जेठ २५ गते बुर्तिबाङ
लायन्स क्लब अफ ढोरपाटन बुर्तिबाङले ढोरपाटन १ स्थित सरस्वती आधारभुत विद्यालयमा अध्ययनरत २० जना छात्र छात्रालाई झोला हस्तान्तरण गरेको छ ।
शुक्रबार विद्यालयमा पुगेर कक्षा १ देखि ८ सम्म अध्ययनरत २० जना विपन्न, जेहेन्ददार विद्यार्थीलाई झोला हस्तान्तरण गरिएको हो ।
ढोरपाटन नगरपालिका १ हाल बुटवल बस्दै आउनु भएका कृष्ण कुमारी आर्चाय द्धारा सौजन्य गर्नुभएको उक्त झोला लायन्स क्लब मार्फत विद्यालयमा पुगेर हस्तान्तरण गरिएको हो ।
लायन्स क्लब अफ ढोरपाटनका अध्यक्ष राम प्रसाद आर्चायको अध्यक्षतामा आयोजित कार्यक्रममा विद्यालय व्यवस्थापन समिति अध्यक्ष मनलाल भट्टराईको आतिथ्यता रहेको थियो ।
कार्यक्रममा बोल्दै अध्यक्ष भट्टराईले विद्यालयमै पहिलो पटक यस्तो महत्वपूर्ण कार्यक्रम ल्याएको बताउँदै लायन्स क्लब आफ ढोरपाटनले गरिरहने सामाजिक कार्य आफैमा समाज रूपान्तरण मूलक रहेको बताउनु भयो ।
यस्तो सहयोगले विद्यार्थीको शिक्षा दिक्षामा राम्रो सहयोग पुग्ने बताउनु भयो । कार्यक्रममा लायन्स क्लब अफ ढोरपाटनका अध्यक्ष राम प्रसाद आर्चायले बोल्दै आफूहरूले विगत ४ वर्षदेखि क्बलको माध्यमबाट विभिन्न सामाजिक कार्य गर्दे आइरहेको बताउनु भयो ।
कार्यक्रममा ढोरपाटन नगरपालिका १ का वडा सदस्य चन्द्रलाल पाण्डे, विद्यालयका प्रधानाध्यापक माया पाण्डे लगायत लायन्स क्लबका पदाधिकारी, अभिभावक, शिक्षक, विद्यार्थीको उपस्थिति रहेको थियो ।कार्यक्रम लायन्स क्लब अफ ढोरपाटनका प्रथम उपाध्यक्ष छविलाल पाण्डेले सञ्चालन गर्नुभएको हो ।
