चैत्र २ गते
ढोरपाटन नगरपालिकाको आयोजनामा वडा नम्बर ६ गाडीखोला स्वास्थ्य चौकीमा निःशुल्क स्वास्थ्य शिविर सुरु भएको छ । स्थानीय नागरिकलाई घरदैलोमा स्वास्थ्य सेवाको पहुँच उपलब्ध गराउने उदेश्य सहित शिविर आयोजना गरिएको कार्यवाहक मेयर धन बहादुर कायलते बताउनु भयो ।
नगरपालिकाले विगत बर्षदेखि जनताको घरदैलोमा पुगेर यस्ता शिविर आयोजना गरिरहेको बताउँदै जनताको आवस्यकता र समस्यालाई पहिलो प्राथमिकता दिएर काम गरिने बताउनु भयो
शिविरमा हाडजोर्नी तथा नशा रोग विशेषज्ञ डा. हरि शर्मा, फिजीसियन डा. गणेश पौडेल, वालरोग विशेषज्ञ डा. नविन्द्र ढकाल, आँखारोग विशेषज्ञ रुद्ध खत्री लगाएत स्वास्थ्य कर्मीद्धारा विरामीको स्वास्थ्य परिक्षण संगै उपचार गरिएको हो ।
शिविरमा सहभागि अधिकांस नागरिकमा ढाड कम्मर दुख्ने, आँखाको समस्या, शरिरका जोर्नी दुख्ने लगाएतका समस्या देखिएको पाइएको छ । लायन्स क्लब अफ ढोरपाटन र लायन्स क्लब अफ बुर्तिबाङको समेत सहयोग रहेको शिविरमा जेष्ठ नागरिक, महिला, बालबालीले बढि मात्रामा सेवा लिएका हुन ।
स्थानीय सरकारले गाउँघरमै शिविरको आयोजना गरेकोमा धन्यबाद ज्ञापन गर्दे आगामी दिनमा पनी नागरिकको समस्या वमोजिम स्थानीय सरकारले काम गर्नुपर्नेमा स्थानीयको भनाई थियो ।
आइतबार वडा नम्बर ४ मा शिविर आयोजना गरिने जनाइएको हो ।
