विभिन्न सामाजिक कार्यमा सक्रिय रहँदै आएको लायन्स क्लब अफ ढोरपाटन बागलुङले गत जेठ ३० गते ढोरपाटन नगरपालिका ५ अस्तुमा भएको पिकअप जीप दुर्घटनामा परि घाइते हुनुभएका र ढोरपाटन नगरपालिका ४ मा रुखबाट लडेर घाइते हुनुभएका घाइतेका परिवारलाई क्बले आर्थिक सहयोग गरेको छ ।

क्लबका पदाधिकारीबाट सङ्कलन गरिएको रकमबाट घाइतेका परिवारलाई जनही आठ हजार रुपैयाँका दरले रकम उपलब्ध गराइएको लायन्स क्लब अफ ढोरपाटनका अध्यक्ष छविलाल पाण्डेले बताउनु भयो ।

गम्भिर घाइते ढोरपाटन २ का लुम्बिनी महतका दाजु तुफान महत, ढोरपाटन ४ का भीरबाट लडेर घाइते हुनुभएका राम बहादुर पुनका भाई कृष्ण बहादुर पुन, ढोरपाटन १ का शिविर कार्कीका काका ढालेन्द्र कार्की, ढोरपाटनमा ५ का तनमाया कुवँरका दाजु रमेश कुवँर र दुर्गी दर्जीका श्रीमान तथा अञ्जु परियारका बाबा रुद्ध बहादुर दर्जीलाई ८००० रुपैयाँका दरले आर्थिक रकम उपलब्ध गराइएको हो । लायन्स क्लबका अध्यक्ष छविलाल पाण्डे, उपाध्यक्ष तेजेन्द्र के.सी, सदस्य जित बहादुर कुवँर, दोर्ण कुवँर, भीम बहादुर भण्डारी, सरन पाण्डे, सुरेश थापाको उपश्थितीमा संस्थाको कार्यालयमा राहात रकम उपलब्ध गराइएको हो । क्लबले दैवी प्रकोप, विपद, स्वास्थ्य, शिक्षा , वन वातावरण लगायतका कार्यमा हातेमालो गर्दे आएको छ । क्लबका पदाधिकारीबाट रकम संकलन गरेर यस्ता सामाजिक कार्य गर्दे आइरहेको छ ।

 असार ८ गते बुर्तिबाङ

गत जेठ ३० गते ढोरपाटन नगरपालिका ५ मा भएको जीप दुर्घटनामा घाइते एक महिलाको ज्यान गएको छ । दुर्घटनामा गम्भिर घाइते ढोरपाटन ५ की इन्द्रा पौडेल कुँवरको आइतबार दिउँसो निधन भएको हो ।

पोखरा स्थित मणिपाल अस्पतालमा उपचाररत कुवँर दुर्घटनापछि अचेत अवस्थामा हुनुहुन्थ्यो उहाँको आइतबार निधन भएको जिल्ला प्रहरी कार्यालय बागलुङले जनाएको छ । दुर्घटनामा घाइते मध्ये अझै ३ जनाको अवस्था गम्भिर रहेको छ । उहाँहरूको समेत उपचार भइरहेको हो ।

उपचार भइरहेकामा ढोरपाटन नगरपालिका २ खल्बाङ की १९ लुम्बिनी महत, ढोरपाटन १ का ११ बषिय शिशिर कार्की ढोरपाटन ५ की तन माया कुवँर उपचाररत हुनुहुन्छ । ८ जना घाइते उपचारपछि डिस्चार्ज भइसक्नु भएको छ भने चालक जिल्ला प्रहरी कार्यालय बागलुङको नियन्त्रणमा रहेका छन ।

 असार ८ गते बुर्तिबाङ

गत जेठ ३० गते ढोरपाटन नगरपालिका ५ अस्तु बतासेडाँडामा भएको पिकअप जिप दुर्घटनाका ६ जना घाइतेको उपचारमा सहयोग पुर्याउने उद्देश्य सहित विभिन्न सहयोगी दाताहरूले स्वदेश विदेशबाट आर्थिक सहयोग गरेका छन ।

