बागलुङको निसीखोला गाउँपालिका ४ कानावगरमा स्थापित बृहस्पति युवा क्लबले आयोजना गरेको तिज विशेष मेलालाई शुक्रबार गण्डकी प्रदेश सभा सदस्य माननीय दोर्ण कुमार कुवँरले उद्घाटन गर्नुहुने भएको छ ।
क्लबले प्रत्येक बर्ष हरितालिका तिजको अवसरमा क्लबले तिज गित नृत्य सँगै विभिन्न खेलकुद र सांस्कृतिक कार्यक्रमको आयोजना गर्दे आइरहेको छ ।
यसवर्ष पनी विभिन्न कार्यक्रमको आयोजना गरिएको र भाद्र २५ गतेसम्म मेला सञ्चालन हुने क्लबका अध्यक्ष मन प्रसाद आर्चायले बताउनु भयो ।
भोली हुने कार्यक्रमको माननीय दोर्ण कुमार कुवँर प्रमुख अतिथी रहने र गण्डकी प्रदेश सभा सदस्य दिलमाया पौवी , निसीखोला गाउँपालिका अध्यक्ष सुर्य बहादुर घर्ति, उपाध्यक्ष प्रेम बहाुदर घर्ति, ढोरपाटन नगरपालिका कार्यवाहक मेयर धन बहादुर कायत, तमानखोला गाउँपालिका अध्यक्ष जोकलाल बुढा, युवा नेता टेकराज पौडेल लगायत जनप्रतिनिधिको आतिथ्यमा उद्घाटन सत्रको कार्यक्रम तय गरिएको जनाइएको हो ।
क्लबले पुरुष भलिवल, तिज गित, नृत्य, रस्साकस्सी, ठेलो, ज्येष्ठ नागरिक सम्मान,गरिव तथा जेहेन्दार विद्यार्थी सहायता लगाएतका विभिन्न कार्यक्रमको आयोजना गरिएको क्लब सचिव भुवन क्षेत्रीले बताउनु भयो । खेलकुद कार्यक्रमको नाम दर्ता सुरु भइसकेको जनाइएको छ ।
