भदौ १३ बुर्तिबाङ
नेपाली काङ्ग्रेस बागलुङ जिल्ला सदस्य तथा तमानखोला गाउँपालिका निवर्तमान गाउँसभा सदस्य मन कुमारी बुढाथोकीको १३ औँ दिनको पुण्य तिथिका अवसरमा तमानखोला गाउँपालिका ३ तमानमा शोक सभा सम्पन्न भएको छ ।
नेपाली काङ्ग्रेस केन्द्रिय महाधिवेशन प्रतिनिधि तथा गण्डकी प्रदेश सभा सदस्य माननीय दोर्ण कुमार कुवँर, नेपाली काङ्ग्रेस क्षेत्रीय सभापति जोकलाल बूढा लगायत नेता कार्यक्रता र स्थानीयको उपश्थितीमा शोक सभा गरिएको हो ।
रणनिति सँगै विभिन्न सामाजिक क्षेत्रमा सक्रिय रहेकी बुढाथोकीको गत भाद्र १ गते ४३ बर्षको अल्पआयुमै उमेरमा निधन भएको थियो ।
शोक सभा कार्यक्रममा गण्डकी प्रदेश सभा सदस्य माननीय दोर्ण कुमार कुवँरले बोल्दै मनकुमारी बुढाथोकीको निधनले सिंगो पार्टी, समाजलाई क्षति पुगेको बताउँदै उहाँले गरेको सत्कर्मलाई सबैले अनुसरण गर्दे जानुपर्ने बताउनु भयो ।
एक असल, समाजसेवी व्यक्तिको निधनले सिङ्गो तमानखोला गाउँपालिकालाई समेत क्षेति पुगेको बताउँदै उहाँले देखेका समाज रूपान्तरण मुखी सपना पुरा गर्नमा आफूले समेत साथ दिने बताउँदै परिवार जनमा श्रद्धाञ्जली अर्पण गर्दे स्वर्गीय मन कुमारी बुढाथोकीको स्वर्गीय आत्माको चिर सान्तीको कामना गर्नुभयो ।
कार्यक्रममा स्थानीय समाजसेवी, बुद्धिजीवी, स्थानीय समुदाय, आफन्ती जन ,राजनैतिक दलका नेता कार्यक्रताको उपस्थिति रहेको थियो ।
स्वर्गिय बुढाथोकीको १३ औँ दिनको पुण्य तिथीमा तमानखोला गाउँपालिकाले आज सार्वजनिक बिदा दिएको थियो ।
