भाद्र १२ गते बुर्तिबाङ
राष्ट्रिय जनमोर्चा बागलुङको जिल्ला समितिको आठौं बैठकको निर्णय अनुसार आज भदौ १२ गते बुधबार देखि बागलुङ जिल्लाका १० पालिकाका ८५ वटै वडाहरुमा ‘राष्ट्रियता र गणतन्त्रको रक्षा गरौ, संघियता खारेज गरौ’ भन्ने नाराको साथमा वडा स्तरीय बिशेष संगठनात्मक अभियान सुरु भएको छ ।
भदौ १२ गते देखि सुरु भएको कार्यक्रम भदौ २५ गते समापन हुने राष्ट्रिय जनमोर्चा केन्द्रिय सदस्य गौरश्विर पाण्डेले बताउनु भयो ।
‘राष्ट्रियता र गणतन्त्रको रक्षा गरौ, संघियता खारेज गरौ’ भन्ने नाराको साथ १० वटै पालिकाका प्रमुखहरुलाई राष्ट्रिय र स्थानीय समस्याको बिषयमा ध्यान आर्कषण गराउदैं भदौ २५ गते भित्र ज्ञापनपत्र बुझाउने कार्यक्रम पनि रहेको छ भने बागलुङ प्रमुख जिल्ला अधिकारी मार्फत प्रधानमन्त्रीसम्म भदौ मसान्त सम्म ज्ञापन पत्र बुझाईने पनि उनले जानकारी दिएका छन् । राष्ट्रिय जनमोर्चा बागलुङले बिशेष गरि जिल्लाका प्रत्येक वडामा आफ्ना कार्यकर्ताहरुलाई संगठनात्मक प्रशिक्षण पनि गर्नेछ ।
भदौ १२ गते जिल्लाका ७ वटा वडामा कार्यक्रमको उद्घाटन गरिएको छ । बरेङ गाउँपालिकाको वडा नं। १ धुल्लुबाँस्कोटमा राजमो गण्डकी प्रदेश उपाध्यक्ष धर्म कुँवर , जैमिनि नगरपालिकाका वडा नं १ कुश्मि सेरामा राजमो पूर्व केन्द्रिय सचिव कृष्ण अधिकारी, बागलुङ नगरपालिकाको वडा नं। १२ अमलाचौर राजमो जिल्ला अध्यक्ष तिलक थापा, गल्कोट नगरपालिका वडा नं १ दुदिलाभाटीमा राजमो केन्द्रिय सदस्य राजेन्द्र ढुङगाना, बडिगाड गाउँपालिका वडा नं २ खर्बाङमा अखिल नेपाल युवक संघ केन्द्रिय महासचिव भिमसेन वन, ढोरपाटन नगरपालिका वडा नं १ बुर्तिबाङमा राजमो जिल्ला सचिव भिमलाल पोख्रेल र निसीखोला गाउँपालिका वडा नंम्बर ७ राजकोटमा राजमो केन्द्रिय सदस्य गौरिश्वर पाण्डेले उद्घाटन गर्नुभएको छ । आयोजित कार्यक्रम दान बहादुर विकको अध्यक्षता भिम बहादुर कुवँरको सञ्चालनमा कार्यक्रम भएको हो ।
कार्यक्रमको ७ वटा समुहमा राष्ट्रिय जनमोर्चाका केन्द्रिय पदाधिकारी, प्रदेश पदाधिकारी, जिल्ला पदाधिकारी र पालिका पदाधिकारी रहने पनि राष्ट्रिय जनमोर्चा बागलुङका अध्यक्ष थापाले बताएका छन् ।
