पौष २४ गते बुर्तिबाङ
बागलुङ जिल्लाको ढोरपाटन नगरपालिका २ खल्टुबोट स्थित बडिगाड खोलामा एक महिलाको शव फेला परेको छ ।
तमानखोला गाउँपालिका ५ घर भई हाल ढोरपाटन नगरपालिका १ बुर्तिबाङ घम्चिन बस्दै आएकी अन्दाजी ३५ बर्षिया धनसरा बिक को शव फेला परेको इलाका प्रहरी कार्यालय बुर्तिबाङका प्रमुख प्रहरी निरीक्षक राजकुमार बिक ले बताउनु भयो ।
स्थानीयले माछा मार्न खोलामा गएको समयमा बग्दै गरेको अवस्थामा शव देखेपछि प्रहरीलाई खबर गरेका थिए । शव पोष्ट मार्टमका निम्ती बुर्तिबाङ स्वास्त्य केन्द्रमा ल्याइएको छ । घटनाको विषयमा थप अनुसन्धान भइरहेको प्रहरी निरीक्षक राजकुमार बिकले बताउनु भयो
मृतकका श्रीमान शिव श्रीपालीका अनुसार मृतक धनसरा ले आज बिहान मर्निङ वाक जान्छु भनी घरबाट हिँडेको बताउनु भयो । मृतक बिक का एक छोरा एक छोरी रहेका स्थानीयले बताएका छन ।
बुर्तिबाङ नजिकै बडिगाड खोलामा महिलाको शव फेला
