याप्त रहेको जनाइएको छ । त्यस्तै सर्ने नसर्ने रोगको परिक्षण, स्वास्थ्य सचेतना बृद्धि, पोषण मैत्री कार्यक्रमलाई प्राथमिकता लगाएतका विषयलाई प्राथमिकताका साथ अगाडी बढाइएको जनाइएको छ ।
प्रतिवेदन अनुसार अघिल्लो बर्ष ८८ जना घरमै डेलिघरी हुने परिपाटी रहेकोमा गतबर्ष त्यसलाई झारेर २१ जनामा पुर्याएको जनाईएको छ । नियमित ८ पटक सम्म स्वास्थ्य संस्थामा पुगेर गर्चजाँच गराउनेको सँख्या ५० प्रतिशतमा पुर्याइएको, २३ वटा खोप केन्द्रबाट खोप सेवा सञ्चालन गरिएको, विभिन्न ८ वटा स्वास्थ्य सम्बन्धी ऐन कार्यविधी निर्माण गरिएको र ८७ प्रतिशत वित्तिय प्रगती गर्न सफल भएको पाइएको छ ।
त्यस्तै नगरपालिकामा समस्याको रुपमा नसर्ने रोगका विरामी बृद्धि हुँदै गएको, वडा नम्बर ८ र ९ मा बढि मात्रामा होम डेलिभरी समस्या रहेको भौगोलीक समस्याका कारण नियमित रुपमा गर्भ परिक्षण गराउन आउनेको सँख्यामा कमी रहेको जनाइएको छ । त्यस्तै यसबर्ष गतबर्षका कार्यक्रमलाई सुधार गर्दे जाने र होम डेलिभरी शुन्य बनाउने, बाल स्वास्थ्य कार्यक्रम, सर्ने र नसर्ने रोग चेकजाँच तथा सचेतना कार्यक्रम, पोषणमैत्री कार्यक्रमलाई व्यवस्थित गरिने लक्ष्य रहेको प्रमुख शर्माले बताउनु भयो ।
आयोजीत कार्यक्रममा बुर्तिबाङ अस्पत्तालका प्रमुख डा. अविनाश पोख्रेल, जनस्वास्थ्य निरीक्षक चुडामणी कँडेल, स्वास्थ्य चौकीका प्रमुख लगाएतको बार्षिक समिक्षा र प्रतिवेदन प्रस्तुत गरीएको थियो । कार्यक्रममा जनप्रतिनिधी, जिल्ला जनस्वास्थ्य कार्यालयका प्रतिनिधी, पत्रकार लगाएतका उपश्थिती रहेको थियो । कार्यक्रमको सञ्चालन बेली भुजेलले सञ्चालन गर्नुभएको हो ।
