भदौ १३ बुर्तिबाङ
‘गणतन्त्र र राष्ट्रियताको रक्षा गरौं, संघीयताको खारेज गरौं’ भन्ने उदघोष सहित सञ्चालित राष्ट्रिय जनमोर्चा बागलुङको विशेष संगठनात्मक अभियानको दोस्रो दिन राष्ट्रिय जनमोर्चा बागलुङका सचिव भिमलाल पोखरेलको नेतृत्व रहेको ढोरपाटन नगरपालिका कार्यवाहक नगर प्रमुख धन बहादुर कायतलाई राष्ट्रिय र स्थानीय गौरवका विषयहरुको उठ्ठान गर्दै बुँद ज्ञापन पत्र बुझाएको छ ।
ज्ञापन पत्रमा राष्ट्रिय तथा स्थानीय स्तर सम्म महंगी तथा भ्रष्टचार निर्मुल पार्नु पर्ने, विकास निर्माणको कार्यमा ढिलासुस्ती, योजना छनौटमा तिनै तहमा दलगत स्वार्थ, सहकारीको नियमन, यातायात भाडा दर, सालभुन्डी ढोरपाटन मोटर बाटो अगाडी बढाउने, उत्तरगंगा हाईड्रो पावर बागलुङमा बनाउनु पर्ने लगायतका विषयहरु लेखिएको छ ।
दोस्रो दिन बिहीबारको कार्यक्रम ढोरपाटन वडा नं ।२ टारीखेतमा सम्पन्न भएको छ ।
कार्यक्रममा राष्ट्रिय जनमोर्चा बागलुङका सचिव भिमलाल पोखरेल, राजमो जिल्ला सदस्य धन बहादुर अदै, राजमो जिल्ला कोषाध्यक्ष दिपक थापा लगायतले प्रशिक्षण मन्तव्य राखेका थिए ।
कार्यक्रम राजमो ढोरपाटन वडा नं । २ वडा अध्यक्ष तम बहादुर घर्तीको अध्यक्षता, ढोरपाटन वडा नंम्बर २ राजमो वडा सदस्य भेक बहादुर खत्रीको स्वागत र राजमो ढोरपाटन वडा नमबर २ वडा सचिव लाल बहादुर कुवँरको सञ्चालनमा सम्पन्न भएको थियो । शुक्रबार निसीखोला गाउँपालिकामा ज्ञापन पत्र बुझाउने कार्यक्रम रहेको जनाइएको छ ।
