राम प्रसाद घिमिरे बागलुङ
देशभर तिहारको रौनक चलिरहेको छ। उज्यालोको पर्व मानिने तिहारमा जताततै झिलिमिलि बत्ती बलिरहेका छन । तर बागलुङमा भने बत्तीको अलावा ठूलो आवाजमा पट्किने पटकाको समेत पटका आतंका बढेको छ ।
प्रहरीले पटका, आतासवाजी जस्ता विष्पोटका पदार्थको बिक्रीवितरण र प्रयोगमा नियन्त्रण गरेको दाबी गरेपनि ठूलो आवजामा विष्पोट गराईने पटकाले बागलुङका नागरिक आतंकित बनेका छन् ।
बागलुङ बजारमा साँझपख मिनेट मिनेटमा ठुलो आवाजमा पटका पट्काइने गरिएको छ । प्रहरीको विट रहेको वरपर नै पटका पट्काईने गरिएको एक स्थानीयले गुनासो गरेका छन ।पश्चिम बागलुङको बुर्तिबाङ बजार तथा आसपासमा समेत पटका आतंक बढेको छ
के भन्छ प्रहरी ! बागलुङ बजारमा पटका आतंक नियन्त्रण गर्न नसकेको हो भन्ने प्रश्नमा जिल्ला प्रहरी कार्यालय बागलुङका प्रमुख प्रहरी उपरीक्षक योगेन्द्र कुमार खड्काले भने ” पटका लगायत विष्पोटक पदार्थको बिक्रीवितरण तर प्रयोग पुर्ण रुपमा निषेध गरिएको छ, तर लुकिछिपि बिक्री गरेको पाइएकाले ३ जनालाई पक्राउ समेत गरिएको छ ।
” प्रमुख खड्काले भन्नुभयो यस्ता सामाजिक विकृतिको नियन्त्रणमा नागरिकको महत्त्वपूर्ण साथ र समर्थन चाहिन्छ तर हामीले यस्ता गैरकानुनी कार्य नियन्त्रण गर्न सबै ठाउँमा प्रहरी परिचालन गरिरहेका छौं, कसैले देखे वा थाहा पाएमा हामीलाई खबर गर्न अनुरोध समेत गर्दछौं ।
” चाडवाड लक्षित अनुगमन प्रभावकारी हुन सकेन !
बागलुङ बजारमा विभिन्न समयमा विभिन्न निकायहरूले अनुगमन गर्ने गरेपनि औपचारिकता पूरा गर्नका लागि मात्र हुनेगरेको नागरिकले गुनासो गरेका छन् ।
नाम नभन्ने सर्तमा एक व्यावसायीले भने “अनुगमन गर्नु राम्रो हो तर बागलुङमा अनुगमनको कुनै सिस्टम नै छैन म त यसलाई अनुगमनको नाममा नाटक हो भन्छु ” अनुगमनमा यस्ता प्रकारका गैरकानुनी वस्तुको बिक्रीवितरण समेत रोक्नुपर्ने हो तर यसपटक बागलुङमा यस्ता कुनै कदमहरु प्रभावकारी देखिएनन् ।
शान्तिपूर्ण रुपमा चाडपर्व मनाउन पाउनु सबैको अधिकार हो तर चाडपर्व मनाउने निहुँमा अरुलाई बाधा पुग्ने कार्यमा नागरिक समेत जिम्मेवार हुनु जरुरी हुन्छ ।
