बुर्तिबाङ असोज २८
तमानखोला गाउँपालिकाले चाडपर्व नजिकिँदै गर्दा बजार अनुगमनलाई तिव्रता दिएको छ । गाउँपालिका उपाध्यक्ष हिरा कुमारी छन्त्यालको संयोजगत्वमा बनेको अनुगमन टोलीद्धारा पालिकाको विभिन्न वडामा पुगेर पसल, होटल मेडिकल लगाएतको अनुगमन गरिएको हो ।
अनुगमनका क्रममा म्याद गुज्रिएको खाध्यान्ह सामाग्रि, औषधी ,प्य पर्दाथ लगाएतका सामाग्रि जफत गर्नुका साथै लाईसेन्स अनुमती नलिइकन अवैध रुपमा सञ्चालनमा रहेका विभिन्न पाँच वटा मेडिकललाई एक हप्ताभित्र दर्ता प्रकृयामा जान चेतावनी सहित म्याद गुज्रिएका औषधी जफत गरिएको छ ।
फार्मेसि पढेको व्याक्तिले औषधि विक्री गर्न पाउनु पर्ने प्रावधान रहेपनी दर्ता बिना एचए, अनमी र अहेबले अव्यवस्थित रुपमा फार्मसी चलाएका कारण एक हप्तामा आवस्यक कागजात सहित पालिकामा सम्पर्क गर्न आग्रह गरिएको र प्रकृया पुरा नभएको खण्डमा बन्द गरिने तमानखोला गाउँपालिका स्वास्थ्य संयोजक तिलक छन्त्यालले बताउनु भयो ।
मेडिकल अनुगमन गर्दा सम्वन्धित निकायमा दर्ता नभएको , मापडण्ड अनुरुप औषधि विक्री नगरेको, म्याद गुज्रिएका औषधि समेत प्रर्याप्त मात्रामा देखिएका कारण समितीले बैठक बसेर आवस्यक कार्वाही प्रकृयामा अगाडी बढ्ने स्वास्थ्य संयोजक छन्त्यालको भनाई छ ।
अबैध रुपमा सञ्चालनमा रहेका औषधि पसल तमानखोला गाउँपालिकाको वडा नं. १ को बोङगादोभान बजारमा १ वटा वडा नं. ३ को तमानमा २ वटा, वडा नं. ४ लाम्मेलामा १ वटा र वडा नंं ५ खुँखानीमा १ वटा गरि पाँच वटा रहेको पाइएको छ ।
त्यस्तै गल्ला किराना पसलको अनुगमनका क्रममा बढि मात्रामा मसलेदार बस्तु, चिसो प्य पदार्थ, आटा, तेल, चाउचाउ, विस्कुट लगाएतका वस्तुको म्याद गुज्रिएको पाइएको हो । अनुगमन टोलीले म्याद गुज्रिएका बस्तु जफत गर्दे व्यवसाहीलाई आगामी दिनमा म्याद हेरेर सामान खरिद गर्न र विक्री गर्न आग्रह गर्दे गाउँपालिकामा आफनो व्यवसाय दर्ता गराउन समेत अपिल गरेको छ ।
स्थानीय व्यवसाहीले आफुहरुले सामान खरिद गर्दे गर्दा उत्पादन मिती र अन्तिम मिती नहेरी राख्दा यस्तो समस्या आएको बताउँदै पालिकाले गरेको अनुगमनले आफुहरुलाई थप सचेत बनाएको बताएका छन ।
बुर्तिबाङ बजार तथा विभिन्न होलसेल व्यवसाहीले गाउँमा लैजाँदै गर्दा कतिपय म्याद सकिएको बस्तु समेत विक्रीका लागी लैजाने गरेको र फुटकर व्यवसाहीले म्याद हेर्न नसक्दा यस्तो समस्या आउने गरेको उपभोक्ताको भनाई छ ।
गाउँपालिकाले बोङगादोभान बजार, तमान, लाम्मेला, खुँखानी, नर्जाखानी लगाएतका क्षेत्रमा अनुगमन गरेको हो अनुगमन गर्न बाँकी रहेका क्षेत्रमा समेत चाँडै पुगिने उपाध्यक्ष हिराकुमारी छन्त्यालले बताउनु भयो ।
गाउँपालिका उपाध्यक्ष हिरा कुमारी छन्त्यालको संयोजगत्वमा प्रमुख प्रशासकिय अधिकृत इश्वरलाल शाक्य, स्वास्थ्य शाखा संयोजक तिलक छन्त्याल, कर्मचारी, पत्रकार, प्रहरी लगाएतको टोलीद्धारा अनुगमन गरिएको हो । जफत गरिएका म्याद गुज्रिएको सामान डिस्पोज गरिने पालिकाले जनाएको हो ।
