बुर्तिबाङ भाद्र १४
राष्ट्रिय जनमोर्चाले शुक्रबार विभिन्न माग सहित निसीखोला गाउँपालिकामा ज्ञापनपत्र हस्तान्तरण गरेको छ ।
पार्टीको केन्द्रिय कार्यक्रम अन्र्तगत बागलुङ जिल्लाका सबै पालिकामा ज्ञापन पत्र बुझाउने र वडा तहमा पार्टीको सङ्गठनात्मक कार्यक्रम सुरु गरेको पार्टीले शुक्रबार निसीखोला गाउँपालिका उपाध्यक्ष प्रेम बहादुर घर्तिलाई २५ बुँदे माग सहितको ज्ञापन पत्र हस्तान्तरण गरेको हो ।
राजमो केन्द्रिय सदस्य गौरिश्वर पाण्डको विशेष उपस्थिति रहेको आयोजित कार्यक्रममा पाण्डेले बोल्दै देशमा देखिएको भ्रष्टाचार, अनियमितता , सङ्घीयताको अवस्था लगाएतका विषयमा धारणा राख्दै वर्तमान अवस्थामा ठूला दलकै कारण देश गम्भिर मोडमा फसिसकेको बताउनु भयो । सङ्घीयताको कार्यान्वयनका कारण डुब्दै गएको देशमा भ्रष्टाचार, अनियमितता र अस्थिर राजनैतिक अवस्थाका कारण देश झनझनै सङ्कटमा पर्दै गएको बताउनु भयो ।
राष्ट्रिय जनमोर्चाले देशमा देखिएको अराजकता र व्यापक कुरीतिलाई रोक्नका निम्ती देशव्यापी रुपमा विरोधका कार्यक्रम गर्दे आइरहेको बताउँदै देशलाई बचाउने अभियानमा सचेत नागरिक सङ्गठित बन्नुपर्नेमा जोड दिनुभयो ।
कार्यक्रममा पार्टीको तर्फदेखि राष्ट्रिय जनमोर्चा जिल्ला उपाध्यक्ष खिम विक्रम शाहीले २५ बुँदै ज्ञापनपत्र वाचन गर्दे स्थानीय तहबाट सुधार गरेर लैजानु पर्ने विषयलाई स्थानीय तहले गम्भीरताका साथ लिनुपर्ने र प्रदेश र संघबाट हुने विषयलाई माथिल्लो तहसम्म पुग्ने गरी पहल गर्ने आग्रह गर्दे जनताको समस्या र देशको अवस्थालाई ख्याल गरेर अगाडि बढ्न सुझाव दिनुभयो ।
राष्ट्रिय जनमोर्चाले दिएको ज्ञापन पत्र बुझ्दै निसीखोला गाउँपालिका उपाध्यक्ष प्रेम बहादुर घर्तिले बोल्दै स्थानीय सरकारले जनता सँग जोडिएर समृद्धि र विकास संग अगाडि बढिरहेको बताउँदै कतिपय विषयमा कानुन, राज्यको निती जस्ता विषयले समेत जनअपेक्षा बमोजिम अगाडि बद्न कठिन हुने बताउँदै राष्ट्रिय जनमोर्चाले उठान गरेका महत्वपूर्ण विषयलाई गम्भीरताका साथ लिएर अगाडि बढिने बताउनु भयो ।
कार्यक्रममा निसीखोला गाउँपालिका प्रमुख प्रशासकीय अधिकृत ,जनप्रतिनिधि विषयगत शाखा प्रमुख, कर्मचारी लगायतको उपस्थिति रहेको थियो । त्यस्तै राष्ट्रिय जनमोर्चाको तर्फदेखि जिल्ला तहदेखि स्थानीय तहका नेता कार्यक्रताको सहभागिता रहेको थियो कार्यक्रम राष्ट्रिय जनमोर्चा निसीखोला गाउँपालिका अध्यक्ष थम्मन घर्तिले सञ्चालन गर्नुभएको थियो ।
