भाद्र १४
इलाका प्रहरी कार्यालय बुर्तिबाङले ढोरपाटन नगरपालिकाका जनप्रतिनिधि र विभिन्न सङ्घसंस्थाका प्रतिनिधि सँग शुक्रबार अन्तरकृया गरेको छ । १० नमुना शहर मध्येको बुर्तिबाङ शहर अव्यवस्थित हुँदै गएको विषयलाई प्राथमिकता दिँदै प्रहरीले अन्तरकृया कार्यक्रम गरेको हो ।
ढोरपाटन नगरपालिका कार्यवाहक मेयर धन बहादुर कायतको विशेष उपश्थितीमा आयोजित कार्यक्रममा इलाका प्रहरी कार्यालय बुर्तिबाङका प्रमुख प्रहरी निरीक्षक राज कुमार बिकले बजारमा देखिएको अव्यवस्थित सवारी पार्किङ, बजारमा सडक पेटी भन्दा बाहिर सामान्य राख्ने गरिएको समस्या, साँघुरा सडकमा वान वय सवारी सञ्चालन गर्ने सक्ने अवस्था र विभिन्न स्थानमा राखिएको ब्रेकरको अवस्था र त्यसलाई कसरी न्यूनिकरण गर्न सकिन्छ भन्ने विषयमा छलफल र अन्तरकृया गरिएको हो ।
कार्यक्रममा सहभागिले प्रहरीले उठाएको महत्वपूर्ण प्रस्ताव माथि छलफल गर्दे चाँडै त्यसलाई कार्यान्वयनको पक्षमा जाने विषयमा छलफल भएको हो । छलफलका क्रममा उठेका विषयमा कार्यवाहक मेयरको नेतृत्वमा अनुगमन गर्ने र समस्याको समाधानका निम्ती पहल अगाडि बढाइने निर्णय भएको प्रहरी निरीक्षक राजकुमार बिकले बताउनु भयो ।
