फागुन १ गते बुर्तिबाङ
बागलुङको तमानखोला गाउँपालिकाले हलगोरु पाल्ने किसानलाई प्रोत्साहन गर्न नगद अनुदान उपलब्ध गराउने भएको छ ।
विगतका वर्षमा पनि यस्ता कार्यक्रम अगाडि बढाउँदै आएको पालिकाले हलगोरु पालेर खेतबारी जोत्नमा प्रयोग गर्दे आएका किसानलाई थप उर्जा सँगै प्रोत्साहन गर्ने उद्देश्यले गाउँपालिकाले किसानलाई नगद अनुदान दिने गरी बजेट बिनियोजन गरिएको गाउँपालिका अध्यक्ष जोक लाल बुढाले बताउनु भयो ।
गाउँपालिकाले चालु आर्थिक वर्षमा पाँचलाख बजेट विनियोजन गरेर कार्यक्रम अगाडि बढाएको हो । गाउँमा कृषि र पशुपालन गर्नेको सङ्ख्यामा कमी आउन नदिन र गोरु पाल्दै गर्दा खेतबारी जोत्न मल उत्पादन गर्न र खेतीबालीको वृद्धि गर्ने उद्देश्य सहित यस्तो कार्यक्रम अगाडि बढाइएको अध्यक्ष बुढाको भनाई छ । मिनिटेलर भित्रिएसँगै गाउँमा गोरु पाल्ने कृषकको सङ्ख्यामा समेत कमी आउन थालेपछी त्यसलाई रोक्न अनुदानको कार्यक्रम अगाडि बढाइएको र हलगोरु पाल्ने किसानले खेतबारी जोताई गर्दा आय आर्जनमा समेत टेवा पुग्ने अपेक्षा गरिएको छ ।
गाउँपालिकाले चालु आर्थिक वर्षमा पाँचलाख बजेट विनियोजन गरेर कार्यक्रम अगाडि बढाएको हो । गाउँमा कृषि र पशुपालन गर्नेको सङ्ख्यामा कमी आउन नदिन र गोरु पाल्दै गर्दा खेतबारी जोत्न मल उत्पादन गर्न र खेतीबालीको वृद्धि गर्ने उद्देश्य सहित यस्तो कार्यक्रम अगाडि बढाइएको प्रमुख प्रशासकीय अधिकृत अमित परियारले बताउनु भयो ।
। पालिकाले १५ दिने सूचना प्रकाशन गरेर हलगोरु पाल्ने कृषकलाई अनुदानको कार्यक्रममा सरिक सूचना अनुरोध गरेको हो । प्राप्त निवेदनका आधारमा आवश्यक अनुगमन गरेर दामासाही रुपमा कृषकलाई नगद अनुदान उपलब्ध गराइने प्रमुख प्रशासकीय अधिकृत परियारले बताउनु भयो ।
