गाउँमा जनचेतना संगै सरसफाईमा सक्रिय बन्दै ढोरपाटनका कार्यवाहक मेयर कायत

मंसिर २४ गते
ढोरपाटन नगरपालिकाका कार्यवाहक मेयर धन बहादुर कायतले ढोरपाटन नगरपालिकाको वडा न. ७ बोबाङमा स्थानीय नागरिक संग सरसफाई कार्यक्रममा सरिक हुनुभएको छ ।
गाउँ समाजमा सभ्यताको विकास गर्ने ,सडक, सार्वजनिक स्थान तथा घर वरिवरि हुने फोहोरलाई व्यवस्थापन गर्नुपर्ने मान्यता सहित स्थानीय अगुवा, नागरिक सहित सरसफाई कार्यक्रम संगै सचेतना मुलक कार्यक्रम गरिएको कार्यवाहक मेयर धन बहादुर कायतले बताउनु भयो ।
ढोरपाटन ७ मा युवा विकास तथा वातावरण सम्क्षण मञ्चका संस्थापक अध्यक्ष समेत रहेका कायतले समाजलाई समृद्ध बनाउन, सभ्य समाजको विकास गर्न सरसफाईका आनीवानीमा परिवर्तन ल्याउन स्वयंम नागरिक अगाडी बढ्नुपर्ने बताउँदै यस्तो अभियानको सुरुवात गरिएको बताउनु भयो ।
अभियानमा स्थानीय नागरिकको सक्रिय सहभागिता रहेको थियो । त्यस्तै वर्तमान युवा विकास तथा वातावरण सम्क्षण मञ्चका अध्यक्ष राम बहादुर कायत, स्थानीय युवाहरुले अभियानलाई निरन्तरता दिने बताएका छन ।