मंसिर २८ गते तमान
जिल्लाको तमानखोला गाउँपालिका ३ तमानमा ६ औँ राष्ट्रपति रनिङ शिल्ड प्रतियोगिता आजदेखि सुरु भएको छ । विभिन्न ९ विद्यालयका विद्यार्थीको सहभागिता रहेको प्रतियोगिता तर्फ २२ गेम सम्पन्न गर्ने उदेश्य सहित बिहिबार एक औपचारिक कार्यक्रमका साथ खेलकुद कार्यक्रमको उद्घाटन गरिएको हो ।
आयोजित कार्यक्रमका अवसरमा प्रमुख अतिथीको रुपमा रहनु भएका गण्डकी प्रदेश सभा सदस्य माननिय दोर्ण कुमार कुवंरलेका कार्यक्रमको उद्धघाटन गर्दे विद्यालय –विद्यालय विच प्रतिस्प्रर्धात्मक रुपमा खेलाईने खेलले विद्यार्थीको शैक्षिक संगै खेलकुद क्षेत्रको विकासमा क्षमता प्रस्फुटन गर्न महत्वपूर्ण सहयोग पुग्ने बताउनु भयो ।
दुर्गम क्षेत्रमा समेत विधार्थीमा देखिएको कला, क्षमताले शैक्षिक गुणस्तरमा तमानखोला अब्बल रहेको बताउँदै विधार्थीको क्षमता विकासमा अभिभावक, विधालय तथा सरकारले समेत साथ दिन आवस्यक रहेको बताउनु भयो’ ।
कार्यक्रममा थप बोल्दै सांसद कुवँरले तमानखोला गाउँपालिकाको समग्र विकासमा आफुले पनी महत्वपूर्ण स्थान दिएर खटिएको बताउनु भयो । तमानखोला गाउँपालिकाले आफुलाई अगाडी बढ्न महत्वपूर्ण भुमिका निर्वाह गरेको बताउँदै यहाँको सडक, मोटरेवल पुल, झलुङगे पुल, प्रर्यटन प्रर्वधन लगाएत महत्वपूर्ण योजनामा आफुले निरन्तर काम गर्ने बताउनु भयो ।
पाँच बर्षमा काम देखिने गरि आफुले काम गर्ने बताउँदै यसबर्षको बजेटमा बुर्तिबाङ– बोङगादोभान, तमान सडकको स्तरउन्नती र कालोपत्रेका लागी बजेट विनीयोजन भइसकेको बताउँदै यसबर्ष १२ किलोमिटर सडक कालोपत्रेका लागी २५ करोड बराबरको बहुबर्षिय कार्यक्रम छनौट भएको बताउँदै अब चाँडै सडक निर्माणले गति लिने बताउनु भयो ।
मोटरेवल पुल आवस्यक रहेका क्षेत्रमा समेत पुल निर्माणका निम्ती पहल भइरहेका कारण यसै बर्ष धुमाई घाट र घट्टबोटमा मोटरेवल पुलको सर्वे हुने बताउनु भयो ।
खुँखानी नर्जाखानी सडकलाई व्यवस्थित बनाउन काम भइरहेको बताउनु भयो । बहुबर्षिय कार्यक्रम अन्र्तगत विभिन्न स्थानमा पुलको सर्वे हुने सांसद कुवंरको भनाई थियो । त्यस्तै केन्द्रिय विद्युत विस्तारका निम्ती यसबर्ष अधिकांस क्षेत्रमा विधुत विस्तार हुने बताउँदै नागरिकलाई उज्योलामा राख्न निरन्तर काम भइरहेको बताउनु भयो ।
तमानखोला गाउँपालिका वडा नं. ३ का अध्यक्ष एवंम सामाजिक विकास समिती सम्योजक झक बहादुर बुढाको अध्यक्षतामा आयोजित कार्यक्रममा तमानखोला गाउँपालिका अध्यक्ष जोकलाल बुढा, प्रमुख प्रशासकिय अधिकृत इश्वरलाल शाक्य, अध्यक्षहरुको तर्फदेखि वडा नं. ४ का अध्यक्ष छ प्रसाद श्रीपालीले शुभकामना मन्तव्य व्यक्त गर्नुभएको हो ।
कार्यक्रममा गाउँपालिका उपाध्यक्ष हिरा कुमारी छन्त्याल, वडा अध्यक्ष, कार्यपालिका सदस्य, कर्मचारी, विभिन्न विद्यालयका प्रध्यानाध्यापक लगाएतको आतिथ्यता रहेको कार्यक्रम धनगौज्वती माध्यमिक विद्यालयका प्रध्यानाध्यापक रविन्द्र कुमार बुढाथोकीको स्वागत, शिक्षक पुरन ध्वज गुरुङको सञ्चालमा उद्धघाटन सत्रको कार्यक्रम सम्पन्न भएको थियो ।
तमानखोला गाउँपालिकाको आयोजना, धनगौज्वी माध्यमिक विद्यालयको व्यवस्थापनमा खेलकुदका कार्यक्रम आज देखि सुरु भएका छन ।