अस्पतालको शैयामा उपचार संगै छटपटाई रहेका बिरामीको उपचारमा सहयोग पुर्याउने उद्देश्य स्वरुप आर्थिक सङ्कलन अभियान अगाडि बढाइएको र हालसम्म ६ लाख सङ्कलन भइसकेको आर्थिक सङ्कलन अभियन्ता खडक कुवँरले बताउनु भयो । घाइते भएका बिरामीको निम्ती संकलन भएको ४ लाख रकम आज हस्तान्तरण गरिने र बाँकी अभियानलाई जारी राख्दै दोश्रो चरणमा हस्तान्त्रण गर्ने तयारी रहेको कुवँरको भनाई छ ।

उहाँका अनुसार पहिलो चरणमा शक्त घाइते लुम्बिनी महत, शिसिर कार्की , इन्द्रा पौडेल कुवँर, तन माया कुवँरलाई जनही १ लाख रुपैयाँका दरले र र दुर्गि दर्जी , अञ्जु परियारलाई पच्चीस हजार रुपैयाँका दरले अािर्थक हस्तान्तरण गर्न थालिएको बताउनु भयो । दर्जी र परियार अस्पतालबाट डिस्चार्ज भएर घर फर्कनु भएको छ ।

उहाँहरूको हात लगायत शरीरका विभिन्न भागमा गम्भिर समस्या रहेको छ । आफ्नो पहलमा दुवैबाट शेर बहादुर कुवँर, जापानमा खगेन्द्रमान कुवँर, पोर्चुगलमा दिपक पुन मगर, कोरियामा लोकनाथ भुषाल, र नेपालमा भरत कुवँरको सक्रियतामा अभियान अगाडि बढाइएको खडक बहादुर कुवँरले बताउनु भयो ।

त्यस्तै कतिपय सहयोगी दाताले घाइतेका परिवारलाई व्याक्तिगत रुपमा आर्थिक सहयोग गरिरहनु भएको छ ।

देशका धेरै ठाउँमा रातभर झरी परेकोमा अहिले भने केही कम भएको छ । राति मकवानपुरमा ठूलो पानी परेको थियो ।

अहिले भने ठूलो बाढी आउने गरी कतै पनि पानी नपरेको मौसम पूर्वानुमान महाशाखाले जनाएको छ ।

महाशाखाका अनुसार दिउँसो कोशी, बागमती, गण्डकी, लुम्बिनी र सुदूरपश्चिम प्रदेशका एक/दुई ठाउँमा ठूलो पानी पर्ने सम्भावना छ ।

लगातार झरी र ठूलो पानी परेका बेला नदी, खोला र तटीय क्षेत्रमा बाढी र डुबानको जोखिम हुने भएकाले सतर्कता अपनाउन महाशाखाले अनुरोध गरेको छ ।

गएको जेठ १५ गते राति कोशी प्रदेशमा भित्रिएको मनसुन हिजोदेखि देशभर फैलिएको छ ।

ढोरपाटन नगरपालिकाले विभिन्न क्षेत्रमा उत्कृष्ट ३ जना व्यवसायलाई नगद सहित सम्मान गरेको छ ।

नगरपालिकाको बिहीबार नगरसभाको १७ औँ अधिवेशनका क्रममा  कृषि क्षेत्रतर्फ उत्कृष्ट गर्नुहुने ढोरपाटन १ भब्रेटा का चन्द्रलाल पाण्डे , उत्कृष्ट व्यवसायी तथा ढोरपाटन नगरपालिकामा सबैभन्दा बढि कर तिर्ने उद्योग वाणिज्य सङ्घका अध्यक्ष ढालेन्द्र छन्त्याल र पश पालक कृषक तर्फ बाख्रा पकेट कार्यक्रममा उत्कृष्ट बाख्राको खोर निर्माण गर्ने ढोरपाटन ६ का कमल भण्डारीलाई सम्मान गरिएको हो ।

दोसल्ला, नगद र सम्मान पत्र सहित सम्मान गरिएको हो ।  

ढोरपाटन नगरपालिकाले बिहीबार नगरसभाको १७ औँ अधिवेशनबाट आर्थिक बर्ष २०८२÷०८३ को निती कार्यक्रम तथा बजेट प्रस्तुत गरेको छ ।

पालिकाले कुल ६० करोड ७८ लाख २ हजार रुपैयाँको अनुमानीत बजेट ल्याएको छ । कार्यवाहक मेयर धन बहादुर कायतद्धारा प्रस्तुत बजेट वक्तव्यमा संघिय सरकारबाट वित्तिय समानिकरणमा १० करोड ६७ लाख, संघिय सरकार सर्शत अनुदान २८ करोड ९ लाख, संघ समपुरक अनुदान ८७ लाख, संघिय सरकार विशेष अनुदान १ करोड ९० लाख प्राप्त भएको बजेट प्रस्तुत गरिएको हो ।

