फाइल फोटो
कात्तिक २३ गते बुर्तिबाङ
बागलुङको बडिगाडमा एक दम्पत्तिको शव घरमा झुण्डिएको अवस्थामा फेला परेको छ ।
बडिगाड गाउँपालिका १० निगलपानी का २० बर्षिय जीवन परियार र निजकी २१ बर्षिया श्रीमती सन्ध्या परियार घरमा एकै डोरीको पासो लगाई बिहीबार साँझ झुण्डिएको अवस्थामा शव फेला परेको इलाका प्रहरी कार्यालय बुर्तिबाङका प्रमुख प्रहरी निरीक्षक आनन्द बस्नेतले बताउनु भयो ।
गतवर्ष मात्र निसीखोला गाउँपालिका ५ निसीबाट विवाह गरेका जीवन दम्पतीको २ महिने एक छोरा रहेका छन ।
पोखराको एक होटलमा काम गर्दे आएका जीवन केही दिन पहिले मात्रै घरमा आएको र श्रीमती सन्ध्या परियार माइतमा बस्दै आएको बुझिएको छ ।
परियारले बुधबार मात्रै माइतमा रहेकी श्रीमती र छोरालाई लिएर घर गएका थिए बिहीबार साँझ दुबै जना एकै डोरीको पासोमा झुण्डिएको अवस्थामा देखेपछि स्थानीयले प्रहरीलाई खबर गरेका हुन ।
प्रहरीका अनुसार घटनाको विषयमा अनुसन्धान भइरहेको र शव पोष्ट मार्टमका लागी बुर्तिबाङ स्वास्थ्य केन्द्रमा राखिएको हो ।