त्यस्तै संघीय सरकार राजश्व बाँडफाँड ११ करोड २२ लाख प्रदेश सरकारबाट वित्तिय समानिकरण अनुदान १ करोड २६ लाख ३८ हजार, प्रदेश सरकार विशेष अनुदान ४० लाख , प्रदेश समुपुरक ६० लाख, प्रदेश सवारी साधन कर तर्फ १ करोड १९ लाख १५ हजार बराबरको बजेट प्रस्तुत गरिएको थियो ।

त्यस्तै ढोरपाटन नगरपालिकाको राजश्व अनुमान २ करोड १५ लाख चालु बर्षको बैँक मोज्दान १ करोड ७० लाख ४९ हजार घरजग्गा रजिष्ट्रेशन शुल्क ५५ लाख अुनमान सहित बजेट प्रस्तुत गरिएको हो । । नगरपालिकाले शिक्षा, स्वास्थ्य, पूर्वाधार लगाएतका कार्यक्रमलाई प्राथमिकता दिइएको पाइएको छ ।

कार्यक्रममा कार्यपालिका सदस्य नवीन शेरचनद्धारा निती तथा कार्यक्रम, वडा अध्यक्ष खीम बहादुर घर्तीद्धारा आर्थिक वियेयक , वडा अध्यक्ष धन बहादुर अदैद्धारा नितिगत निर्णय प्रस्तुत गर्नुभएको थियो । त्यस्तै सभाका सदस्यहरु वान बहादुर छन्त्याल, गोपाल महत, तम बहादुर घर्ति, कुल बहादुर छन्त्याल द्धारा निती कार्यक्रममा छुट भएका विषय र थप गर्नुपर्ने प्रस्तावका विषयमा धारणा राख्नु भएको हो । सभामा उठेका विषयलाई छलफलका माध्यमबाट अगाडी बढाएर पास गर्ने गरी कार्यक्रम सकिएको हो
कार्यवाहक मेयर धन बहादुर कायत को अध्यक्षतामा आयोजित कार्यक्रम प्रमुख प्रशासकीय अधिकृत चिरञ्जीवी घिमिरेले सञ्चालन गर्नुभएको हो । कार्यक्रममा कार्यपालिका सदस्य नगरसभा सदस्य, शिक्षक, कर्मचारी लगायतको उपश्थिती रहेको थियो । 

 छविलाल पाण्डे बागलुङ

देशमा २६ खर्ब बढि ऋण रहेको अवस्थामा बागलुङको ढोरपाटन नगरपालिकाले ऋण मुक्त देश बनाउने अभियानमा सहयोग गर्ने भएको छ । नगरपालिकाले आफ्नो दायित्व बोध गर्दे नेपाललाई ऋण विनाको देश बनाउने अभियानमा हातेमालो गर्ने गरी कुल पाँच लाख बजेट विनियोजन गरेको हो ।

बिहीबार १७ औँ नगरसभाबाट आर्थिक बर्ष २०८२÷०८३ को निती कार्यक्रम तथा बजेटमा नगरपालिकाले सरकारी गैर सरकारी संस्थालाई अपिल गर्दे ऋण मुक्त देश बनाउने अभियानमा हातेमालो गर्न अपिल गर्दे पालिकाको तर्फदेखि पाँचलाख बजेट विनियोजन गरिएको कार्यवाहक मेयर धन बहादुर कायत ले प्रस्तुत गर्नुभएको बजेटमा उल्लेख छ ।

त्यस्तै कार्यपालिका सदस्य नविन शेरचनले प्रस्तुत गर्नुभएको निती कार्यक्रममा समेत प्राथमिकता दिँदै यस्तो महान अभियानमा सबैको साथ भएमा देश चाँडै ऋण मूक्त हुने जनाउँदै कार्यविधि लगायत कानुन बनाएर यो कार्यक्रमलाई कार्यान्वयन गरिने जनाइएको छ । सरकारको पछिल्लो तथ्याङ्क अनुसार १२ खर्ब ७२ अर्ब आन्तरीक र १३ खर्ब ८२ अर्ब बाह्य गरी कुल २६ खर्ब ५४ अर्ब ऋण रहेको पाइएको छ ।

ढोरपाटन नगरपालिका शिक्षा युवा तथा खेलकुद शाखाको आयोजनामा बुधबार वृहत शैक्षिक सम्मेलन तथा शैक्षिक सत्र २०८१ को आधारभूत तह कक्षा ८ उर्तिण परीक्षाको नतिजामा उत्कृष्ट शिक्षक विद्यार्थी तथा विद्यालय सम्मान कार्यक्रम सम्पन्न गरिएको छ ।
नगरपालिकामा शिक्षा क्षेत्रका विकास र गुणस्तर माथी उकास्ने उदेश्य सहित शिक्षाविद प्राध्यापक डा. विधानाथ कोइरालाले नगरपालिका भरका विभिन्न तहका शिक्षक र जनप्रतिनिधी र व्यवस्थापन समिती पदाधिकारीका निम्ती प्रशिक्षण दिनुभएको हो । कोइरालाले शिक्षाको गुणस्तर सुधारको पाटो, विद्यार्थीमा सिकाउनु पर्ने गुण र अनुसासन, शिक्षले ध्यान दिनुपर्ने विषयवस्तु लगाएतका सन्दर्धमा प्रशिक्षण दिनुभएको हो ।

ढोरपाटन नगरपालिका सामाजिक विकास समिती संयोजक नविन शेरचनको अध्यक्षतामा आयोजीत कार्यक्रममा ढोरपाटन नगरपालिका कार्यवाहक मेयर धन बहादुर कायत लगाएत जनप्रतिनिधी, विभिन्न विद्यालयका प्रध्यानाध्यापक , शिक्षक, व्यवस्थापन समिती पदाधिकारी लगाएतको सक्रिय सहभागिता रहेको थियो ।
कार्यक्रमका अवसरमा कक्षा ८ को उर्तिण परिक्षामा उत्कृष्ट नतिजा ल्याउने, विद्यार्थी, विषयगत शिक्षक र राम्रो नतिजा ल्याउने विद्यालयलाई सम्मान गरिएको शिक्षा यूवा तथा खेलकुद शाखा प्रमुख गणेश बहादुर रावलले बताउनु भयो । कार्यक्रम ज्ञानेन्द्र सापकोटाको सञ्चालनमा सम्पन्न भएको हो ।

काठमाण्डौ उपत्यकासहित बागमती प्रदेशका विभिन्न ठाउँमा अहिले सामान्य पानी परिरहेको छ ।

पछिल्लो एक घण्टामा  काठमाण्डौको साँखुमा सबैभन्दा धेरै २८ दशमलव ८ मिलिमिटर वर्षा मापन भएको छ । भक्तपुरको नगरकोटमा १० मिलिमिटर, मकवानपुरको रजैयामा २२ मिलिमिटर र चिसापानीगढीमा ६ दशमलव २ तथा काभ्रेको धुलिखेलमा ४ दशमलव २ मिलिमिटर वर्षा मापन भएको छ ।

यस्तै काठमाण्डौको दक्षिणकाली, कीर्तिपुर, काभ्रेको खोपासी, मकवानपुरको हेटौँडालगायतका ठाउँमा पनि सामान्य वर्षा भइरहेको जल तथा मौसम पूर्वानुमान महाशाखाले जनाएको छ । यसैगरी कोशी प्रदेश, गण्डकी प्रदेश र कर्णाली प्रदेशका केही ठाउँमा सामान्य पानी परिरहेको छ ।

अहिले कोशी, मधेश, बागमती, गण्डकी प्रदेशका केही भागमा र लुम्बिनी प्रदेशको पूर्वी भागमा मनसुनी वायुको प्रभाव रहेकाले यस क्षेत्रमा राति पनि पानी पर्ने अनुमान रहेको महाशाखाले जनाएको छ । देशको पश्चिमी भागमा भने पश्चिमी वायु र स्थानीय वायुको आंशिक प्रभाव रहेको छ ।

आज भोजपुर, सङ्खुवासभा, सोलुखुम्बु, दोलखा, सिन्धुपाल्चोक, सिन्धुली, खोटाङ, गोरखा, तनहुँ, लमजुङ, कास्की, स्याङ्जा, पर्वत, बागलुङ, म्याग्दी, नवलपुर पूर्व, पाल्पा र रुपन्देहीमा रहेका नदी तथा खोलाको जल सतह घटबढ हुनसक्ने भएकाले सावधानी अपनाउन बाढी पूर्वानुमान महाशाखाले आग्रह गरेको छ ।